رواية انتِ الهدف كاملة (جميع الفصول) بقلم ملك أحمد

رواية أنتِ الهدف

Part 1

@@@@@@@@@@@@@@@@@@@@@

قد يفصل بيننا ألف طريق، لكن في النهاية أعلم أن القلب يعرف هدفه…

@@@@@@@@@@@@@@@@@@@@@

كانت هناك طفلة تركض بلا توقف، لا تلتفت خلفها، دموعها تتساقط كأنها لا تعرف طريقًا للعودة. كانت تمسك بيد أخيها الصغير وتحاول أن تبقيه بجانبها، بينما أنفاسها تتسارع حتى تكاد تختنق من الجري.

توقف الطفل فجأة وهو يمسح وجهه ببكاء وقال بصوت متعب:

 إياد: أنا مش قادر أمشي… تعبت…

توقفت سيرا على الفور، وجثت أمامه سريعًا تمسح دموعها المتساقطة، وتحاول أن تخفي خوفها خلف ابتسامة مهزوزة.

سيرا: معلش يا حبيبي… هنمشي شوية كمان بس، أوعدك.

لكن الطفل ضم ذراعيه وهو يهز رأسه باكيًا:

 

إياد: لا… أنا مش قادر أكمل…

نظرت سيرا حولها بخوف، وكأن المكان كله يطبق على صدرها، ثم انحنت إليه مرة أخرى.

سيرا: يا إياد… شوية صغيرين بس، لازم نمشي.

وفجأة… جاء صوت من بعيد، بارد وقاسٍ: 

الصوت: ارجعي يا سيرا… مش هتستخبي كتير.

تجمدت في مكانها، وشعرت برعشة تسري في جسدها كله، وكأن الهواء نفسه أصبح أثقل من أن يُتنفس.

لم تفكر… فقط سحبت أخاها بسرعة إلى زقاق جانبي، وضعت يدها على فمه بخوف شديد.

سيرا (بهمس مرتجف): شششش…

أومأ الطفل وهو يبكي بصمت.

اقترب الصوت أكثر، ثم ظهر رجل وهو يقول بحدة: 

الرجل: إيه يا سيرا؟ مش عايزة ترجعي لبابا؟

ظلت تقف مكانها متجمده حتي نفسها أصبح متجمد ...

ـ فجأة حل الصمت علي المكان ...

ثم دخل إلى الزقاق فجأة …

الرجل: مسكتك.

لم تنتظر سيرا لحظة… التقطت عصا صغيرة وضربته بها على رأسه بكل قوتها، ثم أمسكت يد أخيها وركضت بأقصى سرعة.

ظلت تركض وهي تنظر خلفها ..

وفجأة… اصطدمت بشخص أمامها.

رفعت رأسها بخوف لتجد رجلًا كبيرًا ينظر إليها بدهشة.

الرجل : مالك يا بنتي بتجري ليه كده؟

كادت تتكلم، لكن صوت خطوات ثقيلة جاء من خلفها… كان والدها، يمسك رأسه والدماء تنزل منها.

الأب: تعالي هنا!

تراجعت سيرا بسرعة واختبأت خلف الرجل الغريب وهي ترتجف.

سيرا  : الحقني يا عمو…

وقف الرجل بينهما، ونظر إلى والدها بحدة.

الرجل : مين حضرتك؟

الأب: أنا والدها.

نظر الرجل لسيرا ثم إلى خوفها الواضح، وقال ببرود غاضب: 

الرجل : بس واضح إن مفيش طفلة بتخاف من أبوها… إلا لو مش هو الأمان أصلًا.

ارتبك الأب، ثم صرخ:

 الأب: الكلام ده مش صحيح… تعالي يا سيرا!

تمسكت به سيرا أكثر، وهي تهز رأسها بسرعة.

سيرا: لا! ده مش بابا الحقيقي… ده جوز ماما، وماما ماتت… وهو كان عايز يبيعنا!

توقف الأب للحظة

، ثم قال بحدة: 

الأب: تعالي هنا!

لكن الرجل  وقف أمامه بثبات.

الرجل : واضح إن الموضوع أكبر من كده… ومش من حقك تاخدها بالشكل ده.

نظر له الأب بغضب، ثم قال

 الأب: ماشي… بس مش هسيبها.

ثم استدار وغادر وهو يرمقها بنظرة تهديد: 

الأب: هرجع لك تاني يا سيرا…

ارتجفت أكثر، لكن الرجل انحنى لمستواها .

الرجل : اسمك إيه؟

سيرا.

ابتسم بهدوء.

الرجل : وأنا يوسف.

تردد قليلًا ثم قال: 

يوسف: بصي يا سيرا… أنا ممكن أخدك تعيشي مع مراتي وأولادي لحد ما أشوف حل للموضوع ده… ومش هسيبك في الشارع. موافقة؟

نظرت إليه سيرا للحظة… ثم أومأت بخفة.

أخذ يوسف سيرا وإياد معه وغادروا المكان…

@@@@@@@@@@@@@@@@@@@@@

بعد مرور 13 سنه …

في استاد كبير ممتلئ بالجماهير…

المذيع: ويبدأ الآن اللقاء المنتظر! وها هو آيان يدخل إلى أرض الملعب مرة أخرى… اللاعب الذي خطف قلوب المشجعين بحضوره وهيبته في كل مباراة!

دخل آيان بثبات، أخذ نفسًا عميقًا ونظر إلى المدرجات الممتلئة، ثم تقدم بخطوات واثقة إلى مكانه.

لحظة صمت ثقيلة…

هذه هي الفرصة الأخيرة… فهل سينجح هذه المرة أم لا؟

@@@@@@@@@@@@@@@@@@@@@

في مكان آخر…

كانت فتاة تجلس تنتظر شخصًا ما، ملامحها حادة، شعرها أسود، وعيناها بنيتان داكنتان، وبشرتها حنطية تحمل مزيجًا من القوة والحزن.

اقترب شاب وجلس أمامها.

حازم: قوليلي بقى يا سيرا… كنتي عايزاني في إيه؟

تنفست سيرا بعمق، ثم قالت ببرود حاسم:

سيرا: حازم… إحنا لازم ننفصل.

@@@@@@@@@@@@@@@@@@@@@

وفي نفس اللحظة…

المذيع: وآيان يسجل هدفًا جديدًا! أداء مبهر كالعادة!

@@@@@@@@@@@@@@@@@@@@@

ارتبك حازم للحظة ثم قال:

 حازم: إنتِ بتقولي إيه؟

سيرا: زي ما سمعت… أنا مش هقدر أكمل.

حازم: بس ليه؟

سيرا: لأنك دايمًا متجاهلني… حاسس إني مش موجودة في حياتك.

حازم: يمكن عشان كنت مشغول؟

سيرا: حتى لو مشغول… كنت تقدر تهتم شوية. أو حتي تقولي انك مشغول مش تتجاهلني ..

صمت لحظة ثم قال: 

حازم: أنا آسف…

وقفت وهي تاخذ اشيائها ...

سيرا: وأنا كمان آسفة.

وغادرت دون أن تنظر خلفها.

وقف حازم ينظر في أثرها بصوت منخفض: حازم: أنا كنت غبي…

@@@@@@@@@@@@@@@@@@@@@

خرجت سيرا تمسح دموعها بسرعة، لكن فجأة توقفت.

