رواية نقاء قلبى الفصل العاشر 10
 |
| رواية نقاء قلبى الفصل العاشر 10 بقلم آيه عيد |
#نقاء_قلبي
مر اسبوع علي ال حصل، وليل د*فنت خالتها.... وعلا*قتها هي وعز جا*فة خالص، ومفيش بينهم كلام.... وطول الاسبوع دا مش بتخرج من الجناح.... اكلها وشربها كله فوق ولوحدها كمان، لان عز بياكل مع عيلته تحت.
وجميلة والدتها منعتها انها تقابل عز
مروان سافر اميركا لانه مش عابز يشوف ليل بس بيخطط لحاجة.
اما رنيم قالت لريهام انها هتسافر رحلة يعني وكدا، وهتقعد فترة بس ال في دماغها غير.
@@@@@@@@@@@@@@@@@@@@@@
في الشركة
عز دخل بكل هيبته لابس نظارته الشمسية ووراه كريم.... وكل الموظفين بصوله بأحترام.
عز : عملت ايه؟!
كريم :لسة ملقناش حاجة تخصهم يا باشا.
عز بحده :تمام، انا هتصرف.... متخليش الرجالة تدور.
كريم :اوامرك ياباشا.
اتجه لمكتبه، بس السكرتيرة وقفت قدامه.
السكرتيرة :عز بيه، الاستاذ شريف مستني حضرتك في المكتب.
عز نزع نظارته وهو متجه لمكتبه بجمود.
وكريم استني برا.
دخل عز ولقي شريف قاعد علي الكنبة.
عز بابتسامة جانبية: اهلا بشريف بيه.... نورت المكتب.
شريف قام وقف بضيق : تسلم؟!
عز اتجه للكنبة وقعد عليها وهو حاطط رجل علي رجل وفارد دراعاته وبيشاور بعنيه علي الكنبة ال قصاده :اتفضل.
شريف قفل زر*ار بدلته وقعد بضيق.
عز : اتفضل،انا سامعك.
شريف بحده :ال حصل دا غلط يا عز.
عز عدل قعدته وسند دراعاته علي رجله وببرود وسخرية:مش فاهم قصدك ايه؟!
شريف بضيق : انت فاهم كويس انا بتكلم في ايه.... عيلتك وعيلتي كانوا موافقين ان انت وجميلة تتجوزو، بس انت عملت ايه روحت واتجوزت غيرها.
عز رجع ضهره للخلف : لو علي ليل، فا انا متحوزها من زمان اصلا، من قبل ما شوف جميلة.
شريف :انت ك*سرت قلب بنتي ياعز، وهي حا*بسة نفسها في اوضتها مش بتطلع.
عز :وانا مقدر*ش از*عل حضرتك، دا انت صاحب ابويا برضوا.
شريف :لو كنت عامل ليا تقدير، مكنتش ضحكت علينا.... كان لازم تقولنا الحقيقة من الاول.
عز :انا عارف انه تقصير مني، بس انا حابب صداقتنا ترجع تاني.... ونتعامل مع بعض عادي.
شريف بتنهيدة :تمام يا عز، انا هسامحك عشان ابوك كان اخويا مش صاحبي.
عز بابتسامة جانبية خفيفة :طبعا، ما انا عارف كدا كويس.
شريف قام :طب انا استأذن بقي.
عز قام وسلم عليه :اتمني تشرفني انت الاسرة علي العشا النهاردة.
شريف :تمام يا عز، هنيجي.
ومشي شريف..... وعز حط ايده في جيبه وهو بيبصله بغرا*بة.
@@@@@@@@@@@@@@@@@@@@@@
في كافيه
تجلس رنيم ونور.
رنيم: ها عملتي ايه؟!
نور بخوف :ولله انا ممكن يجرالي حاجة بسببك.
رنيم :يابنتي اسكتي بقي، وقوليلي نفذتي.
نور :ايوا ياستي الورق اهو، بس الراجل طلب فلوس كتير.
رنيم بفرحة :مش مهم، هدفع ال عايزه.
نور :انا مش عارفة بس اناي عايزة تروحي هناك لي، لا وكمان تعملي نفسك راجل.
رنيم : ولله بسأل نفسي كدا برضوا، بس انا حاسة اني لازم اروح هناك.
نور بعو*ج :حاسة؟! هيهي يا حلاوة.
