رواية نقاء قلبى الفصل الثامن 8
 |
| رواية نقاء قلبى الفصل الثامن 8 بقلم آيه عيد |
#نقاء_قلبي
فجاة جت طل*قة في عز في كتفه من الامام .... وقع علي الارض با*لم.
ليل اتصدمت وقربت منه بسرعة وخوف:عز، عز انت كويس؟!
عز وهو بيحاول يقاوم الا*لم : ك كويس، متقلقيش.
دخل رجالة عز ال كان عددهم كبير وبداوا يشت*بكوا معاهم....
وكل الرجال ال لابسين اسود هربوا بسرعة لما رجالة عز دخلت، دا غير انهم افتكروا عز ما*ت خلاص.
انس كان هيجري وراهم بس رنيم مسكت فيه بخوف:ل لا ارجوك متسبنيش، انا خايفة.
انس بص في عيونها وشاف خوفها، ومقدرش يتحرك.
انس اخدها من ايدها وراح لعز وبعدين بص لفريقه:الحقوووهم.
فريقه اتحرك وجريوا ورا الرجالة.... وكان في بعض المعازيم المصا*بة جرو*ح بسيطة.
انس جري علي عز ونزل لمستواه وبقلق: انت كويس؟!
عز اخد نفس بصعو*بة وهو بيقاوم ا*لمه بضيق : كويس.
ليل بدموع :لا مش كويس، ا احنا لازم نروح المستشفي.
عز بصلها وحط ايده علي خدها بهدوء :اهدي.
وليل نظرت له بدموع.
.... ورنيم استغربت نظراته لليل.
عز قام واتسند علي انس ووقف، وانس اتصل بالاسعاف عشان المعازيم.
ليل قربت منه وحطت ايدها علي الجر*ح عشان مينز*فش د*م كتير.
وعز بصلها وشاف في عيونها خوفها عليه.
انس سند عز واخده للخارج وركبه في العربية من الخلف، وليل ركبت جمبه.
وانس ركب قدام عشان يسوق ورنيم جمبه.
@@@@@@@@@@@@@@@@@@@@@@
جميلة واقفة في اوضتها هتتجن وعايزة تنزل تطمن علي عز.
فجاة تلفونها رن وكان ابوها.
جميلة بعصبية:انت ليه خليتني اطلع؟!
شريف :امال اسيبك تتق*تلي تحت يعني.
جميلة: مكنش لازم اسيب عز يابابا.
شريف : متخافيش اكيد كويس.
جميلة :انا هخرج اتطمن عليه.
شريف بسرعة :لا، متطلعيش دلوقتي، هبعتلك رجالتي تاخدك من المكان وترجعي البيت.
جميلة بعصبية: وعزززز.
شريف :اهدي ياجميلة، ما اكيد عز مش هيفضل في الفندق برضوا.... فا ارجعي وهنبقي نزوره في القصر.
جميلة سكتت بضيق : ماشي، اخلص وابعت الحراس.
شريف : ماشي.
@@@@@@@@@@@@@@@@@@@@@@
في المستشفي
في جناح خاص
عز دخل غرفة العمليات والدكاترة معاه جوا.
وليل واقفة برا بتعيط وعينها علي الاوضة.
رنيم قربت منها باستغراب:انتي كويسة؟!
ليل استوعبت وبدات تمسح دموعها برجفة وتوتر ومنزلة رأسها للاسفل :ا اه، ك كويسة.
انس كان واقف بعيد شوية وبيكلم احمد في الفون.
انس :ها، جبتوهم؟!
احمد :لا ملحقناش، دول طلعوا ناس كتيرة اوي.... وفي عربيات جت اخدتهم.
انس بحده :مقدرتوش توصلوا لحاجة؟!
احمد:حسام قدر يلقط تلفون واحد منهم، واحنا دلوقتي بنحاول نفتحه.
انس :تمام،حاولو لحد ما نقدر نوصلهم.
وقفل معاه،وجه يلف شاف رنيم واقفة قدامه.