شاشة ضخمة في الشارع تعرض آيان وفريقه وهم يرفعون الكأس…

ثبتت نظرها عليه، ثم قالت بغضب مكتوم:

سيرا: كلكم خاينين… مفيش حد وفي.

ثم استدارت وغادرت بسرعة.

@@@@@@@@@@@@@@@@@@@@@

رواية أنتِ الهدف

Part 2

@@@@@@@@@@@@@@@@@@@@@

خرجت سيرا من المكان بخطوات بطيئة، وكأنها تجر خلفها خيبة عمرٍ كامل، تاركة خلفها كل المشاعر التي كانت تربطها بحازم.

كانت تسير بلا هدف، وعيناها شاردتان، لا ترى المارة ولا السيارات من حولها.

كيف استطاع أن يهدم كل شيء بهذه السهولة؟

كيف نسي سنواتٍ كاملة وكأنها لم تكن؟

وصلت إلى منزلها أخيرًا.

فتحت الباب ودخلت بهدوء.

الأم: سيرا...

التفتت نحو المطبخ فور سماع صوت والدتها.

سيرا: نعم يا ماما؟

الأم: تعالي يا حبيبتي.

تقدمت نحوها وهي تحاول إخفاء آثار البكاء.

الأم: عملتي إيه؟

سيرا: ولا حاجة يا ماما... زي ما قولتلك.

تنهدت والدتها بحزن وهي تنظر إليها.

الأم: بصي يا حبيبتي... انسيه بقى. اللي زي حازم ده ميستاهلكيش أصلًا.

ابتسمت سيرا ابتسامة باهتة وأومأت برأسها.

سيرا: حاضر يا ماما.

كادت أن تغادر، لكن والدتها أوقفتها.

الأم: كمان شوية وتعالي كلي يا حبيبتي.

سيرا: حاضر.

دخلت غرفتها وأغلقت الباب خلفها بهدوء.

ألقت حقيبتها جانبًا وجلست على طرف السرير.

رفعت عينيها نحو المرآة المقابلة لها.

كانت ترى فتاة متعبة...

منهكة...

ومكسورة.

تجمعت الدموع داخل عينيها قبل أن تنهمر بصمت.

وضعت يدها على فمها تمنع شهقاتها من الخروج.

كانت تبكي من قلبها...

تبكي حبًا ضاع...

وثقةً تحطمت...

وحلمًا كانت تظنه قريبًا.

وفجأة...

دق الباب.

مسحت دموعها بسرعة.

سيرا: ادخلي.

دخلت والدتها وجلست بجانبها.

الأم: انتي لسه بتعيطي؟

خفضت سيرا رأسها.

سيرا: أنا بس زعلانة يا ماما... كنت بحبه بجد.

ربتت الأم على كتفها بحنان.

الأم: واللي يحب بجد عمره ما يروح لواحدة تانية.

ازدادت دموع سيرا.

سيرا: هو مقدرش حبي يا ماما.

الأم: خلاص يا حبيبتي... هنسيبه لربنا.

ثم أضافت بغضب:

الأم: أنا هخلي أبوكي يكلمه.

انتفضت سيرا بسرعة.

سيرا: لا يا ماما! بالله عليكي لا.

الأم: ليه؟

سيرا: خلاص... أنا رجعتله الدبلة وكل حاجة انتهت.

نظرت إليها والدتها للحظات ثم تنهدت.

الأم: ماشي يا حبيبتي... عشان خاطرك.

ابتسمت سيرا بخفوت.

الأم: يلا كلمي إياد شوفيه فين.

سيرا: حاضر.

خرجت والدتها من الغرفة.

أما سيرا فظلت تنظر إلى الفراغ أمامها.

وكأنها تحاول إقناع نفسها أن النهاية كانت للأفضل.

@@@@@@@@@@@@@@@@@@@@@

أمام قصر ضخم وفخم...

توقفت سيارة لامبورغيني أفينتادور سوداء أمام البوابة.

فُتح الباب ونزل منها آيان.

كان يبدو واثقًا كعادته.

توجه إلى الداخل بخطوات ثابتة.

وما إن دخل حتى وجد والده يجلس في الصالة.

يوسف: كنت فين؟

آيان: كنت بحتفل بفوزي بالكأس.

عقد يوسف حاجبيه.

يوسف: والساعة دي كلها احتفال؟

تنهد آيان بضيق.

آيان: بعد  إذنك أنا مش طفل.

يوسف: ومن إمتى كنت بتسمع الكلام أصلًا؟

نظر كلٌ منهما للآخر للحظات.

ثم قال يوسف بهدوء:

يوسف: أنا خايف عليك يا آيان.

لكن آيان لم يرد.

استدار وصعد إلى غرفته.

دخل وأغلق الباب خلفه.

ألقى هاتفه على السرير.

لتظهر أمامه عشرات الصور والأخبار الخاصة به.

أخبار الفوز...

وصور الاحتفالات...

ومقاطع الجماهير.

ابتسم ابتسامه جانبيه 

ثم أغلق الهاتف ...

@@@@@@@@@@@@@@@@

في اليوم التالي...

بدلت سيرا ملابسها وخرجت متجهة إلى عملها، وخطواتها هادئة لكن بداخلها توتر غريب لا تعرف سببه.

دخلت الشركة ببطء، وكأن المكان يضغط على أنفاسها.

ما إن وصلت حتى صادفها مديرها قاسم.

قاسم: سيرا...

سيرا: نعم يا فندم؟

قاسم: اجهزي، عندنا النهارده تمويل لمشروع جديد.

سيرا: تمويل؟ بس يا فندم دي شركة عقارات ...

قاسم: أيوه عارف، لكن هنستعين بشخص مشهور للحملة الإعلانية.

سيرا: تمام يا فندم...

قاسم: ومتنسيش تقولي لحازم يجيب الأوراق المطلوبة.

تغيرت ملامح سيرا فور سماع اسمه.

سيرا: معلش يا فندم... ممكن حد غيري؟

قاسم: مفيش وقت يا سيرا.

وتركها وغادر سريعًا.

وقفت سيرا مكانها لحظة مترددة، ثم أطلقت نفسًا ثقيلًا وقررت النزول.

سيرا: فين حازم؟

الموظفة: تحت.

نزلت سيرا إلى الأسفل...

كان حازم يتحدث في الهاتف بانشغال.

لكن قبل أن تناديه، توقفت فجأة.

سيارات سوداء بدأت تتجمع أمام الشركة بشكل لافت.

خرج الجميع يراقب.

وفي لحظات...

فتح باب إحدى السيارات.

ونزل منه شاب في بداية العشرينات.

ملامحه هادئة، لكنها تحمل ثقة وثقل واضح.

عيناه بنيتان، وبنيته قوية، وشعره بني مرتب.

إنه آيان.

وخلفه عدد من الحراس.

اقترب حازم بسرعة:

حازم: أهلاً يا فندم، اتفضل.

لكن آيان لم يلتفت له أصلًا، وتجاوز الجميع بهدوء حاد.

وقف الموظفون في صفين تلقائيًا، يفسحون له الطريق.