رنيم :المهم دلوقتي، الناس ال في الصا*عقة او المعسكر دا بيلبسوا ايه.
نور :اسكتي يا اخرة صبري، وهبقي اجبلك لبس اخويا لما كان في الجيش.
رنيم قامت وحضنتها :طب ولله انتي عسل اوي.
نور :بس اوعي تفض*حينا وتعملي زي البت لوان في الكرتون الصيني دا.
رنيم بضحك:لا متقلقيش، هخلي بالي كويس.
نور بخوف:استر يارب.
رنيم :المهم دلوقتي يلا بينا عشان نشتري الباروكة.
نور :يلا ياختي.
وقاموا وخرجوا من الكافيه.
@@@@@@@@@@@@@@@@@@@@@
في القصر.
في جناح عز.
ليل كانت مستلقية علي السرير وضامة نفسها ولابسة بيجامة بلو سماوي.... وعينها علي البلكونه بحزن، وايدها علي بطنها وهي بتفتكر خالتها وابنها.
نزلت منها دمعة :ا انا السبب، ل لو كنت رضيت بعيشتي، مكنش حصل كل دا.... ا انا اسفة ياخالتي، كان المفروض اهتم بيكي، ب بس انا ال بعدتك عني، ا انا السبب.
قعدت تلو*م نفسها علي ال حصل وتعيط.
فجاة الباب خبط، اتخضت وقامت بسرعة ومسحت دموعها، واتجهت للباب وفتحته ولقت الخا*دمة قدامها وشايلة صينية الفطار.
الخا*دمة:صباح الخير ياهانم.
ليل اومأت لها بأبتسامة خفيفة وفتحت لها الباب، ودخلت الخا*دمة ووضعت الصينية علي التربيزة.
ليل بتوتر:ا احم، ه هو عز فين؟!
الخا*دمة :البيه راح شركته ياهانم.
ليل :ا اه، تمام.... شكرا.
الخا*دمة ابتسمت ليها وخرجت.
ليل قعدت علي الكرسي ومقدرتش تاكل، ضمت رجلها وسندت رأسها علي رجلها، مسكت تلفونها واترددت تتصل بيه، لكن اتصلت.
عز ببرود :اممم.
ليل بتوتر :ه هو انت فاضي؟!
عز :لا، مشغول.
لبل باحراج: م ماشي، خ خلاص انا اسفة اني از*عجتك.... سلام.
عز سكت شوية ومردش وبعدين قفل.... وهي بصت علي التلفون بحزن.
@@@@@@@@@@@@@@@@@@@@@@
في بيت شريف.
في اوضة جميلة، كانت رايحة جاية وكل الخد*م معاها.
جميلة : طلعيلي اشيك فستان في الدولاب.... واتتي يلا اعملي ضوافري بسرعة.... وانتي يالي تحت، انا عايزة رجلي بتلمع.
دخلت رقية وهي مضايقة وسندت علي الحيطة.
رقية بضيق :يعني شريف قالك وانتي وافقتي!!!
جميلة :اكيد طبعا، دا عز هو ال عازمنا بنفسه.
رقية :انتي عايزة تروحي بعد ال اهله عملوه معانا.
جميلة :اهو قولتي اهله مش هو.
رقية بعصبية :يا بنتي دا متجوز.
جميلة بصتلها بعصبية:بس بقي ياماما، متفكرنيش.
رقية :هو ايه ال مفكركيش، ما انتي هتروحي هناك وهتشوفيها.
جميلة بعصبية:ما خلاص بقي، انا لسة عندي امل ان عز هيطلقها وهيتجوزني انا.
رقية اتنهدت بضيق : انا بجد مش عارفة اقولك ايه؟!
جميلة ببرود :متقوليش حاجة احسن، روحي وجهزي نفسك عشان نروح.... يلا.
رقية خرجت بضيق وقلة حيلة، اما جميلة كملت ال بتعمله.
@@@@@@@@@@@@@@@@@@@@@@
بليل في القصر
في غرفة عز
دخل بجمود، وليل كانت في البلكونة، شافها وبعدين اتجه للحمام.
هي سمعت حركته ودخلت بس لقته دخل الحمام، فجاة سمعت اشعار رسالة علي تلفونه ال علي الكومود.
قربت من التلفون واشافت رسالة من جميلة مكتوب فيها.
