رواية للعشق معانى اخرى الفصل الثالث عشر 13
 |
| رواية للعشق معانى اخرى الفصل الثالث عشر 13 |
بارت13
ريم ببرود. اه نزلتو ياغيث
غيث بعصبيه. لا ده انتي كبرتي وخرفتي
ريم. تقول الي تقولو اصل بصراحه انا هطلق واعيش لنفسي انا لا يمكن اعيش. مع الشخص ده تاني واه قبل ماتتكلم وتقول اي حاجه انتا ملكش الحكم عليا انا كبيره مش صغيره ياغيث
غيث. مش بقولك كبرتي وخرفتي يادكتوره جالك قلب ياشيخه تموتي روح لسه موعتش علي الدنيا
ريم. لما يكون هيتظلم يبقا اه
غيث. هيتظلم؟ وده مين هيظلمو بقا اي مصطفى الي طول عمرو شاريكي وبيعملك بما يرضي الله وناقص يقدملك طبق من دهب
ريم. لما توصل انو يمد ايدو يبقا ميلزمنيش وانا مش عاوزا كل واحد يروح لحالو زي ماجوزتوني ليه طلقونيي
غيث. والله دي بتجبي اللوم علينا مش احنا اللي كنا رافضين اصلا من البدايه وانتي الي وافقتي
ريم. للاسف كنت غلطانه وطلع انسان ميستتاهلش ضحيت بعمري عشانو وفي الاخر دي النتيجة خلصت كلامها وقلم نزل على وشها من شدتو ودنها صفرت
ريم. بتمد ايدك عليا ياغيث
غيث. اه ياريم واكسرالك ضلوعك كمان وعمر اي الي ضحيتي بيه قصدك عشان قدمتي استقالتك؟ كان قرارك دعمك بكل حاجه وقال القرار ليكي للي يريحك اعمليه مجبركيش انك تسيبي الشغل وتعدي بالاولاد ميستتاهلش علي اي واحد عاش عمرو ليكي ينفذلك كل حاجه تأمري بيها متاخرش عنك في حاجه قدملك كل الحب الي في دنيا عشان يثبتلك انو معشقش غيرك هي دي رسالة الشكر بتاعة نهاية الخدمه طيب والله كويس حلو الكلام ومسك فونو ورن على مصطفى
مصطفى. اي ياغيث
غيث. مصطفى انا في البيت القديم هات مأذون واحمد وتعالي قفل
مش عاوزه تتطلقي انا هطلقك بس انتي عارفه ليه عشان انتي متستاهليش كل ده وهي مش فارق معاها اي حاجه
حاول غيث يهدا ويتكلم معاها بهدوء ريم انتي مستدرجه انتؤ بتعملي ايه
انتي بتخربي بيتك بايديك
ريم. عادي مش مهم حاجه المهم نفسي
غيث. انتي ازاي انانيه كده معقول انتي اختي الي ربناكي علي كل حاجه حلوه يطلع في الاخر منك كده
ريم. معلش بقا كل حاجه بتتغير وانصحك متحاولش معايا لاني كده كده مصممه علي رايي
سكتت حس ضغطو بيعلا من الي بيسمعو سكت لغايت ماحمد ومصطفي وصلو
مصطفى. خير ياغيث في اي وليه خلتني اجيب ماذون
غيث. هو فين
احمد. تحت مستني في العربيه في ياخالي مالك كده شكلك مش كويس
غيث. بدون جدال كده امك عاوزه تتطلق وده اخر قرار عندها يامصطفي نادي علي المأذون عشان تتطلقو
مصطفى. ازاي بس ياغيث مهما غلط مش هتوصل للطلاق وبعدين هي ردة فعل بسبب انها حامل وده طبيعي يعني
غيث. حامل اه احب اقولك مراتك العزيزة سقطت
مصطفى بصدمه. سقطت؟ ازاي لا يمكن تعمل حاجه زي كده
ريم. لا عملت وحياتك ويلا انجزو عشان عاوزه انام
احمد. انتي ازاي تعملي كده ازاي
ريم. زي اي حاجه وياريت تنجزو بقا