وفي تلك اللحظة رفعت سيرا رأسها.

تلاقت عيناها بعينيه لثانية واحدة فقط.

شعرت بشيء غريب في صدرها، لا تعرف تفسيره.

أما هو، فتوقف نظره عليها جزءًا من الثانية قبل أن يكمل طريقه دون تعليق.

أشاحت سيرا وجهها بسرعة وكأنها تهرب من ذلك الشعور.

ودخل آيان إلى الداخل.

نظرت سيرا ناحية حازم، فوجدته مشغولًا مع إحدى الموظفات.

أخذت نفسًا عميقًا وتجاهلت الأمر وغادرت.

@@@@@@@@@@@@@@@@@@@@@

دخلت مكتبها وجلست.

وفجأة رن الهاتف.

سيرا: أيوه يا فندم؟

قاسم: فين الملفات اللي قولتلك عليها؟

سيرا: أنا مش لاقية حازم.

قاسم: خلاص سيبيه، وتعالي إنتِ... هتشرحي للأستاذ آيان كل حاجة.

سيرا: تمام.

أغلقت الهاتف واتجهت نحو المكتب الـ VIP.

طرقت الباب ودخلت بهدوء.

سيرا: مساء الخير.

لم يجبها آيان، كان منشغلًا بالأوراق أمامه.

المساعدة: مساء النور.

جلست سيرا أمامه مباشرة.

سيرا: أستاذ آيان، حضرتك هتشارك في تمويل مجمع سكني هنا، وده شرح سريع للمشروع...

بدأت تشرح بثبات رغم توترها.

وعندما انتهت:

سيرا: كده حضرتك عندك كل التفاصيل، وبعد نص ساعة الاجتماع هيبدأ.

رفع آيان رأسه أخيرًا.

آيان: تمام.

نظر حوله قليلًا.

آيان: الجو حر هنا.

نهضت سيرا ورفعت درجة المكيف.

سيرا: كده كويس؟

آيان: لا... أعلى شوية.

رفعت الدرجة أكثر.

آيان: شوية كمان.

أخذت سيرا نفسًا عميقًا، تحاول إخفاء انزعاجها.

علته مرة أخرى...

ثم وضعت جهاز التحكم جانباً وخرجت ...

ـ سيرا : بعد إذنكم...

ـ خرجت من المكتب بخطوات سريعة، تحاول أن تبدو ثابتة رغم توترها الداخلي...

ـ في الممر، صادفت حازم قادمًا في اتجاهها...

ـ كادت أن تتجاوزه دون توقف...

ـ لكنه تحرك فجأة ووقف أمامها ليمنعها...

ـ رفعت سيرا عينيها إليه ببرود واضح...

ـ سيرا : عايز إيه؟

ـ حازم : إنتي كنتي شايفاني ومقولتيش حاجة لمستر قاسم، وده خلّاه يزعق ليا بسببك...

ـ سيرا : وانا مالي؟ كل واحد مسؤول عن شغله، وإنت اللي ما التزمتش. دي مش مشكلتي.

ـ ضحك بسخرية وهو يهز رأسه...

ـ حازم : بقى كده؟ شايفة نفسك على إيه؟

ـ سيرا : وطي صوتك... في حد مهم جوه .

ـ حازم : مش مهم عندي حد ... أنا عايز أفهم إنتي شايفة نفسك على إيه بالظبط؟

ـ سيرا : يمكن عشان عارفة شغلي كويس 

ـ اقترب خطوة، وصوته انخفض لكنه كان أكثر قسوة...

ـ حازم : لا يا حبيبتي... متنسيش نفسك. إنتي أصلاً... أهلك ماتوا، وكلهم سابوكي كأنك مش موجودة... متستغربيش إن الناس تسيبك زيهم.

ـ توقفت سيرا فجأة...

ـ تجمد الدم في عروقها...

ـ اتسعت عيناها بصمت صادم، وكأن الكلمات صفعتها قبل أي يد...

ـ للحظة لم تتحرك...

ـ ثم ابتسم حازم ابتسامة باردة وأكمل...

ـ حازم : أنا غلطان إني فكرت أخطب واحدة زيك... فوقي لنفسك، أنا لا بحبك ولا عمري حبيتك.

ـ الصمت كان ثقيلًا...

ـ ثم فجأة رفعت سيرا يدها وصفعته بقوة...

ـ ارتد وجهه للجانب، واشتعل الغضب في عينيه وهو يمسك خده...

ـ سيرا : اتكلم معايا بإحترام 

ـ  نظر لها بغضب وكاد أن يقترب 

ـ لكن فجأة توقّف...

ـ إذ وقف أمامه آيان، واضعًا يده بهدوء على كتفه، والأخرى داخل جيبه، نظرة ثابتة لا تحمل انفعالًا، لكنها كافية لإيقاف أي حركة...

ـ الصمت خيّم على المكان للحظة ...

وفجأة ...

@@@@@@@@@@@@@@@@@@@@@

استووووب بارت كويس 🫠

شكراً لتعليقاتكم السكر 🎀💗 

متنسوش تسيبو اثركم الجميل يا حلوين 🫠❤️

رواية أنتِ الهدف

Part 3

@@@@@@@@@@@@@@@@@@@@@@@

إذ وقف أمامه آيان ، واضعاً يده بهدوء علي كتفه والاخري داخل جيبه ... نظرة ثابته لا تحمل أي انفعال لكنها كانت كافيه لإيقاف اي حركه 

خيم الصمت على المكان للحظات...

ثم تحدث آيان بصوت هادئ:

آيان: رايح فين؟

نظر إليه حازم بضيق وقال:

حازم: وانت مالك؟

حاول إبعاد يده عن كتفه، لكن قبضة آيان بقيت ثابتة ..

ابتسم  آيان ابتسامة ساخرة قبل أن يقول:

آيان: مينفعش تتكلم مع بنت بالطريقة دي... ولا إنت متعرفش الأدب؟

في تلك اللحظة اقترب قاسم بسرعة.

قاسم: إحنا آسفين يا أستاذ آيان... حازم، امشي قدامي.

نظر حازم إلى سيرا بغضب واضح.

حازم: ماشي... أنا همشي. بس ماشي يا سيرا، حسابي معاكي بعدين.

بقيت سيرا صامتة، تنظر إليه دون أن تنطق بحرف.

ازدادت عصبيته أكثر.

حازم: أنا هوريكي مين حازم!

وفجأة...

اندفعت قبضة آيان نحو وجهه.

سقط حازم أرضًا وسط ذهول الجميع.

وقف آيان أمامه، ثم أعاد يده إلى جيبه وكأن شيئًا لم يحدث.

آيان: قولتلك اتعامل باحترام... بس إنت مبتسمعش الكلام.

ثم أضاف ببرود:

آيان: وأنا مش آسف.

استدار بعدها وغادر المكان متجهًا إلى مكتبه.

بعد دقائق حضر الأمن وأخرجوا حازم من الشركة بالكامل.

أما سيرا فظلت واقفة مكانها، تحاول استيعاب ما حدث.

هل سيغضب قاسم؟

هل ستكون هي السبب في ضياع هذا العقد؟

تنهدت بقلق، وكادت تغادر، لكن المساعدة الخاصة بآيان ظهرت أمامها.