~مش هتأخر عليك~
استغربت وحست بالغير*ة سابت التلفون مكانه وقعدت علي السرير مستنياه يطلع.
بعد مدة خرج عز لكن في غرفة الملابس، ليل دخلت ليه وشافته واقف ولابس بنطلون بس لونه اسو*د.
وكان بيختار حاجة يلبسها.
ليل بتوتر:ه هو انت نازل تاني؟!
عز من غير ما يبصلها :عندنا ضيوف اجهزي.
ليل:هو انا هنزل؟!
عز نظر لها بطرف عيونه :انا مش هوضح اكتر من كدا.
ليل :ب بس انا....
عز اختار قمي*ض رما*دي ولبسه :اخلصي.
ليل اتنهدت بضيق واتجهت للدولاب، واخرجت دريس واسع لونه موف وشيك بطرحة بيضاء.
٪٪٪٪٪٪٪٪٪٪٪٪٪٪٪٪٪٪٪٪٪
تحت في القصر
سلمي بفرحة:يا اهلا وسهلا، نورتونا بجد.
رقية بضيق :شكرا.
جميلة بغرو*ر :امال فين عز، دا هو ال دعانا.
سلمي بابتسامة: اكيد نازل اهو، مش هيخليكي تستني كتير.
ريتاج :وحشتيني اوي يا جوجو.
واتقدمت وحضنتها.
جميلة بضيق :خلاص يا حبيبتي، الميكب هيبو*ظ.
ريتاج با*حراج :اسفة.
سلمي : طب اقعدوا طيب.
قعدوا كلهم علي الانتريه.
نبيل :نورنتنا يا شريف.
شريف :بنورك.
ريهام : متزعليش يا رقية ال حصل كان سو*ء تفاهم.
رقية بضيق : مش مهتمة اساسا.
فجاة نزل عز وقعد معاهم.
نبيل :انت اتصلاحت انت وعز ازاي؟!
نبيل :عز وكلامه المعسو*ل بقي.
عز ابتسم بخفة.... كل دا وجميلة مشالتش عينها من عليه.
نبيل بضحك :عز بيحبك ولله زي ابوه.
شريف :ما انا عارف.
نزلت ليل في الوقت دا بأ*حراج وتوتر، وبلعت ريقها بخوف لما لقت انظار العيلة كلها عليها بضيق.
نزلت ووقفت بتوتر:م مساء الخير.
محدش رد عليها، ورقية اصلا مبصتش ليها وعينها في الارض بضيق.
عز بهدوء :طب يلا يا جماعة عشان العشا.
الكل قام واتجه للسفرة.
وعز قعد علي الكرسي الرئيسي وجميلة قعدت جمبه علي اليمين ووالدها علي الشمال.
ليل قربت بس عز وقفها بكلامه :روحي ساعدي الخد*م في الاكل.
ليل بصتله بصدمة بس اتحر*جت لما لقتهم بيبصولها سكتت واتجهت للمطبخ وابتدت تساعد الخد*م ال استغربوا وجودها.
بعد وقت حطوا الاطباق علي السفرة وليل جت تقعد في اخر كرسي جمب ريتاج..... بس ريتاج قامت ولفت وقعدت جمب سلمي.
ليل اتحر*جت وز*علت وبقي بينها وبين ريهام كرسي، بصت علي عز لقته بيتكلم هو وجميلة.... والعيلة كلها بدأت تحكي مع بعضها.
ما عدا هي ال قاعدة و*حيدة وبتاكل ببطيء.... حست انها مش مر*غوب فيها فا قامت وبصت لعز بحزن وعتا*ب وبعدين طلعت علي فوق.
عز اتنهد بجمود، وبعدين قام وطلع وراها، وجميلة اتضايقت وافتكرت انه رايح عشان يصالحها.
@@@@@@@@@@@@@@@@@@@@@@
فوق في جناح عز.
ليل دخلت بعصبية وقل*عت الطرحة بضيق.
دخل ورها عز بجمود وايده في جيبه: ايه ال طلعك.
ليل بصتله بعصبية: يعني انت مش عارف انا طلعت ليه؟!
عز اقترب منها وبحده:وطي صوتك، اول واخر مرة تعملي كدا، عيب يبقي في ضيوف وانتي تطلعي بالطريقة دي.
ليل بضيق : اه ضيوف، وانا المفروض اني اخد*م الضيوف دول.
