رواية مشوار بدور كاملة (جميع الفصول) بقلم سلوى عوض

رواية مشوار بدور كاملة (جميع الفصول) بقلم سلوى عوض

الفصل الأول 1

#سلوي_عوض

#مشوار_بدور 

التعريف والحلقه الاولي

السلام عليكم، نبدأ روايتنا الجديدة.

في فيلا من أرقى فيلل القاهرة تسكن أسرة بطلتنا بدور، فهي ابنتهم الوحيدة.

الأب طاهر الشامي رجل ثري ثراءً فاحشاً، رجل قاسي القلب ومغرور لأبعد الحدود، يتعامل مع كل من يعرفهم وكأنهم عبيد عنده، ومن يخالف أوامره يعاقبه بالقتل، نعم القتل.

أما زوجته السيدة نجوى، فهي سيدة طيبة من أسرة بسيطة، لكنه تزوجها ليتمتع بإذلالها وممارسة ساديته عليها.

حتى ابنته بدور يعاملها معاملة سيئة.

أما البواب وحارس الفيلا فهو عم شعبان، متزوج وله ولد وبنت. الولد اسمه جاسر شعبان، وابنته زينب شعبان، وزوجته السيدة صفيه عبد السلام، سيدة طيبة تحب زوجها وأولادها، فجميعهم يخدمون في فيلا طاهر.

في صباح جديد، حيث الساعة الآن التاسعة صباحاً، نجد أن طاهر يجلس في مكتبه يراجع بعض أعماله قبل أن يذهب إلى عمله.

طاهر بصوت عالٍ: صفية! انتي يا صفية!

لتركض صفية مسرعة ثم تطرق الباب.

طاهر: اخشي.

لتدخل صفية.

طاهر: انتي إيه؟ طرشة؟ مش سامعاني وأنا بندّه عليكي؟

صفية: أنا آسفة يا بيه.

طاهر: غوري اعملي فنجان قهوة سادة، وخلي جوزك الحيوان ده يجهز العربية السودة. جاتكم القرف، كلكم بهايم، عايزين الكرباج. يلا غوري.

صفية: حاضر يا بيه.

لتذهب صفية مسرعة لتعد له القهوة السادة.

وبعد أن أعدتها ذهبت له بالقهوة.

طاهر: حطيها هنا وغوري اعملي اللي قولتلك عليه.

صفية: أوامر حضرتك.

لتخرج صفية إلى زوجها شعبان.

صفية: بسرعة يا شعبان جهز العربية السودة، أحسن البيه مدخن أوي.

شعبان: استرها يا رب.

صفية: طب خد الساندوتش ده قوت قلبك بيه.

شعبان: انتي عايزاه يسود عيشتي؟

صفية: يعني تقع من طولك يا أخويا؟

شعبان: هاتي، وربنا يستر.

صفية: إن شاء الله.

وهنا تستيقظ بدور وهي مبتسمة.

بدور: أروح أصبح على مامتي بس، يا رب يكون بابا نزل. مش عارفة ليه كل ما يشوفني يزعقلي. إن شاء الله يكون نزل، وكمان خرجني من المدرسة، كان زماني دلوقت في أولى إعدادي... يلا الحمد لله. :::

ثم تذهب إلى غرفة والدتها.

بدور: ماما حبيبتي، صباح الخير.

نجوى: صباح النور.

بدور: هو بابا فين؟ يا رب يكون نزل.

نجوى: نزل، ومن وقت ما نزل وهو بيزعق لصفية.

بدور: هو ليه بابا شرير كده؟

نجوى: عيب، ده بابا، ميصحش تقولي عليه كده.

بدور: انتي اللي بتقولي كده يا أمي، وهو دايماً بيضربك ويشتمك.

نجوى: الولاد الصغيرين ميدخلوش في عمايل الكبار.

بدور: طب ممكن ألعب مع جاسر وزينب؟

نجوى: لما يمشي بدل ما يزعقلك، وابقي خليهم يفطروا معاكي.

بدور: حاضر.

أما صفيه فكانت تعد طعام الإفطار لأولادها.

زينب: مش إحنا ساكنين هنا في الفيلا؟

صفيه : آه.

زينب: طب ليه إحنا بناكل فول وطعمية وهما بياكلوا حاجات حلوة؟

جاسر: عشان إحنا خدامين عندهم، افهمي بقى.

صفيه: الشغل مش عيب يا جاسر، إحنا بنشتغل بشرفنا وبناكل لقمتنا من عرق جبينا.

جاسر: أيوه يا أما، بس طاهر بيه ده صعب أوي، راجل مفتري.

وهنا تدخل عليهم بدور.

بدور: ليه كده يا جاسر؟ بتقول على بابا كده؟

جاسر: عشان دي الحقيقة، ده حتى انتي بنته حرمك من التعليم وبيعاملك وحش.

صفيع: حقك عليا يا بدور هانم، متزعليش.