مصطفى. مستحيل تكون ريم الي حبتها مستحيل ريم الي عمرها مفكرت تأذي اي حاجه انتي طالق بتلاته طالق طالق طالق خسارة حبي ليكي الي ضاع علي الفاضي انا نازل وهخلي الماذون يعمل الورق وهمضي عليه واحمد هيطلعو تمضي عليه وكل حقوقك هتوصلك
ريم. مش عاوزه منك حاجه خليهم لعيالك
مصطفى. عيالي الحمدلله انا اقدر اعمل الي هما عاوزينو وانا مش باكل حق حد ونزل وهو مسكور من حب حياتو الي في ثانيه ضيعت كل حاجه خلصو الورق وتم الانفصالي رسميي
***********
بعد اسبوعين تمشي الامور كما هي عليه
******
جبريل. ليه ساكته
ليالي. المفروض اقول اي
جبريل. اي حاجه من ساعت ماعدنا وانا الي بتكلم يعني احكي اي حاجه
ليالي. مش عارفه بصراحه اول مره اتحط في الموقف ده
جبريل. بس المفروض تتعاملي بقلبك دلوقتي مش بعقلك زي منا عامل
بصتلو ومردتش عليه
هي مش عارفه تكون معاه بعقلها اصلا عشان تكون معاه بقلبها
جبريل. صح كنت عايز اقولك علي حاجه
ليالي. اتفضل
جبريل. انا فكرت اننا منعملش خطوبه ونتجوز بعد ست شهور وتبقا فرح احسن كده كده مفيش حاجه واقفين عليها الشقه جاهزة ويعني كل حاجه زي الفل
ليالي. بس مش شايف اننا لسه متعرفناش علي بعض عشان ناخد خطوه زي كده بالسرعه دي
جبريل. مكبره الموضوع ليه ماختك اي مشاءالله لسه مخطوبه وقولتي هتتجوز بعض شهرين يعني الموضوع عادي وبعدين هنعد ست شهور يعني هيكونو كفايه
ليالي. لا منتا فاهم غلط اختي واخده ابن عمي يعني عارفين بعض كويس جدا وده حب طفوله يعني اعدو سنين يحبو بعض في السر كل واحد بيحفظ للتاني كل حاجه جوه قلبو
جبريل. اوكي معاكي حق طبعا بس احنا هنتعرف علي بعض ست شهور وبصراحه انا شايف انهم كويسين اوي مش عاوزين نضيع من عمرنا وقت علي الفاضي علي حاجه ملهاش لزمه يعني
ليالي. ازاي يعني مالهاش لزمه حضرتك ده جواز يعني مشوار لنهاية العمر وبتقولي حاجه ملهاش لزمه افرض انتا متفقتش معايا اي هتعيش غصب لا طبعا وانا نفس الحوار فالازم نفهم بعض كويس جدا عشان نقدر ناخد الخطوه دي
جبريل. طيب اهدي انفعتلي كده ليه
ليالي. مفيش حاجه انا لازم امشي عشان عندي شغل
جبريل. خلاص خلاص انا اسف
ليالي. خلاص مفيش حاجه
جبريل. طيب تحبي تشربي حاجه
ليالي. لا تعالي نتمشا احسن
جبريل. اتمشا اي يابنتي لا طبعا مبعرفش امشي من غير عربيه وبعدين انا بحب اوي اعدة الكافيهات بحس اني ملك كده
سكتت ليالي وهي بتحاول تفهم الشخص ده
*******
ليل. اكيد في سبب التغير ده
فرح. ممكن فعلا
غيث. سبب اي الي يخليها توصل للمرحله دي
سندس. ماهو مش معقول انتو هتسكتو
ليث. عندك حل غير ده انتي روحتي اتكلمتي ومفيش اي ردة فعل انا روحت فرح راحت ليل وفي الاخر اي عاوزه تعيش حياتها
ليل. صعبان عليا مصطفى وسيلا البت بقت عامله زى العصايه من كتر الزعل لازم نتصرف
غيث. خلاص ياجماعه سبوها تراجع حساباتها من تاني يمكن تعرف غلطها
كلهم. معاك حق ربنا يهديها