يمنى: أستاذ آيان عايزك.

اتسعت عيناها قليلًا.

سيرا (في نفسها): يا ترى عايز إيه؟

تحركت خلفها حتى وصلت إلى المكتب.

دخلت لتجده جالسًا على الأريكة، واضعًا يده على حافتها، يبدو هادئًا بشكلٍ غريب.

اقتربت ووقفت أمامه.

رفع نظره إليها وقال مباشرة:

آيان: هاتي العقد.

ترددت للحظة، ثم ناولته الملف.

سيرا: اتفضل.

أخذ العقد وبدأ يقلب صفحاته بتركيز.

مرت ثوانٍ ثقيلة...

ثم نهض فجأة.

وفي حركة واحدة مزق العقد إلى نصفين.

تجمدت سيرا مكانها.

اتسعت عيناها بصدمة وهي تتابع الأوراق تتساقط أمامها.

سيرا: بس...

قاطعها وهو يلتقط جاكيته ..

آيان: إنتوا محترمتوش وجودي هنا.

ثم تابع ببرود:

آيان: وأنا مش هكمل الشغل... أو أيًا كان الإعلان ده.

شعرت سيرا وكأن الأرض تهتز تحت قدميها.

سيرا: أنا آسفة.

لكنه تجاهل اعتذارها تمامًا وغادر.

وقفت مكانها عاجزة عن التصرف.

اقتربت يمنى منها بحرج.

يمنى: أنا آسفة جدًا... بس أستاذ آيان مش بيحب أي مكان يحصل فيه حاجة متعجبوش.

سيرا: طيب... مينفعش تقنعيه؟

هزت يمنى رأسها بأسف.

يمنى: للأسف صعب جدًا.

ثم غادرت تاركة سيرا وحدها وسط حيرتها.

تنهدت سيرا وهمست:

سيرا: إزاي هوصل الموضوع ده لأستاذ قاسم...

@@@@@@@@@@@@@@@@@@@@@

في الأسفل...

نزل آيان وخلفه الحراس، بينما كانت يمنى تسير بجانبه بتوتر واضح.

ـ آيان: بعد كده ابقي شوفي المكان اللي فيه شغل بجد... مش أي مكان وخلاص.

خفضت يمنى رأسها وهي تقول بأسف:

ـ يمنى: أنا آسفة.

لم يرد عليها، بل أكمل طريقه حتى وصل إلى السيارة.

فتح الباب وصعد إليها مباشرة، ثم أُغلق الباب خلفه وانطلقت السيارة من المكان.

@@@@@@@@@@@@@@@@@@@@@

في الأعلى عند سيرا...

كانت تقف أمام مكتب قاسم، بينما كان الغضب واضحًا على ملامحه.

ـ قاسم: يعني إيه؟

ـ سيرا: أنا آسفة يا فندم... والله مش بسببي، كل ده بسبب حازم.

نظر إليها بضيق ثم قال:

ـ قاسم: إنتي عارفة إنتي وهو عملتوا إيه؟

لم تجد ما تقوله...

فاكتفت بخفض رأسها في صمت.

تنهد قاسم وهو يفرك جبينه بتعب.

ـ قاسم: حاولي ترجعيه تاني يا سيرا... مش موضوعي.

رفعت رأسها بسرعة.

ـ سيرا: بس إزاي؟

ـ قاسم: معرفش... خدي، ده رقم المساعدة بتاعته. ابقي كلميها.

أخذت الورقة منه وأومأت برأسها.

ـ سيرا: حاضر.

خرجت من المكتب وهي تشعر بالضيق.

ثم تمتمت لنفسها وهي تسير في الممر:

ـ سيرا: منك لله يا حازم...

@@@@@@@@@@@@@@@@@@@@@@

في الليل...

في منزل سيرا...

كانت تجلس على سريرها، تمسك كتابًا بين يديها وتحاول القراءة.

لكن عقلها كان مشغولًا بما حدث طوال اليوم.

تنهدت بضيق...

وفجأة سُمِع طرق على الباب.

ـ سيرا: ادخل.

فُتح الباب ودخل شاب في الحادية والعشرين من عمره، شعره أسود وعيناه بنيتان.

ما إن رأته حتى ارتسمت ابتسامة صغيرة على وجهها.

ـ سيرا: أهلًا أستاذ إياد.

ـ إياد: أهلًا.

أغلقت الكتاب وهي تنظر إليه بعتاب.

ـ سيرا: إنت كنت فين كل ده يا حيوان إنت؟

رفع حاجبه باستنكار مصطنع.

ـ إياد: إنتي شكلك متعرفيش أنا مين.

قالتها بسخرية وهي تعقد ذراعيها أمام صدرها:

ـ سيرا: مين إنت؟

وضع يده على قلبه وكأنه تلقى صدمة قوية.

ـ إياد: أنا واحد بعمل مشروع التخرج الخاص بيا... وإنتي كل همك أنا كنت فين!

ـ سيرا: المفروض أسألك إيه يعني؟

ـ إياد: مش لازم تسألي.

ـ سيرا: أنا عايزة أضربك.

ـ إياد: مش مشكلة.

ضحكت سيرا رغماً عنها.

ابتسم إياد 

ـ إياد: سيبك مني... المهم دلوقتي، مالك؟

تجنبت النظر إليه.

ـ سيرا: أنا؟ مفيش... أنا تمام جدًا.

ضيّق عينيه وهو يراقبها.

ـ إياد: مالك يا سيرا؟

تنهدت وهي تنظر إلى الكتاب بين يديها.

ـ سيرا: أنا تعبت... زهقت. حاسة إن حياتي مش طبيعية.

ـ إياد: ده اختيار من ربنا... وإنتي دايمًا بتقوليلي كده.

ـ سيرا: بس أنا تعبت وزهقت.

نظر إليها للحظات ثم قال:

ـ إياد: إنتي زعلانة كل ده عشان حازم؟

رفعت رأسها فورًا.

ـ سيرا: لا طبعًا... خلاص مش بحبه.

ـ إياد: أحسن... مكنتش بحبه أصلًا. كان شبه المعزة اللي كنت بمشيها معايا زمان.

انفجرت سيرا ضاحكة رغم ضيقها.

ـ سيرا: غبي.

ابتسم إياد بعدما رأى الضحكة تعود إلى وجهها.

ـ إياد: يا ستي مفيش حاجة مستاهلة كل الضيقة دي.

ـ سيرا: تمام والله... أنا كويسة.

هز رأسه وكأنه لا يصدقها.

ثم وقف من مكانه.

ـ إياد: ماشي يلا... عشان بابا عايزك بره.

ـ سيرا: ماشي.

@@@@@@@@@@@@@@@@@@@@

في قصر آيان...

كان يجلس في غرفته بعدما انتهى من تدريبه.

وفجأة...

دق الباب.

ـ آيان: ادخل.

فُتح الباب ودخل شاب يبدو في أوائل الثلاثينات.

ـ سيف: إيه يا عم آيان؟ إنت فين كل ده؟

رفع آيان نظره إليه.

ـ آيان: إيه يا سيف؟ كنت بتدرب.

جلس سيف على المقعد المقابل له وهو يتنهد.