عز بحده:وانتي امتا خد*متيهم؟!
ليل :مش انت ال خليتني اساعد الخد*م في الاكل.
عز بجمود :وفيها ايه دي، مانتي في الفيلا كنتي بتساعد كريمة.
ليل بضيق وهي مش عارفة تقوله ايه:عز، ا انا... ا انت.
عز بحده:بلا انتي بلا انا، تلبسي طرحتك وتنزلي حالا.
ليل والدموع بتتجمع في عينها :م محدش عايزني، ا انا مش مر*غوب فيا اصلا.
عز ببرود:مش مهم.
ليل بصتله ودموعها بدات تنزل :انت بقيت ليه كدا، ب بقيت قا*سي معايا ومش مهتم بيا.
عز بحده :ما انتي مكانش عاجبك الاولاني.
ليل قربت وحضنته ورأسها علي صد*ره وهو مازال ايده في جيبه بجمود.
ليل بدموع : بس انا عايزة عز الهادي ييجي تاني، ارجع عاملني زي الاول... انا مبقتش قادرة استحمل اللو*م عليا، م مبقتش بعرف اتنفس كويس..... متخلنيش اند*م اكتر من كدا.
عز امسك دراعها وبعدها ببطيء وبرود وميل رأسه ونطر في عيونها بحده :للاسف، مبقاش ينفع.... بعد ال عملتيه، مبقاش ينفع.
ليل سكتت بدموع....وهو بعد عنها وخرج بضيق.
@@@@@@@@@@@@@@@@@@@@@@
تحت في الصالة
نزل وقعد معاهم وخلصوا اكل وبعدين قعدوا يتكلمو في الصالة علي الانتريه.
نبيل : بما اننا اتصالحنا، يبقي جميلة تيجي الشركة من بكرا بقي.
عز وهو بيشرب قهوته :تمام.
جميلة قربت وقعدت جمب عز بابتسامة :انا وعز لسة صحاب، واكيد مش هز*عل منه..... ولا هير*فضلي طلب.
عز وهو ينظر للارض بهدوؤ وبابتسامة خفيفة وهو يومأ لها : اكيد.
سلمي بابتسامة:يارب اشوفكم متفاهمين كدا علي طول.
رقية بصت لشريف بضيق:مش يلا.
شريف قام وقف :طب يلا عن اذنكم بقي.
سلمي :طب اقعدوا شوية.
رقية بضيق :شكرا، بس عايزني نرتاح شوية.
جميلة قامت بحزن: كان نفسي اقعد مع عز شوية.
رقية برقت ليها :يلا ياجميلة.
عز قام وقف وايده في جيبه وبهدوء :مع السلامة.
شريف قرب وسلم عليه بابتسامة:مع السلامة ياعز.
وخرجوا كلهم.
سلمي بصت لعز:انا مبسوطة منك، انك رجعت صداقتنا تاني..... يارب تبسطني اكتر لما تطلقال فوق دي.
عز بصلها بحده :قولت مش عايز كلام في الموضوع دا.
سلمي سكتت بضيق وبصت بعيد.
نبيل : المهم، تعالا نتكلم في الصفقة الجديدة.
عز بهدوء:يلا.
واتجه لمكتبه هو ونبيل.
سلمي بش*ر : ما انا مش هخلي البنت دي تفضل علي ذمتك كتير.
ريتاج بصتلها : وانا كمان يا ماما، تخيلي دي طلعة قريبة طنط صباح الشغالة ال كانت بتشتغل عندنا
سلمي :كمان!!! اتجوز قريبة الخد*امة.
ريهام بضيق :سبوها في حالها بقي، مش عز ال اختارها وعايزها.
سلمي بصتلها بعصبية:حد كلمك؟!
ريهام بصت لها بضيق وبعدين طلعت علي فوق.
@@@@@@@@@@@@@@@@@@@@@@
عند ليل
الوقت اتأخر وعز لسة مجاش، قلقت عليه..... قررت تنزل تشوفه لبست طرحتها ونزلت.
لقت القصر كله مظلم يا دوب ضوء خفيف بس مشغلينه.
لقت نور جاي من المكتب، اتجهت لهاك ودخلت.
لقت عز قاعد علي مكتبه ومرجع رأسه للخلف وفي ايده سيجا*ره.... ومفيش غير نور الاباجورة ال شغال.
قربت ووقفت جمبه بتوتر:عز.