**********
سيلا بدموع. يعني مامي مش هترجع تعيش معانا تاني
مصطفى. لا ياحبيبتي هي اختارت تبعد عننا كلنا
سيلا. طيب هيعش من غيرها ازاي معقول مسألتش عليا خالص
احمد. سيلا حبيبتي معلش سيبي بابا دلوقتي عشان تعبان
سيلا. هي وحشتني مش قادره استوعب من ساعتها انكم اتطلقتو بجد
مصطفى. ولا انا واسابهم ونزل
احمد. ينفع تبطلي عياط اي رايك تجي معايا عند جوري
سيلا. ماشي هلبس وانزل معاك
**********
في المحطه عند خديجه
دخل امام بيتلفت حواليه وشافها ورايح ناحيتها بس كانو مش واخد بالو منها بس هي شافتو وقفت ابتسمت
خديجه. طيب ودي نقول عليها صدفه يامهندس ولا اي
امام. اي ده انتي بتعملي ايه هنا
خديجه. اوه بجد منا المذيعه اي ليك ناس تعرفهم هنا ولا اي
امام. اه عرفتي ازاي سبحان الله بتفهميها وهي طايره فعلاً
خديجه. اه خدت بالي وعلى كده بقا الناس دي مهمه لدرجو انك قاطف ورده من الشجر بره عشان تديهالهم
امام بابتسامة. بصراحه اه اتفضلي ومد ايدو بالورده قدمها
خديجه بمكر. ودي اعتبارها صدفه ولا صدفه مترتبه
امام بتوهان. بس. جميل الاستديو
خديجه بمكر. مش قولت ليك ناس معرفه وجاي عشان تشوفهم يعني طبيعي تكون عارف شكلها ولا اي يامهندس
امام. اه اه طبعا بقولك ايه ينفع اطلب منك طلب
خديجه. علي حسب الطلب
امام. ينفع اعزمك علي قهوه في الكافيه الي تحت
خديجه. امممم ماشي موافقه
امام. بجد طب يلا بينا
خديجه. اي اي استنا انا طالعه علي الهوا كمان ربع ساعه
امام. طيب انا هعد استناكي
خديجه بابتسامة. اوكي
امام. حظ سعيد
خديجه. مرسي ومشيت
حط امام ايدو علي راسو. اوف ياعم ده ولا المراهق معقول حد يسرق حد بالسرعه دي واعد يستناها ويتفرج عليها
**********
اعد يحيي بياكل حالو بالو بقالها يومين مش بتتواصل معاه
يحيي. اكملها
طيب هكلمها علي اساس اي
علي اساس اصدقاء عادي يعني ماهي الي قالت كده ودخل علي الوتس واعد يتكب الرساله ويرجع يمسح
اوفف بقا طيب وبعدين وساب الفون واعد يتفكرها
عليها ابتسامه تنسي الواحد كل الهموم
بساطتها الي بتخليها اميره بجد بتبقا حاجه تانيه مع انها شكلها غنيه بس عليها بساطه تخلي الواحد يحب نفسو اكتر
لا هي حاجه مختلفه
كفايه كلمة احلا كوباية شاي شربتها هو اصلا في بنات بتشرب شاي دلوقتي اله هي مدمنه منو مش قولت بساطتها بتخليها اميره وفاق من تفكيرو
اي معقول وقعت في حبها
معقول دون عن كل البنات هي الي سحرتني وخلتني احب وقلبي ينبض تاني مع اني مقرر مش هينبض لحد عشان اعرف اعيش لاهلي معقول بكل سهوله وقعتني في حبها يالله سبحان من زرع حبها داخل اعماق قلبي
يتبع
#بقلمي_حنين_هاني
#رواية_للعشق_معاني_اخري
تابع الفصل التالى من هنا (رواية للعشق معانى اخرى الفصل الرابع عشر 14 بقلم حنين هانى)
لقراءة جميع فصول الرواية من هنا (رواية للعشق معانى اخرى كاملة (جميع الفصول) بقلم حنين هانى)
اهلا بك