رواية للعشق معانى اخرى الفصل الثانى عشر 12 بقلم حنين هانى

بارت12

بعد يومين 

ليالي. مش عارفه مش حاسه نفسي اني مبسوطه 

خديجه. طيب انتي مش مرتاحه 

ليالي. انا عادي ولا مرتاحه ولا مش مرتاحه الي هو عادي مش عارفه ضغطهم عليا خلاني اعمل اي حاجه وخلاص ملقتش غير اني بكلمك وبحكيلك

خديجه. طيب انا عندي. فكره مثلا تدي نفسك مهله تفكري وتتعاملي معاه وكده فاهمه

ليالي. طول عمري نفسي في. حد من نظره منو يخطفني

خديجه. ده في الاحلام مفيش الكلام ده دلوقتي 

ليالي سرحت وفتكرت يحيي. لا في

خديجه. اي ده اي ده هو في حاجه ولا اي انتي مخبيه عليا حاجه 

ليالي. ها لا ابدا يلا بينا عشان ورايا شغل

خديجه. نعم ياختي وانا هروح ازاي بقا

ليالي. طيب تعالي معايا هخلص الشغل وبعدين نروح نزور يارا عشان تعبانه 

ليالي. اصلها تعبانه انتي متعرفيش يابنتي ماهو بسبب وسكتت ليالي لما فكرت هي بتقول اي ولعنت نفسها في سرها

خديجه بشك. قولي قولي في ايه 

ليالي. مش مهم مش مهم

خديجه. مش هقول لحد

ليالي. اصل ************بس ده الي حصل 

خديجه. اممممم مالك خايفه ليه يعني 

ليالي. خفت تتضايقي عشان جوري

خديجه. بالعكس ده انا فرحانه انو متخلاش عنها يلا بينا

ليالي. يلا ومشيو ووصلو عن ورشة يحيي عشان تصور تفاصيل للاعلان 

ليالي. مزه خليكي هنا هعمل حاجه وجايه

خديجه. خلاص اوك ونزلت ليالي وفضلت خديجه ووقفت قدام العربيه

***

ليالي. صباح الخير 

يحيي. صباح الورد اتفضلي افتكرتك جايه بعد الضهر

ليالي. لا مقدرش اتاخر علي مواعيدي

يحيي. ربنا معاكي تحبي تشربي اي

ليالي. شاي طبعاً 

يحيي. عينا

ليالي. تسلم عينك وبتسمت وبدات تصور شغلها 

يحيي. اتفضلي 

ليالي. اي كل ده 

يحيي. بصراحه انا مفطرتش ومستنيكي ممكن نفطر وبعدين تشتغلي

ليالي. اممم ماشييي اهو يبقا عيش وملح واعدت وكلو سوا

هااا بقا عندك كام سنه

يحيي. 28سنه وانتي

ليالي. تديني كام

يحيي. والله لو علي تخميني فاهو اكتر حاجه 20بس بالمنطق انتي متخرجه وشغاله في شركه يعني اقلل حاجه 23

ليالي. امم قربت شويه بس حلوه طريقت التخمين 

يحيي. عندك كام بقا

ليالي. 26

يحيي. ده بجد 

ليالي. ايوه عارفه انو مش باين عليا بس انا خلاص كان شهر وهكمل 26

يحيي. مشاءالله العمر ليكي 

ليالي. تسلم شكرا علي الاكل

يحيي. مش احنا اصدقاء مفيش شكر بين الاصدقاء صح ولا. لا

ليالي بابتسامة. صح ماشي بقا تعالي عشان عاوزه منك كذا حاجه 

بره عند خديجه واقفه سنده علي العربيه وماسكه الفون وبتغني

خديجه. نقابل ناس نفارق ناس وماشيه الحياه عادي وحال الدنيا بيتغير مابين الثانيه والثانيه هنعمل ايييي وده جارح وده مجروح وده عايش علي الماضي رارا رارا لالا لالا ومين الدنيا دايمالو محدش ضامن الايام يبخت الي رضي بخالو وفرق بين حلال وحرام 

امام. صوتك تحفه

خديجه. اي ده خضتني

امام. معلش انا كنت معدي سمعت صوتك وكنت بسمع بجد تحفه 

خديجه. مرسي ده من ذوقك 

امام. تنفعي تبقي مشهوره اوي علي فكره 

خديجه. ساعات بيبقا. قدمنا فرص كتيره وممكن تغير حاجات بس للاسف نهايتها وحشه

امام. اممم فعلا عندك حق معلش بقا اطلفت علي خصوصيتك

خديجه. لا ابدا مفيش حاجه ولا يهمك

امام. والله انتي ذوق اوي بجد مشاءالله عليكي

خديجه. تسلم

امام. ممكن لو مفهاش رخامه اعرفك علي نفسي 

خديجه بضحكه. اه ممكن مفيش مشكله 

امام. انا اسمي امام مهندس برمجه و تكنولوجيا

خديجه. اتشرفت بمعرفتك وانا خديجه مذيعه 

امام. اي ده بجد وبتتطلعي علي اي قناه بقا

خديجه. لا انا مذيعة راديو بصراحه كده احسن 

امام. انتي مختلفه خالص اول مره اشوف كده 

خديجه. لا عادي الفكره كلها اني اعمل الي عاوزه بس بحدود وحاجه متغضبش ربنا 

امام. مشاءالله والله انتي نوع نادر دلوقتي قليل الي يفكر يرضي دينو وربو

خديجه. الحمدلله 

امام. امم مش عارف اقولك انا اول مره اقف اتكلم مع بنت في الشارع كده بس انتي غير بصراحه