عز حرك عيونه لها بهدوء وبصلها.
ليل اتوترت ومسكت في طرف طرحتها بتوتر وعينها بعيد عنه :ه هو انت مش هتنام.
عز بهدوء :اعمليلي قهوة.
ليل بصتله :بس كدا هتفضل سهران.
عز رجع نظره للسطح وسكت.
لي قربت منه وحطت ايدها علي كتفه، قربت اكتر وقعدت علي رجله بخفة وايدها الاتنين علي اكتا*فه.
ليل : مضايق ليه؟!
عز بصلها وساكت عينه في عينها بهدوء ومش بيتكلم.
ليل قربت ايدها، وحطتها علي خد*ه، شعر بيدها الرقيقة تتحرك علي ذ*قنه بخفة..... اما هي ميلت رأسها ووضعتها علي صد*ره واغمضت عينها.
اما هو رفع يديه ونز*ع طرحتها وشعرها انفرد، بدء يمسح ويلعب فيه بهدوء وبيطء،مقدرش يم*نع نفسه....وهو بيفكر في حاجات كتير.(هنعرفها قريب)
@@@@@@@@@@@@@@@@@@@@@@
في الصباح الباكر.
امام المعسكر.
تقف رنيم وهي لابسة لبس الجيش وباروكة رجالي وقبعة عليها.... وحاطة شنب صناعي خفيف، وبتحاول تمشي زي الرجالة.
رنيم بلعت ريقها بخوف وفي سرها: استر يارب، يارب والنبي متسبنيش دول ممكن ياكلوني.... اعمل ايه بس في ابن الايه وقع قلبي.
دخلت وفي ايدها الورق، وراحت ناحية الشباك وقدمت الورق.
العسكري فضل يبصلها كتير باستغراب:انت متأكد ان دي صورتك.
رنيم وهي بتحاول تتخن صوتها:ايوا يا طابط، ا قصدي يا باسا قصدي يابيه.
كانت هتعيط من لبكة لسا*نها.
العسكري: خلاص اسكت، يلا ادخل.
وفتحوا البوابة وهي دخلت.
(انا معرفش حاجة في الجيش ولله، فا لو لقتوني بعب*ط وخلاص.... قولو عادي 🙂)
دخلت ورجليها بتخبط في بعض وشافت رجالة كتير ومجموعات كتيرة.
قرب منها الظابط :يلا يا عسكري، انضم لمجموعتك.
رنيم بتوتر:ا اه م ماشي.
كل دا وهي بتحاول تخلي صوتها خشن.
قربت من المجموعة ووقفت معاها.
همس ليها شاب من جمبها: ازيك، انا اسمي محمود، اسمك ايه بقي؟!
رنيم بتوتر:ا اه انا، ا ايوا ليا اسم. وهو اسمي، هو......
محمود باستغراب:هو انت مكسوف تقول اسمك.
رنيم سكت بتوتر وخوف ونزلت رأسها لتحت وهي بتفكر في اسم.
فجاة جه قائد المجموعة، وكان انس ال لابس لبس الجيش بس برتبة القائد.
مشي بخطوات ثابتة وجمود وبصوته الرجولي :الكل يقف عدل.
كلهم اتعدلوا ورنيم اتصدمت ان هو قائد مجموعتها وابتسمت.
انس بصوت عالي وبحده:انا مش بحب الدلع، ولا الاستعبا*ط..... انا عايز اشوف رجالة،فاهمييييين؟!
كلهم في نفس واحد :فاهمييييين.
اقترب وهو بيتحرك قدامهم :اسمأكم؟!
بقي بيمشي من اولي واحد للاخر عشان يعرف اسمه.
انس وقف قدام محمود، ومحمود رد بأسمه.
بعدين اتحرك ووقف قدام رنيم ال متكلمتش.
انس بحده:ما تتكلم يا عسكري، وارفع وشك دا.
رنيم رفعت وشها وبصتله، وهو استغرب حاسس انه شاف العيون دي قبل كدا.
رنيم بتوتر:ا انا اسمي....
محمود ضحك وضر*ب علي كتفها بهزار، لكن هي وقعت في حضن انس...... الكل اتصدم ومحمود خاف.
رنيم رفعت رأسها لانس بخوف وصدمة وبعدين بعدت بسرعة وخدو*دها حمرا.
انس بصوت عالي وغضب:اخلص اسمك ايه؟!