رنيم بتوتر:ا احم، شكرا.
انس ببرود:العفو.
رنيم بفضول:هو انت ظابط؟!
انس مردش عليها وبعد عنها ومسك تلفونه.... رنيم جت وقفت قدامه تاني بغي*ظ طفولي :ممكن ترد عليا لما اكلمك!
انس بحده:انتي عايزة ايه بالظبط، من يوم ما شوفتيني وانتي ماشية ورايا..... حتي القسم جريتي ورايا وعملتيها حجة ان عربيتك اتسر*قت عشان تشوفيني، وكمان مش فاضي لهبلك دا!!!
رنيم الدموع بدات تتجمع في عينها وهي بصاله بأحراج ودهشة.
انس لاحظ انها هتعيط، اتنهد ولسة هيتكلم بهدوء.... بس هي جريت من قدامه وخرجت من الجناح كله.
وانس انظاره عليها وحس بالند*م انه احر*جها.
ليل كانت قاعدة علي الكرسي وكانت بتعيط علي عز.
فجاة اهل عز دخلو الجناح وجريوا علي انس.
ليل اتوترت واستغلت انشغالهم وقامت بسرعة ، واتحركت من الجناح بس بصت نظرة علي غرفة العمليات بحزن وانفاس متق*طعة.... وبعدين مشيت من المكان.
سلمي بخوف :ع عز ماله يا انس؟!
انس بصلها: اولا ازيك يا طنط سلمي، ثانيا متقلقيش عز كويس....والدكاترة بيهتموا بيه جوا.
سلمي قعدت علي الكرسي براحة بس بتعيط علي عز خوفا عليه.
نبيل :طب ازاي حصل كل دا؟!
انس : لسة منعرفش دا كله حصل ازي وليه.... بس هنعرف.
ريهام بخوف :ط طب رنيم كويسة؟!
انس :ايوا متقلقيش، هي اصلا موجودة هنا.... تلاقيها راحت الحمام.
ريتاج :وجميلة؟!
انس باستغراب:مين جميلة؟!
سلمي بعفوية :دي خطيبة عز.
انس بذهول : عز اتخطب؟!
ريتاج وهي بتفهمه:ا لا هو لسة يعني مبقوش مخطوبين، بس هيحصل.
انس :اممم، لا بصراحة مشوفتهاش.
............ بعد ساعة
خرج الدكتور بهدوء، والكل راح عنده.
نبيل :طمني يادكتور، عز ماله؟!
الدكتور:متقلقوش، هو كويس.... بس محتاج راحة.
سلمي :تمام، بس احنا هناخده القصر.... وهنهتم بيه كويس!!!
الدكتور: تمام،هبعتله كل اسبوع ممر*ض يغيرله علي الجر*ح.
انس :شكرا يادكتور.
الدكتور :العفو.
ومشي الدكتور
@@@@@@@@@@@@@@@@@@@@@
عند ليل
رجعت الفيلا، بعد ما كريم مساعد عز وصلها... لانه اصلا عارف الحكاية.
طلعت علي الاوضة وبصت فيها، شمت ريحته ودموعها بدأت تنزل بهدوء.... اتحركت وقعدت علي السرير وهي بتشهق بخفة زي الاطفال:ا انا ايه ال جرالي، ا المفروض اني مش عايزاك اصلا... وكنت بتمني كدا من زمان.... ب بس دلوقتي انا مش عارفة انا عايزة ايه!....
مسكت تلفونها واتصلت بكريم وبتردد :ه هو عز بقي كويس؟!
كريم :ايوا يا هانم بقي كويس.... واحنا دلوقتي بننقله للقصر.
ليل بتوتر:ط طب هو فايق؟!
كريم :للاسف لا، بسبب البنج.
ليل بلعثمة وتوتر :ا اه ماشي،خ خلاص هبقي اكلمه وقت تاني.
وقفلت معاه.
مسكت تلفونها وحضنته بحزن.... علي الاقل اتطمنت عليه، قامت واتجهت لغرفة الملابس واخدت بيجامتها وراحت الحمام.