ـ سيف: وأنا كمان محتاج أتدرب... عندي ماتش بعد يومين.

نظر إليه آيان باستغراب.

ـ آيان : بعد يومين وقاعد كده عادي؟

ـ سيف : المفروض أعمل اي؟

ـ آيان : أنا لما بيكون عندي ماتش مبنامش من كتر التدريبات.

ـ سيف : لا ما أنا عادي... وبرضو ممكن أكسب.

ـ آيان : بتتخيل بس...

ـ ابتسم سيف وهو يهز رأسه بيأس.

ـ سيف : نفسي أفهم إنت متكبر على اي؟

ـ آيان : مش متكبر والله... بس عارف قيمة نفسي كويس.

@@@@@@@@@@@@@@@@@@@@@

في اليوم التالي...

ارتدت سيرا بنطالًا أبيض واسعًا مع بلوزة بيضاء وحذاءً أسود بكعبٍ عالٍ.

وصلت إلى العمل، ثم أخرجت هاتفها وأخذت نفسًا عميقًا قبل أن تتصل.

ـ سيرا : الو...

ـ يمنى : أيوه اتفضلي.

ـ سيرا : أستاذة يمنى، أنا سيرا.

ـ يمنى : أه، إزيك يا سيرا؟ عاملة اي؟

ـ سيرا : الحمد لله... معلش أنا كنت عايزة منك حاجة.

ـ يمنى : اتفضلي.

ـ سيرا : ساعديني بس أوصل لأستاذ آيان.

ـ يمنى : بس...

ـ سيرا : حاولي بس... أنا محتاجة أتكلم معاه.

ـ صمتت يمنى للحظات قبل أن تقول:

ـ يمنى : طيب بصي... النهارده هو معندوش أي شغل، هيبقى موجود في القصر.

ـ هاخدلك معاه ميعاد.

ـ سيرا : تمام، شكرًا جدًا ليكي.

ـ يمنى : العفو، هبعتلك اللوكيشن.

ـ سيرا : خلاص تمام.

أغلقت سيرا الهاتف وهي تشعر ببعض التوتر.

لم تكن تعرف كيف ستقنعه بالعودة...

لكنها كانت تعلم أنها لا تملك خيارًا آخر.

@@@@@@@@@@@@@@@@@@@@

أمام قصر آيان...

وقفت سيرا تنظر إلى القصر الضخم أمامها.

شعرت بشيء من التوتر يتسلل إلى داخلها.

تنهدت وهي تتمتم لنفسها:

ـ سيرا : يلا يا سيرا... إنتِ قدها.

تشجعت قليلًا ثم تقدمت إلى الداخل.

وبعد دقائق...

وجدت يمنى تقف في استقبالها.

ـ يمنى : تعالي يا سيرا... بصي، هتلاقيه في المكتب ده. أنا محتاجة أمشي عشان في شوية حاجات ورايا، وهتلاقي سكرتيرة تانية جوه.

ـ سيرا : ماشي، شكرًا.

ـ يمنى : العفو.

غادرت يمنى، بينما اتجهت سيرا نحو المكتب.

دقت الباب ودخلت 

فجأة تجمدت في مكانها عندما رأت شخص أمامها ...

ـ التفت وكادت أن ترجع لكن سمعت صوت ينادي اسمها ...

@@@@@@@@@@@@@@@@@@@@

رواية أنتِ الهدف 

Part 5

@@@@@@@@@@@@@@@@@@@@@@@

استدارت لتغادر...

لكن فجأة...

ـ آيان: سيرا...

توقفت في مكانها.

شعرت وكأن قلبها توقف للحظة قبل أن تعجز قدماها عن الحركة.

لم تلتفت فورًا، بل ظلت واقفة لثوانٍ طويلة، تحدق أمامها بصمت، وكأن مجرد سماع اسمها بصوته كان كافيًا لإرباكها.

نهض آيان من مقعده واقترب بخطوات هادئة حتى توقف أمامها.

ـ آيان: في حاجة محتاجة تتعمل في العقد.

أطلقت سيرا زفرة صغيرة لم تشعر بها إلا الآن.

وكأنها كانت تحبس أنفاسها طوال الوقت.

ـ سيرا: تمام... هاخده أعدله، بعد إذن حضرتك.

أومأ لها بهدوء.

أخذت الأوراق بسرعة وغادرت المكتب.

وبمجرد أن أُغلق الباب خلفها، وضعت يدها فوق صدرها.

ـ سيرا: ليه اتوترت كده؟... حاسة إن قلبي وقف للحظة.

هزت رأسها محاولة تجاهل الأمر.

ثم أكملت طريقها لتعديل الأوراق.

@@@@@@@@@@@@@@@@@@@@@

بعد قليل...

دخلت سيرا تحمل النسخة الجديدة من العقد.

طرقت الباب  ثم دخلت.

تفاجأت بعدم وجود أحد داخل المكتب سوى آيان.

ساد الصمت للحظة.

اقتربت بخطوات هادئة ووضعت العقد أمامه.

ـ سيرا: اتفضل.

وكادت أن تغادر.

لكن صوته أوقفها مجددًا.

ـ آيان: استني.

التفتت إليه باستغراب.

كان واقفًا واضعًا إحدى يديه داخل جيبه، بينما يثبت نظره عليها بهدوء.

ـ سيرا: نعم؟

ـ آيان: ليه أسلوبك غريب؟

عقدت حاجبيها بعدم فهم.

ـ سيرا: غريب؟

ـ آيان: أيوه... حاسس إنك طول الوقت بتتهربي من حاجة.

اتسعت عيناها قليلًا.

ثم ابتسمت بتوتر.

ـ سيرا: أنا؟ لا خالص.

ظل ينظر إليها للحظات وكأنه يحاول قراءة ما خلف تلك الكلمات.

ثم هز رأسه بهدوء.

ـ آيان: امم... تمام. اتفضلي.

ـ سيرا: بعد إذنك.

وغادرت سريعًا.

أما هو فظل ينظر إلى الباب المغلق للحظات.

ثم ارتسمت على شفتيه ابتسامة جانبية خفيفة.

كانت مختلفة عن أي شخص قابله.

وتوترها العفوي كان يثير فضوله بطريقة غريبة.

@@@@@@@@@@@@@@@@@@@@@

بعد انتهاء آيان من الإعلان...

دخل إلى المكتب مجددًا.

وفي الوقت نفسه كانت سيرا تتجه نحو مكتب قاسم.

طرقت الباب ثم دخلت.

ـ سيرا: نعم يا مستر؟ حضرتك طلبتني؟

رفع قاسم رأسه من فوق الأوراق أمامه.

وبدت على وجهه علامات الضيق.

ـ قاسم: في مصيبة.

تجمدت ابتسامتها فورًا.

ـ سيرا: في إيه؟

تنهد قاسم بضيق.

ـ قاسم: إحنا كنا متفقين مع مدير أعمال آيان إن السعر هيكون 5 ملايين.

ـ سيرا: تمام... فين المشكلة؟

ـ قاسم: دلوقتي كلمني وطالب 7 ملايين.

اتسعت عيناها بدهشة.

ـ سيرا: إزاي؟ مش المفروض في اتفاق؟

ـ قاسم: أيوه... بس بيقول إن الإعلان هيكون أكبر من المتوقع.