رنيم في سرها :ايه العب*ط دا نسيت الاسم ال مكتوب في الورق.
انس بغضب:ماتتكلم يا عسكري.
رنيم بسرعة: ريان.... ا اسمي ريان.
انس بصلها بغضب وبعدين اتحرك عشان يشوف اسماء الباقي.
بعد ما خلص وقف قدامهم وبصوت عالي : تروحوا العنبر بتاعكم وترتاحوا شوية، ودا اكراما مني بس........ بعد نص ساعة تكونوا هنا.
رنيم في سرها :نص ساعة؟! ومالك جاي علي نفسك كدا!!!
مشيت مع المجموعة وراحوا العنبر (المكان ال بيتلقحوا فيه، قصدي ال بيرتاحوا فيه).
مشيت ودخلت واتصدمت لما لقتهم بيقل*عوا هدومهم قدام بعض عادي(بيكسلوا يدخلوا الحمام).
جريت علي برا بسرعة وخبطت في انس، وقفت مصدومة ومتوترة.
انس بصلها في عينها بشك :اقل*ع.
اتصدمت وفتعت عينها علي الاخر وهي مر*عوبة.
@@@@@@@@@@@@@@@@@@@@@@
عند ليل صحيت من النوم ولقت نفسها علي السرير، ابتسمت بخفة لما اتأكدت انه هو ال جابها..... وافتكرت انه كدا خلاص هو سامحها.
قامت ودخلت غرفة الملابس لقته بيلبس الساعة عشان يروح الشركة.
ليل بتوتر:هو انت رايح الشركة؟! طب ممكن اجي معاك؟
عز بجمود :لا، هتفضلي هنا.... وهتنزلي تحت تتعرفي علي العيلة.
ليل :بس انا مش عايزة انزل.
عز لف وبصلها بحده:وانا قولت هتنزلي.
ليل بضيق:علي فكرة انا ليا رأي برضوا!!!
عز قرب منها وبحده:وانا هنا كلامي ال هيمشي.
ليل استغربت منه دا امبارح كان هادي وكويس معاها.
ليل بحزن :ماشي ياعز، هعمل ال انت عايزه.
وقربت منه ببطء ووقفت علي اطراف اصابع رجلها وطبعت قب*لة علي خد*ه، افقد*دته موازينه وفضل ثابت مكانه متحركش..... وعينه عليها.
وهي بصتله وعرفت انها لسة بتأثر عليه، ابتسمت بخفة واراحت للحمام.
هو استوعب نفسه، وبعدين مسك تلفونه وخرج من الجناح، واتجه لشركته.
@@@@@@@@@@@@@@@@@@@@@@
تحت في الصالة
نزلت ليل بتوتر، واول ما شافت سلمي.
ليل بتوتر:صباح الخير؟!
سلمي بصتلها من فوق لتحت وبعدين اتكلمت بغرو*ر :بما انك نزلتي يبقي يلا بقي احنا عندنا ضيوف صحابي مهمين الليلة...... ولازم انتي ال تجهزي العزومة.
ليل باستغراب:طب ما فيه خد*م في القصر.
سلمي : عادي، طب مانتي تفهمي في الشغل دا كمان، مش خالتك كانت خدا*مة عندنا يبقي انتي تاخدي مكانها بقي...... ومش بعيد كمان والدتك كانت خدا......
قاطعتها ليل بعصبية : انتي ازاي تكلميني كدا؟!
سلمي بعصبية:انتي ال ازاي تعلي صوتك عليا كدا.
ليل:يعني هسيبك تكلميني كدا واسكت!!!
سلمي :اه تسكتي، انا هنا اقول ال انا عايزاه.
ليل بصتلها بعصبية وضيق، وجت تلف عشان تطلع وقفتها سلمي :مش هتطلعي فوق، علي المطبخ يلا...... يا اما هقول ل عز
ليل لفت وبصتلها بضيق :تمام.
وراحت ناحية المطبخ، وسلمي وريتاج بيبصولها بقر*ف وحق*د.
@@@@@@@@@@@@@@@@@@@@@@
تابع الفصل التالى من هنا (رواية نقاء قلبى الفصل الحادى عشر 11)
لقراءة جميع فصول الرواية من هنا (رواية نقاء قلبى كاملة (جميع الفصول) بقلم آيه عيد)
اهلا بك