@@@@@@@@@@@@@@@@@@@@@@
في مكان مجهول
قام الشخص بغضب :انت بتقول ايه؟! يعني مما*تش.... امال ايه فايدتكم!!!
احد رجاله :ولله افتكرناه ما*ت، متوقعتش انه يبقي لسة عايش.
الشخص بغضب :ما هو كل دا بسبب غبا*ءكم.
احد الرجال : متقلقش يا باشا، هنقدر عليه.
الشخص بغضب:تجبلي كل المعلومات ال تخصه.
الرجل : طب بمناسبة المعلومات، احنا عرفنا حاجة.
الشخص :ايه هو؟!
الرجل :لقيناه عايش في فيلا لوحده، والغر*يب انه مش عايش لوحده.
الشخص باستغراب :امال عايش مع مين؟! انطق.
الرجل :عايش مع واحدة وشكلها كدا مراته بس بالسر.
الشخص بذهول وابتسامة :مراته!!! دا مطلعش سهل زي ما كنا فاكرين بقي.
الرجل : اهله كمان ميعرفوش عنها حاجة.
الشخص :المعلومة دي هتفيدني اوي، هات التلفون واتصل ب.......
الرجل بذهول :يعني هتقوله!
الشخص بضحك :ما لازم يعرف، ما عز دا في النهاية هيفيده.
الرجل مد ليه التلفون، وهو اتصل بحد.
@@@@@@@@@@@@@@@@@@@@@@
في الصباح
في قصر الرفاعي.
عز فتح عيونه ببطء وتعب، وكان عا*ري الصد*ر بس متغطي.... وكان ملفوف عليه شاش ابيض مكان الجر*ح .
فتح عينه ولقي العيلة حواليه....قام قعد وسند رأسه للخلف علي السرير.
سلمي قعدت جمبه ومسكت ايده :عز، حبيبي.... انت كويس؟!
عز بهدوء : كويس.
ريتاج :دا احنا خوفنا عليك اوي.
نبيل :حمدلله علي السلامة يابطل.
ريهام :الف سلامه عليك يا عز.
عز اومأ ليهم وسكت.
فجاة الباب اتفتح ودخلت جميلة بسرعة وخوف :عز، انت كويس.
سلمي : اهدي ياحبيتي هو كويس دلوقتي، متقلقيش.
جميلة قربت وقعدت جمبه :انا اسفة اني سيبتك امبارح.... مش هسيبك تاني ابدا.
سلمي بابتسامة :كويس انك طلعتي او كنتي اتأ*ذيتي.
عز بتنهيدة : اطلعوا برا، عايز ارتاح.
نبيل :اكيد طبعا، يلا ياجماعة خلوه يرتاح شوية.
جميلة :بس انا عايزة اقعد معاك شوية.
عز بضيق وهو باصص قدامه وبنبرة حده :قولت عايز ارتاح.
جميلة اتضايقت، وقامت وخرجت والعيلة خرجت وراها.
اما عز قعد يدور علي تلفونه بس ملقاهوش، وافتكر انه وقع منه في الحفله.
اتنهد بحده وضيق.
فجاة الباب خبط ودخل انس.
وقعد علي الكرسي ال قدامه.
انس :عامل ايه دلوقتي؟!
عز بهدوء :كويس.
انس : اسفين بقي علي ال حصل امبارح، احنا مركزناش اوي في شغلنا.
عز:ولا يهمك في النهاية كان هيحصل برضوا.
انس بتنهيدة :عندك حق.... بس يستحسن تخلي بالك اليومين دول، الناس دي طلعت ما*فيا مش ساهلين يعني، بس ال محيرني هما عايزين منك ايه؟!
عز نظر للسطح بنظرة غر*يبه :كله هيبان مع الوقت.
قام انس :طب انا همشي بقي، ولواحتاجتني اتصل بيا.... وهبقي اعدي عليك تاني.
عز :تمام، بس وانت نازل ناديني كريم.
انس :حاضر.