ساد الصمت للحظات.

كانت سيرا تفكر بسرعة.

ثم قالت بثقة:

ـ سيرا: متشيلش هم... أنا هتصرف.

نظر إليها قاسم لثوانٍ.

ثم قال بجدية:

ـ قاسم: هكون ممنون ليكي جدًا لو عرفتي تقنعيه.

صمت قليلًا قبل أن يضيف:

ـ قاسم: ووعد مني... لو عرفتي تحلي المشكلة دي، هخليكي تشتغلي في مجالك في الشركة الكبيرة... إدارة الأعمال.

تجمدت سيرا مكانها.

كلمات قليلة...

لكنها كانت كفيلة بأن تجعل قلبها يقفز من الفرحة.

ذلك الحلم الذي سعت إليه طويلًا...

بات أقرب من أي وقت مضى.

ـ سيرا: بجد؟

ـ قاسم: بجد.

ابتسمت بسعادة واضحة.

ـ سيرا: تمام يا أستاذ قاسم.

ثم غادرت المكتب بسرعة، وعيناها تلمعان بالأمل.

@@@@@@@@@@@@@@@@@@@@@

توجهت سيرا نحو المكتب بخطوات سريعة.

كانت الفرحة تملأ قلبها وهي تفكر في وعد قاسم لها.

أخيرًا...

ربما اقتربت من الحلم الذي انتظرته طويلًا.

وصلت إلى المكتب وطرقت الباب بخفة.

ثم دخلت.

وجدت آيان يقف بالقرب من النافذة يشرب الماء.

كان يرتدي جاكتًا أسود وبنطالًا أسود، مما زاد من هيبته المعتادة.

تقدمت خطوة إلى الداخل.

ـ سيرا: أستاذ آيان... فين يمنى؟

أجابها دون أن يلتفت:

ـ آيان: معرفش.

ـ سيرا: تمام.

استدارت لتغادر.

لكن صوته أوقفها مجددًا.

ـ آيان: استني.

التفتت إليه.

ـ آيان: كنتي عايزة إيه؟

عقدت أصابعها بتوتر.

فهي لا تعرف كيف تفتح ذلك الموضوع.

ـ سيرا: كنت بس عايزة أقولها حاجة ليها علاقة بالشغل.

ترك آيان زجاجة الماء فوق الطاولة.

ثم وضع إحدى يديه داخل جيب الجاكيت.

ـ آيان: قولي.

ترددت للحظة.

ـ سيرا: مش هتضايق؟

رفع حاجبه باستغراب.

ثم حرك رأسه بمعنى لا.

ـ سيرا: تمام...

أخذت نفسًا عميقًا ثم أكملت:

ـ سيرا: الأستاذ أحمد طالب 7 ملايين بدل 5... مع إن الاتفاق كان على 5.

ساد الصمت للحظات.

واختفت أي تعابير من فوق وجه آيان.

ـ سيرا: أستاذ آيان؟

ظل صامتًا وهو يفكر.

ثم قبض يده قليلًا.

فانتبهت سيرا لذلك التغيير المفاجئ.

ـ سيرا: في حاجة؟

رفع نظره إليها.

ثم قال بهدوء:

ـ آيان: قولي لقاسم إن الاتفاق زي ما هو.

ـ سيرا: يعني... 5 ملايين؟

ـ آيان: أيوه.

لمعت عيناها بفرحة واضحة.

ـ سيرا: بجد؟

نظر إليها لثوانٍ.

ثم قال ببرود متعمد:

ـ آيان: لا... بهزر.

اتسعت عيناها بصدمة.

ـ آيان: أكيد بجد يعني.

تنفست براحة.

ثم ابتسمت دون أن تشعر.

ـ سيرا: شكرًا بجد... من كل قلبي.

تركته وغادرت بسرعة.

وبمجرد أن أُغلق الباب خلفها...

ابتسم آيان بغضب واضح ...

ـ آيان: ماشي يا حيوان بقى... بتضحك عليا أنا؟

أخرج هاتفه سريعًا.

ـ آيان: حضري العربية... أنا نازل.

ـ يمنى: حاضر.

أغلق الهاتف.

ثم التقط حقيبته السوداء وغادر المكتب.

@@@@@@@@@@@@@@@@@@@@@

بعد دقائق...

خرج آيان من الشركة.

كان الحراس يسيرون خلفه.

بينما أخفى جزءًا من ملامحه أسفل قبعة الجاكيت.

استقل السيارة.

ـ آيان: روح عند مكتب أحمد.

نظرت إليه يمنى باستغراب.

ـ يمنى: ليه؟

ـ آيان: بعدين هتفهمي.

ثم أضاف:

ـ آيان: بس هوصلك البيت الأول.

ـ يمنى: أنا مش فاهمة حاجة.

لكن آيان لم يجب.

واكتفى بابتسامة صغيرة وهو ينظر من نافذة السيارة.

ابتسامة لم تكن مطمئنة أبدًا.

@@@@@@@@@@@@@@@@@@@@@

أما عند سيرا...

فكانت تسير خارج الشركة بسعادة حقيقية.

وكأن العالم أصبح أخف من المعتاد.

لم تستطع إخفاء ابتسامتها.

ـ سيرا: بجد والله أستاذ آيان ده طيب أوي.

نظرت إلى السماء للحظة.

ثم ابتسمت أكثر.

ـ سيرا: أخيرًا يا سيرا...

أخيرًا هتعملي اللي كنتِ بتحلمي بيه طول عمرك.

شعرت وكأن سنوات التعب بدأت تؤتي ثمارها أخيرًا.

@@@@@@@@@@@@@@@@@@@@@

في الجهة الأخرى...

وصل آيان إلى مكتب أحمد.

دخل بهدوء.

جلس ووضع يده علي حافة الصوفا 

منتظرًا.

بعد دقائق...

فتح الباب.

ودخل أحمد.

ـ أحمد: أهلًا باللعيب.

ابتسم آيان ابتسامة خفيفة.

لكنها لم تصل إلى عينيه.

ـ آيان: طيب...

ـ أحمد: خير؟

ـ آيان: عمرك شفت حد بيلعب مع لعيب؟

اختفت ابتسامة أحمد تدريجيًا.

ـ أحمد: مين اللي يتجرأ يلعب معاك؟

استند آيان إلى المقعد.

وعقد أصابعه أمامه.

ثم قال بهدوء مخيف:

ـ آيان: إنت.

تجمد أحمد مكانه.

ـ أحمد: أنا؟ إزاي؟

ـ آيان: بص... أنا هقولك نصيحة.

اعتدل في جلسته.

ثم أكمل:

ـ آيان: بلاش تلعب معايا أنا بالذات... عشان هتخسر.

شعر أحمد بأن الأمور لا تسير في الاتجاه الصحيح.

ـ أحمد: مش فاهم.

ـ آيان: متفق قدامي على 5 ملايين...

ومن ورايا 7 ملايين؟

توتر أحمد بوضوح.

ـ أحمد: مين قالك الكلام ده؟

ابتسم آيان بسخرية.

ـ آيان: متحاولش تنكر.

ثم أضاف:

ـ آيان: أنا عارف كل حاجة.

ساد الصمت.