خديجه. مرسيي ده من زوقك 

امام. طيب وانتي مرتاحه في شغلك علي كده هو سؤال خاص بس ممكن اقولك على اقتراح 

خديجه. اوك هجاوبك هو نص نص ساعات بحبو وساعات بهزق مكدبش عليك لان بحس ان مفيش حد مهتم للبرنامج

امام. اعرف شركه وليا فيها معرفه في شركه منهم مسؤاله عن الاعلام و والسوشيال ميديا وبيعملو اعلانات اذا كان بقا علي النت او على التلفزيون 

خديجه. اسمها اي الشركه دي

امام. اسمها Lsr مجموعة شركات كبيره اوي في كل الجمهورية واعرف الي ماسك الادراه شحص محترم اوي وبيدعم المتبدئن

خديجه بابتسامة. ايوا 

امام. بتبتسمي علي اي

خديجه. يعني اصلو بابا فا طبعا انبسط لما اسمع الكلام ده عنو

امام بصدمه. انتي بتتكلمي بجد انتي بنت استاذ عز

خديجه. ايوه يبقا بابا مالك مستغرب ليه

امام. اصل باباكي راجل محترم اوي بجد وبيتقي الله في شغلو بس ليه مش شغاله معاه يعني 

خديجه. عادي انا الي حابه كده 

امام. بجد فرصه سعيده اوي عارف اني رغيت كتيرر 

خديجه. وانا اسعد يامهندس امام

امام. بس انتي مستنيه مين كده 

خديجه. مستنيه حد تبعي 

امام. اه تمام عن اذنك اتمنا نتقابل تاني 

خديجه. ان شاءلله ومشي وهو على وشو ضحكه وفرحه في قلبو كده كان دي فتاة احلامو الي بيحلم بيها من بدري

ليالي. تمام كده كل حاجه زي الفل يوم الاتنين بقا تجهز نفسك عشان نصور الاعلان 

يحيي. تمام شكرا تعبتك معايا 

ليالي. العفو ده واجبي عن اذنك ومشيت ودخل امام

امام. اي ياعم هو الي بيصور الاعلان مزه

يحيي. بقولك اتلم وبلاش رخامه

امام. بس بس انا دلوقتي مزاجي رايق ومش عايز اتعصب

يحيي. وده من اي ياحنين

امام. ملكش دعوه عندك فطار

يحيي. جوه خش اطفح

امام. حبيبي تسلم 

********

نوح. انتي ليه مش عاوزه نتجوز هو انتي مخبيه حاجه 

ندا. هخبي اي وانتا مين اصلا عشان اخبي عليك حاجه ارجوك سبني اشوف حالي انا مش بتاعت جواز اصلا 

نوح بتسفزاز. مش بتاعت جواز ازاي منتي بتعرفي تتطبخي وتنضفي وتمسحي

ندا. قصدك انك هتتجوزني عشان اكون. خدامه عندك 

نوح. مثلا ليه لا 

ندا. لا ياباشا شكرا انا مبشتغلش خدامه

نوح. الله منتي كنتي شغاله خدامه

ندا. الظروف بقا هي الي بتجبر الواحد 

نوح. طيب حلو وانا بقا عارض عليكي اتجوزك وتعدي معززه مكرمه في بيتك وهيوصلك كل طلباتك

ندا. اممم هي دي الحياه حضرتك انا مش تحت امرك وانا عاوزه اخرج من هنا 

نوح. هعشيك ملكه والفلوس هتبقي تحت رجلك بالهبل

ندا. للاسف الفلوس مش كل حاجه في حاجات تانيه اهم وهي. كرامتي وانا مش هسمحلك تدوس عليها وقامت من قدامو ودخلت الاوضه وقفلت علي نفسها الباب

نوح. وده اول اختبار نجحت فيه 

**********

في بيت غيث القديم

كانت اعده لوحدها مش بتاكل وتعبت جامد ومبتكملش مع حد خالص ولا حد سال فيها 

دخل غيث ودور عليها وكانت في اوضتها

غيث. اي عجبتك الاعده لوحدك 

ريم. نعم ياغيث خير 

غيث. اي عجبتك الاعده لوحدك 

ريم. ايوه 

غيث. والهانم مش ليها بيت وعيال وجوزك ولا اي 

ريم. علي اساس اني فرقت اوي منا محدش فكر يسال فيا ولا عامللي اي اعتبار ونفذتو الي في دماغكو

غيث. عشان ده الصح ابنك مش صغير وخطب الي بيحبها عشان قلبو اختارها انتي ملكيش تختاري ليه انتي عارفه انتي عملتي ايه انتي دمرتي قلب البت وهمتيها بالحب وهو اصلا مفيش حب انتي غلطانه وغلطتي في جوزك 

ريم. والله هو ده الي عندي 

غيث بعصبيه. هو انتي اتجننتي علي كبر ولا اي ولا الحمل جننك انا مش فاهم

ريم. لا منا نزلتو خلاص مش عاوزه حاجه تربطني بيه تاني بعد مامد ايدو عليا

غيث بصدمه. نزليته؟ 

يتبع

#بقلمي_حنين_هاني

#رواية_للعشق_معاني_اخري