وخرج..... وعز قعد يفكر في حاجة.
@@@@@@@@@@@@@@@@@@@@@@
عند ليل في الشركة
دخلت وشافت جميع الموظفين بيتهامسوا..... قربت من روان
ليل:هو فيه ايه؟!
روان اندهشت من وجودها :ليل، انتي كويسة؟! اختفيتي فين امبارح.
ليل بتوتر :ا اصل انا هربت بسرعة يعني.
روان :طب الحمد لله انك بخير.
ليل :طب قوليلي بقي، في ايه؟!
روان : الموظفين بيتكلموا علي عز بيه، وال حصل امبارح.
ليل :طب وسلوى متعصبة ليه كدا؟!
روان :الموظفين عايزين يزوروه، لكن هي ز*عقت فيهم.... وبيقوله انه مش بيحب الزيارات اصلا.
ليل سكتت وفكرت شوية، وبعدين جت تلف عشان تخرج من الشركة وقفتها سلوى بجبر*وت:رايحة فين يا ست هانم؟!
ليل لفت لها :ا اصل نسيت حاجة في البيت، ومحتاجة اروح اجيبها.
سلوى :مفيش خروج، ويلا علي شغلك.
ليل :مش هتأخر ولله.
سلوى بعصبية: قولت مفيش خروج.
ليل اتضايقت منها وبصتلها بضيق :انا اسفة، بس انا هخرج.
سلوى بغ*ل :بقي كدا.... تمام ،طب ايه رايك بقي انك لو طلعتي من هنا هتبقي مطر*ودة.
روان اتصدمت وبصت علي ليل ال متوترة.
ليل بدهشة :كل دا عشان قولتلك هطلع شوية.
نظرت لها سلوى بتحدي :انا قولت ال عندي.
ليل اتضايقت منها ومن اسلوبها وقربت ووقفت قصادها : تمام، انا ماشية..... بس اعملي حسابك اني هرجع تاني، وانتي مش هتقدري تمنعيني.
وخرجت ليل تحت انظار جميع الموظفين باندهاش علي كلامها وثقتها، وسلوى اتصدمت من جر*أتها.
@@@@@@@@@@@@@@@@@@@@@@
عند عز
دخل كريم وقرب من عز.
عز :تلفوني؟!
كريم :دا كان معايا من امبارح... اتفضل.
ومد ايده وعطاه التلفون.
عز فتحه واستغرب كمية المكالمات ال من حارس المستشفي، واتصل عليه
عز : في ايه؟!
الحارس :فاقت يابيه.
عز سكت واخذ نفس واتكلم :تمام، خليكم معاها لحد ما اجي.
الحارس :اوامرك يابيه، بس في حاجة كدا.
عز :ايه هي؟!
الحارس :في واحد جه امبارح وقال انه ابنها.
عز باستغراب :ابنها؟!
الحارس :ايوا، بس مرضيناش ندخله غير لما نسأل حضرتك.... فا مشي لما شافها من بعيد.
عز :اممم، تمام اما اجي هشوف الحكاية دي.
وقفل معاه.
عز بص لكريم:فين ليل؟!
كريم :رجعتها الفيلا امبارح ياباشا.
عز اتنهد ورجع رأسه للخلف.
فجاة الباب خبط، وكريم راح فتح ولقي الخدا*مة بس لابسة كما*مة.
الخا*دمة دخلت وهي شايلة صنية العصير وحطتها علي الكومود ال جمب السرير، ووقفت قدام عز.
عز لاحظ انها بتبص عليه ونظر لها في عيونها واستغرب من عيونها لانه عارفها كويس وفضل ينظر لها بتركيز.
كريم بابتسامة :طب انا هطلع انا بقي.
عز :خليك واقف قدام الباب، مدخلش حد من غير اذني.
كريم:اوامرك ياباشا.
خرج كريم..... وليل مسكت كوباية العصير ومدتها ليه، عز مسك كوباية العصير وحطها تاني علي الكومود ومسك ايدها وقعدها جمبه..... ونزل الكما*مة وشافها وابتسم بخفة وهدوء، اما هي كانت منزلة رأسها لتحت بتوتر وخجل....