بدور: مش زعلانة، بس بلاش تتكلم كده تاني على بابا يا جاسر.

صفيه: اتأسف للهانم.

بدور: أنا مش هانم ولا حاجة، أنا زي بنتك، ومش عايزة أسف. وبعدين أنا كنت جايبة الفطار عشان نفطر سوا ونلعب قبل رجوع بابا.

زينب: يعني هنفطر أكل حلو النهارده؟

بدور: آه، يلا بينا.

ثم تنظر إلى جاسر.

بدور: يلا يا جاسر.

جاسر: أنا عندي شغل في الجنينة.

بدور: افطر وبعدين اشتغل، لسه اليوم طويل. :::

ليبتسم جاسر.

جاسر: حاضر، أوامر الهانم.

بدور: تاني هانم؟

جاسر: بهزر معاكي.

صفيه: طب اقعدوا افطروا، وأنا هروح أشوف الست نجوى عشان أفطرها. 

بدور: ماما صاحية من بدري.

صفيه: معلش بقى يا بنتي، كنت مستنية بس أما البيه والدك يخرج.

وقبل أن تخرج صفيه من الغرفة المخصصة لها هي وزوجها لتعد طعام الإفطار لنجوى، سمعت صوت طاهر عالياً جداً وهو يؤنب زوجها.

صفيه: استرها يا رب، البيه ماله بيزعق كده ليه؟ يا ترى عملت إيه يا شعبان؟

لتخرج صفيه مسرعة، لتجد زوجها يقف وهو مرعوب حرفياً من طاهر.

صفيه: خير يا بيه؟

طاهر: جوزك الحيوان المتخلف محطش بنزين في العربية، وعنده كمية لا مبالاة مش عند حد. حيوان صحيح!

أخلص، جهز العربية البني، وعلى الله ميكنش فيها بنزين، ساعتها هفول العربية بدمك. سواق غبي!

أخلص، انت واقف ليه؟ واللي حصل ميتكررش تاني، وإياك أشوفك بتطفح في العربية تاني. صحيح حيوان عايش عشان يطفح بس.

أخلص، أنا وقتي بفلوس.

زينب: حقك علي راسي يا بيه، معلش. يلا يا شعبان روح جهز العربية البني للبيه.

وهنا تخرج بدور من غرفتهم ومعها صفية.

طاهر: خدي هنا يا بت! انتي إيه اللي دخلك عندهم؟ أنا مش قولت ألف مرة متدخليش عندهم؟ ولا انتي مبتسمعيش الكلام؟ دول شغالين عندنا ومستوانا غير مستواهم. امشي غوري على أوضتك، وهتتحبسي فيها لمدة أسبوع، وإياكي تكسري كلامي مرة تانية وإلا الكرباج اللي هيتكلم. غوري.

لتتركهم بدور وتذهب إلى غرفتها.

وبعد أن جهز شعبان العربية الأخرى...

شعبان: تمام يا سعادة البيه، العربية جاهزة.

طاهر: طيب.

ليستقلا السيارة ويذهبا إلى مصنع طاهر.

طاهر: دخل الشنطة المكتب وأنا هشوف المكن.

شعبان: حاضر يا باشا.

ليدخل شعبان مكتب طاهر ليجد الخزنة مفتوحة.

شعبان: إيه ده؟ الخزنة مكسورة! يا خبر... أنا لازم أبلغ البيه.

ليركض شعبان سريعاً ليصل حيث يقف طاهر ناحية العمال.

طاهر: إيه اللي... انت عمرك ما تعمل حاجة صح؟

شعبان: أصل... أصل يا بيه، الخزنة مكسورة.

طاهر: بتقول إيه؟ نهاركم كلكم أسود قدامي. أما أشوف المصيبة اللي زي وشك دي.

ليصعدوا إلى مكتب طاهر.

ليتصل طاهر على مدير أمن المصنع.

طاهر: إيه يا سيادة العميد؟ انت نايم على ودانك؟ الخزنة مكسورة.

العميد رأفت: إزاي بس سعادتك؟ ده مافيش نملة بتدخل المصنع إلا لما بكون عارف بيها.

طاهر: انت لسه هتحكى؟ تعالى على مكتبي حالاً.

ثم يتحدث إلى شعبان.

طاهر: وانت غور، خليهم يعملولي قهوة سادة بسرعة.

شعبان: أوامر حضرتك.

طاهر: أنا هربيكم كلكم يا كلاب.

ليركض شعبان إلى عامل البوفيه.

شعبان: فنجان قهوة سادة للبيه بسرعة يا فكري.

فكري: حاضر، بس قولي في إيه؟

شعبان: الخزنة بتاعت البيه اتسرقت.

فكري: إزاي يعني؟ إذا كنت أنا شايف الأستاذ رياض ابن أخته خارج من المكتب وفي إيده شنطة، وبيقوله: كله تمام يا خالي.

شعبان: إزاي بس؟ ده أنا شايف الخزنة مكسورة بعيني.