ـ آيان: والمشكلة إنك معملتش حساب إن في عقد المرة دي.

ابتلع أحمد ريقه بصعوبة.

ـ احمد : بس يا آيان كل مره بيبقي في عقد ...

ـ آيان : بس مافيش البند السخيف إلي غيرته انت واتلاعبت بالعقد ... انا خدت بالي النهارده وانا ببص للعقد 

ـ أحمد: سامحني... أول مرة أعملها.

ـ آيان: وآخر مرة إن شاء الله.

ثم أشار بيده للحارس.

فُتح الباب.

ودخل أحد ضباط الشرطة.

اقترب الضابط من أحمد.

ـ الضابط: أنت رهن الاعتقال بتهمة الاحتيال والتلاعب بالعقود.

نظر أحمد إلى آيان بصدمة.

ـ أحمد: آيان... بقولك دي أول مرة!

لكن آيان لم يلتفت إليه.

ارتدى نظارته.

ثم نهض وغادر المكان بكل هدوء.

وكأن الأمر انتهى بالنسبة له.

ورغم أن أحمد ظل يناديه خلفه...

إلا أنه لم يتوقف.

ولم يلتفت.

بل أكمل طريقه نحو المطار.

فقد حان موعد سفره.

@@@@@@@@@@@@@@@@@@@@@

بعد مرور 3 سنوات...

@@@@@@@@@@@@@@@@@@@@@

رواية أنتِ الهدف

Part 6

@@@@@@@@@@@@@@@@@@@@@

بعد مرور ثلاث سنوات...

@@@@@@@@@@@@@@@@@@@@@

هبطت طائرة خاصة في المطار وسط إجراءات أمنية مشددة...

فُتح الباب ونزل آيان بخطوات هادئة وثابتة...

كان يرتدي ملابس سوداء بسيطة، وغطى جزءًا من وجهه بماسك أسود، بينما كانت نظراته مستقيمة للأمام دون أن يلتفت لأي شخص حوله...

تحرك الحراس أمامه وخلفه لتنظيم الطريق...

بينما كانت يمنى تسير خلفه وهي تراجع بعض الملاحظات على جهازها اللوحي...

رفع آيان يده قليلًا مشيرًا إليها...

اقتربت منه فورًا...

آيان: جهزي كل حاجة للماتش الجاي.

يمنى: تمام يا فندم.

آيان: وكلمي الشركة بخصوص الموضوع اللي قولتلك عليه.

يمنى: حاضر.

ـ أومأ برأسه دون أن يضيف شيئًا وأكمل طريقه للخارج...

@@@@@@@@@@@@@@@@@@@@@

في مكان آخر...

توقفت سيارة فخمة أمام مبنى الشركة...

فتح السائق الباب...

فنزلت سيرا بثقة واضحة...

كانت ترتدي بدلة رسمية بيضاء أنيقة، وتركت شعرها منسدلًا خلفها، بينما حملت حقيبة سوداء صغيرة أضافت إلى مظهرها لمسة من الأناقة...

وقفت للحظة تتأمل المبنى أمامها...

ذلك المكان الذي بدأت فيه أولى خطواتها...

وها هي تعود إليه اليوم بمكانة مختلفة تمامًا...

ابتسمت بخفة وهي تهمس لنفسها:

سيرا: ده وقتك يا سيرا... اثبتي نفسك.

ثم اتجهت إلى الداخل...

كانت خطواتها هادئة لكنها مليئة بالثقة...

وفي طريقها إلى مكتبها...

استوقفتها إحدى الموظفات...

الموظفة: آنسة سيرا...

التفتت إليها سيرا...

سيرا: نعم؟

الموظفة: مستر إيهاب طالب حضرتك.

سيرا: تمام... دقيقة وهكون عنده.

الموظفة: حاضر.

ثم غادرت الموظفة...

بينما توجهت سيرا نحو مكتب إيهاب...

وقفت أمام الباب لثوانٍ ثم طرقت بخفة ودخلت...

وجدته منشغلًا ببعض الملفات...

رفع رأسه فور رؤيتها...

إيهاب: تعالي اقعدي.

نظرت إليه باستغراب قبل أن تجلس أمامه...

سيرا: خير؟

إيهاب: بصي يا ستي... أنا عايز أقعد مع عمو عامر قريب.

رفعت حاجبها وهي تنظر له...

سيرا: إيهاب...

إيهاب: نعم؟

سيرا: تصرفاتك بدأت تضايقني فعلًا 

ابتسم بخفة وهو يرفع يديه باستسلام...

إيهاب: حاضر... حقك عليا.

ابتسمت سيرا ...

ثم أضاف بابتسامة:

إيهاب: بس ممكن نحدد ميعاد الخطوبة بقى؟

تنهدت سيرا وهي تهز رأسها...

سيرا: هكلم بابا وأقولك.

إيهاب: تمام.

سيرا: في حاجة تانية؟

ابتسم إيهاب وكأنه تذكر شيئًا...

إيهاب: أيوه... عندي ليكي مفاجأة.

سيرا: مفاجأة؟

إيهاب: بس هتعرفيها بكرة.

ضيقت عينيها بشك...

سيرا: ما تقول دلوقتي.

إيهاب: لا... بكرة أحسن.

ضحكت وهي تنهض من مكانها...

سيرا: ماشي يا مستر غامض.

إيهاب: استني لما تشوفيها.

سيرا: هنشوف.

ثم غادرت المكتب...

ظل إيهاب يتابعها بعينيه حتى اختفت...

ليتنهد مبتسمًا...

إيهاب: محظوظ بيها والله...

@@@@@@@@@@@@@@@@@@@@@

في قصر آيان...

عاد آيان إلى قصره الخاص بعد يوم طويل بين التدريبات والاجتماعات...

ألقى مفاتيحه على الطاولة ثم جلس على الأريكة بإرهاق...

أخرج هاتفه وأجرى اتصالًا سريعًا...

ما إن جاءه الرد حتى سمع صوت والدته ...

الأم: آيان يا حبيبي... عامل إيه؟

آيان: الحمد لله .

الأم: رجعت مصر؟

آيان: أيوه.

الأم: طب الحمد لله... بس إنت مرجعتش القصر ليه؟

آيان: أنا موجود في القصر بتاعي.

الأم: طيب تعالى عندنا بالليل... بقالنا كتير مشوفناكش.

تنهد ...

كان يعلم أن والدته لن تتراجع عن طلبها...

آيان: حاضر ... هاجي.

الأم: مستنياك يا حبيبي.

أغلق الهاتف وهو يهز رأسه باستسلام...

@@@@@@@@@@@@@@@@@@@@@

في المساء...

وصل آيان إلى قصر عائلته...

دخل إلى الداخل بهدوء...

لكن خطواته تباطأت فور أن وقعت عيناه على الموجودين...

كانت عائلته تجلس مع عائلة أخرى...

فعقد حاجبيه بضيق ...

وكأنه بدأ يفهم سبب إصرار والدته على حضوره...

انتبهت له والدته فورًا...

الأم: آيان... تعال يا حبيبي.

اتجه نحوهم بهدوء...

ثم القي التحيه علي الموجودين وجلس...

ابتسم عز، صديق والده القديم...

عز: ليك وحشة يا آيان.