عز رفع وشها باصبعه ونظر في عيونها.
عز :وحشتيني.
ليل بتلقاءية قربت وحضنته..... رغم ان عز اتأ*لم شوية بس ابتسم ومتكلمش لما شاف خوفها عليه وسابها تعمل ال عايزاه..... وحرك ذراعه ومسح علي ضهرها بحنيه.
ليل بعدت عنه والدموع بتتجمع في عينها:ا انت كويس؟!
عز بهدوء:كويس.
ليل بصتله وسكتت بتوتر وحزن.
عز :قدرتي تجي ازاي؟!
ليل : كريم ساعدني اني ادخل من باب الخد*م.
عز عقد حواجبه بضيق: وانتي تدخلي ليه من باب الخد*م...... تقدري تيجي من الباب الرئيسي، وانا هخليهم يدخلوكي.
ليل بضيق :م مش عايزة اعمل مشا*كل مع ال اسمها جميلة دي.
عز امسك ايدها وبص في عيونها : جميلة دي ال تطلع وانتي ال تبقي.
ليل بتبصله شوية وهي ساكتة ومتوترة.
عز حب يك*سر الصمت وقال بهدوء: ناوليني الدوا دا.
ليل جابت الدوا وكوباية المياه، ومدتها لعز..... اخد الدوا وخلص وبصلها.
ليل مدت ايدها وحطتها بخفة ورعشة علي جر*حه ونزلت دمعة منها بالغلط.
عز قرب ايده وحطها علي ايدها وعينه عليها.
ليل اتوترت وبعدت انظارها عنه....وبعدين بعدت ايدها.
ليل بتوتر :ط طب انا همشي ب بقي.... م ممكن حد يدخل دلوقتي.
وقامت وقفت ولسة هتلف.
عز بهدوء: خالتك فاقت.
ليل اتصدمت وبصتله.
عز :ايوا، سمعتي صح..... فاقت
ليل اتنفست بسرعة ودموعها بدات تنزل :ا انت ب بتتكلم جد.
عز:اممم.
ليل قعدت جمبه تاني :ط طب ممكن اروح اشوفها دلوقتي؟!
عز :ماشي.
ليل قامت بسرعة ولبست الكما*مة.....وخرجت وانظار عز عليها،و كان نفسه تفضل معاه شوية، بس متكلمش.
وخرجت وبصت شمال ويمين وكريم اخدها وخرجها من الباب الخلفي..... بس مشافوش ال كان بيراقبهم من بعيد وبش*ر
وهي نازلة وداخلة علي المطبخ سمعت سلمي وهي بتكلم جميلة وقاعدين في الصالة.
سلمي مدت سلسلة الماس فخمة : دي ياحبيبتي كانت بتاعتي، والد عز هو ال جبهالي...... بس انا قررت اني اشيلها لمرات ابني المستقبلي.
جميلة بكسوف:بس لسة محصلش حاجة بينا عشان تديهاني.
سلمي :لا هيحصل، انا متأكدة ان عز هيتجوزك انتي.
جميلة بصتلها بتمثيل الحزن:ما ممكن ميوافقش.
سلمي بثقة :لا طبعا هيوافق دا ابني، وهيسمع كلامي اكيد.
جميلة بابتسامة :بجد يا طنط!
سلمي بضحك :ماما بقي.
جميلة بخجل :حاضر ياماما.
سلمي لبستلها السلسلة وبصتلها بأنعجاب : انتي ال يليق عليكي انك تكوني مرات ابني المستقبلية.
جميلة مثلت الخجل ونزلت وشها.
سلمي :خلاص :كلها اسبوع كدا ونعمل الخطوبة بقي.
كل دا وليل واقفة سامعة ومندهشة، وفاكرة ان عز هيتجوز جميلة عليها...... صحيت من تفكيرها علي صوت كريم وهو بينادي عليها، استوعبت ومشيت وراه وخرجت من الباب بسرعة.
@@@@@@@@@@@@@@@@@@@@@
في المستشفي
دخلت بسرعة واتجهت علي اوضة خالتها ولسة هتدخل بس استغربت لما ملاقتش الحراس بس اتصدمت لما لقت مروان قدامها.
ليل بصدمة :مروان، انت بتعمل ايه هنا؟!
مروان :انا عرفت كل حاجة.
ليل بصدمة وتوتر:ع عرفت ايه؟!
مروان :عرفت ان خالتك هنا وهي فاقت من الغيبو*بة دلوقتي.
ليل :ا اه ،ايوا ك كانت في غيبو*بة.
مروان :دي تبقي طنط صباح ال كانت بتشتغل عندنا صح؟!
ليل بضيق :اه.... !!!
مروان قرب منها : الحراس ال كانوا هنا بتوع مين؟!
ليل اتوترت اكتر وسكتت.
مروان :ممكن تقوليلي ولو في مش*كلة انا هساعدك..... انا هقف جمبك ومش هسيبك بس انتي اتكلمي وثقي فيا.
ليل بصتله بتردد وفكرت انها تهرب مع خالتها وتسيب البلد ، هي مش عايزة تفتكر عز رغم انه حنين معاها وكويس بس مش قادرة تنسي معاملته معاها في الاول...... وهي مش هتقدر تعيش معاه، وهي لسة مش متقبلة حياتها جمبه..... وافتكرت كلام سلمي مع جميلة، وخافت لعز يتجوز عليها جميلة وهي مستحيل تقبل انها تبقي ضر*ة، او انه يتجوز عليها، ولو طلبت الطلاق مش هيطلق وهتفضل معاه..... فا قررت انها تبعد وتعيش حياتها وهو يعيش حياته.
ليل بتوتر: ا اه ،ف في حد ب بيهد*دني بحياة خالتي..... و وانا ك كنت عايزة اهرب انا وهي منه.
مروان بذهول وعصبية:مين الشخص دا؟! قوليلي.
ليل :مروان، انا مش عايزة اقول تفاصيل عنه، بس لو هتقدر تساعدني اني اهر*ب من هنا يبقي كتر خيرك اوي.
مروان ابتسم : بصي انا مسافر امريكا بعد اسبوع، تعالي معايا محدش هيقدر يوصلك هناك.
ليل بتردد وضيق في صد*رها :م موافقة، وكمان خالتي تكون حالتها اتحسنت اكتر.
مروان بفرحة:تمام، اما بقي الحراس ال بيقفوا هنا، متشغليش بالك بيهم انا ههتم بالموضوع دا.
ليل بضيق:شكرا
كل دا ومروان حاسس بالفرحة، ومبسوط انها هتبقي معاه.
كل هذا ومش ملاحظين ال بيراقبهم من بعيد وسامع كلامهم..... وبيبتسم بخبث.
و دخلت عند خالتها بسرعة..... قعدت جمبها وحضنتها.
ليل بدموع :وحشتيني اوي، اتأخرتي ليه!!!
صباح بابتسامة خافتة : انا كويسة ياحبيبتي، متقلقيش..... بس انا بقالي قد ايه هنا؟!
ليل : بقالك سنة.
صباح بذهول :يا نهار ابيض، وانتي كنتي عايشة لوحدك كل دا؟! طب وكنتي بتاكلي ولا بتشربي منين؟!
ليل بتوتر:ا اصل ك كنت بشتغل.
صباح :بتشتغلي فين؟! وانتي اصلا لسة في الجامعة!!!
ليل بتوتر:ط طب مش مهم الكلام دا دلوقتي ، انتي لازم ترتاحي دلوقتي عشان تطلعي من هنا بسرعة.
صباح :هنروح فين؟!
ليل :هبقي اقولك بس مش دلوقتي.
وجلست مع خالتها واحضرت لها الطعام لتتغذي.