بادلها آيان بابتسامة ..

ثم التفت عز إلى ابنته الجالسة بجواره...

عز: سلمي على آيان يا ندى.

رفعت ندى عينيها إليه بسرعة...

كان أكثر وسامة مما تتذكر...

ندى: إزيك؟

آيان: الحمد لله.

رد مختصر وهادئ...

كعادته...

فشعرت ندى ببعض الإحراج...

بينما تبادل الكبار النظرات فيما بينهم...

@@@@@@@@@@@@@@@@@@@@@

بعد مرور بعض الوقت...

انتهى العشاء...

وبدأ الجميع يتحدثون في مواضيع مختلفة...

أما آيان...

فكان يشعر بالاختناق من الأجواء...

نهض من مكانه قائلًا:

آيان: بعد إذنكم.

نظر إليه والده...

يوسف: رايح فين؟

آيان: عندي شغل.

أومأ يوسف برأسه...

ليتحرك آيان نحو الخارج...

@@@@@@@@@@@@@@@@@@@@@

خارج القصر...

أخرج مفاتيح سيارته...

وهو يتمتم بضيق:

آيان: ماشي يا ماما... مقولتيش إن في حد جاي ...

فتح باب السيارة...

وكاد أن يصعد ...

لكن صوتًا أوقفه...

ندى: آيان... استنى.

التفت إليها...

كانت تركض نحوه بخطوات سريعة...

توقفت أمامه وهي تلتقط أنفاسها...

ندى: اتفضل.

ثم أخرجت علبة هدايا صغيرة كانت تخفيها خلف ظهرها...

نظر إليها للحظات...

ثم أخذها منها بهدوء...

آيان: شكرًا.

ابتسمت ندى بسعادة...

وكاد أن يصعد السياره...

لكنها لم ترد أن ينتهي الحديث بهذه السرعة...

ندى: استنى...

رفع حاجبه منتظرًا ما ستقوله...

ندى: بصراحة... في حفلة بكرة.

صمتت قليلًا ثم أكملت:

ندى: وكنت حابة تيجي معايا.

ظل ينظر إليها للحظات...

ثم أجاب بهدوء:

آيان: آسف... عندي شغل.

اختفت ابتسامتها قليلًا...

ندى: حتى لو عشاني؟

لم تتغير ملامحه...

آيان: آسف.

ردها بكل بساطة...

دون قسوة...

ودون اهتمام أيضًا...

ثم صعد إلى سيارته...

وأغلق الباب...

وانطلقت السيارة مبتعدة...

وقفت ندى مكانها تتابع رحيله...

قبل أن تزفر بغضب...

ثم استدارت وعادت إلى الداخل...

بينما كان آيان قد نسي الأمر كله بالفعل...

@@@@@@@@@@@@@@@@@@@

في سيارة آيان ...

ـ وضع الهديه في الخلف ام يكن مهتم الهديه لكن لم يكن يريد احراجها ...

ابتسم بسخرية وهو يقول ...

ـ آيان : تفاهه ...

@@@@@@@@@@@@@@@@@@@@@

في صباح اليوم التالي...

وصلت سيرا إلى الشركة كعادتها...

كانت تحمل كوب القهوة الخاص بها بينما تتجه نحو مكتبها...

لكن قبل أن تصل...

وصلتها رسالة من إيهاب...

"تعالي مكتبي أول ما توصلي."

تنهدت وهي تهز رأسها...

سيرا: أكيد المفاجأة بتاعته...

ثم غيرت اتجاهها وتوجهت مباشرة إلى مكتبه...

طرقت الباب ..

إيهاب: ادخلي.

فتحت الباب ودخلت...

وجدته يجلس خلف مكتبه وكأنه ينتظرها منذ فترة...

سيرا:  كنت عايزني في إيه؟

إيهاب: تعالي اقعدي الأول.

جلست أمامه وهي تنظر إليه بشك...

سيرا: لو المفاجأة دي مقلب  بجد هزعل ...

ابتسم إيهاب بهدوء ..

ثم فتح أحد الأدراج وأخرج ملفًا أنيقًا ووضعه أمامها...

إيهاب: افتحي.

نظرت إليه باستغراب...

ثم فتحت الملف...

بدأت تقلب الأوراق بهدوء...

لكن شيئًا فشيئًا بدأت ملامحها تتغير...

اختفت ابتسامتها...

واتسعت عيناها بصدمة...

رفعت رأسها نحوه بسرعة...

سيرا: إيه ده؟

ابتسم إيهاب بفخر ...

إيهاب: مبروك.

سيرا: مبروك على إيه؟

إيهاب: انتي من النهاردة مديرة أعمال آيان يوسف.

تجمدت ملامحها للحظات...

وأعادت النظر إلى الأوراق مرة أخرى...

وكأنها تتأكد مما قرأته للتو...

سيرا: آيان يوسف؟!

إيهاب: أيوه.

سيرا: لاعب المنتخب؟

إيهاب: هو بنفسه.

سيرا: إنت بتهزر؟

إيهاب: لا والله.

ظلت تحدق في الأوراق بعدم تصديق...

فهذا الاسم أصبح من أشهر الأسماء خلال السنوات الأخيرة...

بل إن أخباره لا تكاد تغيب عن أي مكان...

إيهاب: ودي فرصة كبيرة جدًا ليكي.

سيرا: فرصة كبيرة فعلًا...

إيهاب: وأنا واثق إنك قدها.

أغلقت الملف ببطء...

ثم أخذت نفسًا عميقًا...

سيرا: تمام...

إيهاب: تمام؟

سيرا: تمام.

ابتسم إيهاب بانتصار...

بينما كانت هي تحاول استيعاب ما ينتظرها...

@@@@@@@@@@@@@@@@@@@@@

في الجهة الأخرى...

كان آيان يجلس داخل مكتبه الخاص...

وأمامه بعض الملفات المتعلقة بالمباريات والعقود الجديدة...

طرق الباب...

آيان: ادخل.

دخلت يمنى...

يمنى: أستاذ آيان...

رفع نظره إليها...

آيان: نعم؟

يمنى: مديرة أعمالك الجديدة وصلت.

أغلق الملف الذي بيده...

ثم أشار لها بالدخول...

ابتعدت يمنى جانبًا...

وفي اللحظة التالية...

دخلت سيرا.

خطت عدة خطوات إلى الداخل...

ثم توقفت أمام المكتب...

رفع آيان عينيه إليها...

أما هي...

فكانت تنظر إليه بهدوء...

مرت لحظة صامتة بينهما...

شعر خلالها آيان بشيء غريب...

وكأنه رأى تلك الملامح من قبل...

لكن أين؟

لم يستطع التذكر...

اقتربت سيرا أكثر...

ثم مدت يدها بثقة قائلة:

سيرا: أهلًا... أنا سيرا عامر.

توقفت للحظة قصيرة...

ثم أكملت:

سيرا: مديرة أعمالك الجديدة.

نظر آيان إلى يدها الممدودة...

ثم رفع عينيه إليها مجددًا...

كانت مختلفة...

هادئة...

وواثقة بنفسها بشكل لافت...

ابتسم ابتسامه جانبيه وهو يمد يده ...

@@@@@@@@@@@@@@@@@@@@@