@@@@@@@@@@@@@@@@@@@@@
بعد مرور اسبوع، كل حاجة ماشية بهدوء..... عز بيكلم ليل كل يوم في التلفون....انس بيجي يزور عز ورنيم مش بتديله وش..... جميلة كل يوم عايزة تلزق عند عز عشان تقرب منه اكتر واكتر.....مروان بيجهز خطته مع ليل.
عند عز
كان واقف قدام المراية بيلبس قمي*صه وبيستعد عشان يروح الشركة.
الباب خبط ودخلت سلمي.
سلمي :مش ناوي ترتاح شوية بقي؟!
عز وهو يرتدي ساعته بجمود : كفاية قعدة لحد كدا، ورايا شغل كتير.
سلمي بصتله وابتسمت :طب ايه بقي! مش ناوي تستقر في حياتك؟!
عز برفعة حاجب وضيق :انتي عايزة ايه بالظبط!
سلمي :عايزة اشوفك متجوز بقي يا عز.
عز اتنهد بحده :حاضر، بس مش دلوقتي.
سلمي :امال لحد امتا؟!
عز وهو بيأخذ جاكيته :بعدين.
سلمي :طب وليه بعدين، وافق انت بس وجميلة موجودة.
عز بصلها بحده :وانا مش عايز جميلة.
سلمي :ليه يابني؟! دي حتي مستواها الاجتماعي كويس، وناس شبهنا كدا.
عز وهو خارج من الاوضة :قولت نتكلم بعدين.
وخرج.... وسلمي وقفت بضيق.
سلمي بضيق وعِند :ما انت هتتجوزها يعني هتتجوزها.
@@@@@@@@@@@@@@@@@@@@@@
في المستشفي
ليل كانت بتساعد خالتها تلبس، فجاة تلفونها رن وكان مروان.
مروان:جاهزة؟!
ليل بحزن وضيق :جاهزة.
مروان :في عربية مستنياكي تحت، انزلي بسرعة.
ليل :ماشي.
وقفلت معاه.
صباح :هو احنا هنروح فين؟!
ليل :هنسافر.
صباح بصدمة :نسافر، ليه بس؟!
ليل :جالي فرصة شغل كويسة برا، ولازم نسافر.... بس هبقي اجيبك زيارات متقلقيش.
صباح بدهشة :طب وجامعتك؟!
ليل بتوتر: ه هكملها هناك، ا انا لازم اروح عشان شغلي كويس وهفيد الشركة هناك.
صباح بحزن : ال تشوفيه يابنتي.
ليل جهزت خالتها وخرجوا، قبل ما الحراس يوصلوا بعد ما مشتهم من قدام الاوضة بصعو*بة
٪٪٪٪٪٪٪٪٪٪٪٪ بعد مرور ساعة
وصل عز هو وكريم ووراه بعض الحراس.
عز استغرب لما ملاقاش الحراس، وحس بحاجة غر*يبة ودخل الاوضة ملقاش صباح ولا ليل.
عز بحده :فين الحراس ال كانو برا؟!
كريم :اهدا ياباشا، هتصل بيهم.
كريم اتصل بيهم وامرهم ييجوا حالا، وبعد مدة وصلو وهما مرعو*بين.
عز بغضب :كنتو فييييين؟! وفين ال كانت هنا؟!
الحارس بخوف :و ولله الهانم بعتتنا نجيب حاجة لخالتها.
عز بغضب :تقوموا تروحو انتواااااا الاتنين!
الحارس :ا اسفين ياباشا ولله.
عز بص لكريم :اطر*ج الاتنين دول، وتجبلي غيرهم.... وشوف كاميرات المرا*قبة بسرعة.
كريم :اوامرك ياباشا.
وجري بسرعة لغرفة المراقبة في المستشفي.
كريم ارسل كاميرات المرا*قبة لتلفون عز....
عز عيونه اتحولت للون الاحمر مع بروز عرو*ق يديه، لما شاف ليل وهي واخده خالتها وبتتلفت يمين وشمال عشان محدش يشوفها..... وكمان شافها وهي بتركب العربية.
عز بص لكريم بغضب : تجبلي طريق العربية دي حالااااااا..... يلا اخلص.
كريم جري ووراه الرجالة، وعز بص قدامه بغضب جحي*مي وبنبرة حده :مفيش فايدة فيكي، شكلك عايزة تشوفي عز القديم عشان تتعلمي الاد*ب.
خل*ع جاكت بدلته ورماه للحارس..... وقد ظهرت عرض وفخامة عضلا*ته ، وقام بتني اكما*م قمي*صه بحده ...... واتحرك للخارج، ووراه رجالته.
@@@@@@@@@@@@@@@@@@@@@@
عند ليل كانت في العربية وراكبة في الخلف هي وخالتها، والسواق ال بيسوق قدام.... ومروان كان مستنيها في المطار.
صباح :طب قوليل في ايه؟! انا حاسة ان في حاجة غلط!!!
ليل والدموع بتتجمع في عينها لكن ابتسمت ابتسامة مز*يفة :م مفيش حاجة، ب بس انا عايزة نخرج ونفك عن نفسنا شوية، انا كنت وحيدة وانتي مش معايا!
صباح طبطبت علي ضهرها : خلاص، من هنا ورايح انا معاكي..... ومش هسيبك.
ليل ابتسمت بخفة ولفت وشها للشباك وحطت ايدها علي خد*ها واليد الاخري علي بطنها، وهي بتفكر في عز ودموعها علي خد*ها.
ليل في سرها بدموع :ا انا مش عارفة اعمل ايه؟! ارجع ولا لا. ا انا مش عارفة هحر*مه ازاي من ابنه..... ب بس هو ال عمل كدا.... هو ال بهد*ل حياتي وحياته واخدني غص*ب ، وكمان دا هيتجوز جميلة.... وهي لايقة عليه احسن مني وهي عايزاه، لكن انا مش عا.......
مقدرتش تكمل كلامها وحست بغصة في قلبها لما افتكرت اول مرة خط*فها وعمل ال عايزه بس.... بس افتكرت حنيته عليها، واستوعبت ان اي حاجة بتطلبها منه بيوافق عليها وبيعمل ال هي عايزاه عشان يرضيها وتتقبل حياتها معاه.
ليل انتفضت بقوة لما استوعبت انها هتبعد عنه، عرفت انها مش هتقدر تبعد وقلبها منعها، وبصت للسواق بسرعة :اقف عند......
مقدرتش تكمل كلامها لما جت شا*حنة كبيرة ضر*بت العربية ال فيها...... والعربية اتقلبت وقربت منها عربيتين سودا وحاوطو عربيتها.
ليل فتحت عينها بخضة وهي في العربية والد*م مالي وشها وهدومها، وبصت لخالتها ال مش بتنطق ومغمضة عينها..... عيطت با*لم وخوف.
وحاولت تستجمع قوتها وبدات تز*حف من العربية وهي حاسة بحاجة عند رجلها وكمية د*م كتير بتنزل منها....... عيطت اكتر با*لم وخوف علي ال في بطنها.
بقت بت*زحف بالعافية و ببطء وا*لم ودموع وفجاة لقت مجموعة اشخاص وقفوا قدامها ملث*مين.
خافت وبدات ترجع للخلف بأ*لم وخوف، ومكانتش عارفة تتكلم، صوتها مش طالع ومش قادرة تتحرك اصلا من الا*لم الفظ*يع ال حاسة بيه.
فجاة واحد منهم رفع مسد*شه ووجهه ناحية بطنها، وهي خافت وحطت ايدها علي بطنها بخوف وغمضت عينها.
وتم اطلا*ق طل*قة مد*وية استقرت في..............
@@@@@@@@@@@@@@@@@@@@@
تابع الفصل التالى من هنا (رواية نقاء قلبى الفصل التاسع 9 بقلم آيه عيد )
لقراءة جميع فصول الرواية من هنا (رواية نقاء قلبى كاملة (جميع الفصول) بقلم آيه عيد)
اهلا بك