فكري: معرفش، أنا بقولك اللي شوفته، بس أمانة عليك أوعى تجيب سيرتي، إحنا غلابة زي بعض.

شعبان: حاضر، حاضر

ليتركه شعبان وهو يفكر.

شعبان: معقولة الكلام اللي فكري بيقوله؟ البيه هيسرق نفسه وكمان يتفق مع ابن أخوه؟ والله هو شراني ويعملها، بس هيستفاد إيه؟

ليسمع صوت طاهر يتحدث عبر ميكروفون المصنع.

طاهر: طبعاً السرقة اللي حصلت دي مش هتعدي بالساهل، وأنا بنفسي هحقق فيها. وعشان اللي عمل كده لسه معرفتهوش، إذاً كلكم متعاقبين.

أولاً: حرمان من المرتب لمدة شهر.

ثانياً: الشغل طول الشهر ده تلت ورديات.

وأي حد معترض فيكم يبقى هو الحرامي، ووقتها الشرطة والنيابة يتدخلوا.

ما هو أنا مش بلاقي فلوسي في الشارع.

جاتكم داهية فيكم وفي اللي مشغلكم.

ثم يغلق الميكروفون.

طاهر: هو الحيوان شعبان ده راح فين؟

ثم يتصل على رأفت ابن شقيقته.

طاهر: أيوه يا أوفا.

رأفت: أيوه يا بوص، إيه رأيك؟ عجبتك؟ اديني وفرت عليك مرتبات شهر بحاله، ده غير كمان إنهم هيشتغلوا ورديات زيادة.

طاهر: ابن أختي وطالعلي.

رأفت: متيجي تسهر معانا النهارده؟ ده عنايات عاملة حتة بارتي، إنما إيه... كله حلويات.

طاهر: تمام، أهو الواحد يفك دماغه من القرف اللي عايش فيه.

وكان طاهر يتحدث غير عابئ بمن يقف خلف الباب.

وهنا يطرق شعبان الباب.

شعبان: القهوة يا باشا.

طاهر: حطها وغور.

ليهم شعبان أن ينصرف.

طاهر: استنى، خد المبلغ ده وروح في المواصلات، أنا عندي شغل كتير.

ثم يرمي له 20 جنيهًا على الأرض.

ليأخذها شعبان.

شعبان: ربنا يديم عزك يا بيه.

لينصرف شعبان وهو حزين على العمال والموظفين، ليتحدث مع نفسه.

شعبان: معقول في حد كده؟ في إنسان جاحد كده؟ ذنبهم إيه بس العمال والموظفين الغلابة؟ شهر بحاله يا مفتري تشغلهم من غير ولا مليم، وتدبر لهم جريمة سرقة عشان يخافوا، وكمان تشغلهم ورديات زيادة وتهددهم كمان بالحبس. القوي فيه اللي أقوى منه... حسبنا الله ونعم الوكيل فيك، راجل ظالم.

وبعد ساعة يصل شعبان إلى الفيلا ليجد الأطفال يلعبون.

لتجري عليه زينب.

زينب: حمدالله على السلامة يا أبا، إنت جيت بدري النهارده.

بدور: أمال فين بابا يا عمو شعبان؟

شعبان: عنده شغل كتير يا بنتي، وقال لي روح إنت.

بدور بفرحة: أحسن عشان ألعب براحتي.

شعبان: أمال فين أمك يا جاسر؟

جاسر: قاعدة فوق مع الهانم، أروح أقولها بابا جه؟

شعبان: لا يا حبيبي، خليها تخلص شغلها وأنا هريح شوية.

أما في فيلا عنايات الشامي شقيقة طاهر...

عنايات سيدة متصابية، حينما نراها من بعيد نشعر أنها ابنة العشرين، ولكن عمرها تخطى الخامسة والخمسين، ودائمًا فيلتها تعج بالضيوف حيث تدير ترابيزة للعب القمار وفعل كل المحرمات.

كانت عنايات تجلس مع أصدقائها.

عنايات: عندي ليكم خبر حلو، طاهر أخويا جاي الليلة، وهنفتح اللعب أول ما ييجي.

ليصفق الجميع.

عنايات: تعالي يا شيري، عايزاكي.

شيري فتاة في الثامنة والعشرين من عمرها، ترتدي ما يفضح أكثر مما يستر، ودائمًا تخضع لعمليات التجميل، وكله على حساب زبائن عنايات.

شيري: إيه يا نونتي؟

عنايات: طاهر أخويا جاي، عايزاكي بقى تدلعي عليه.

شيري: وهو أخوكي ده ينفع معاه دلع ولا حركات؟

عنايات: اشتغلي إنتِ بس عليه.

شيري: الصراحة أخوكي ده خنيق أوي وميت على القرش، إنما هحاول.

عنايات: جرى إيه يعني؟ متعرفيش تدلعي عليه شوية؟

شيري: بتكلميني عليه كأنه حد غريب، مش أخوكي؟ ما إنتِ عارفة طبعه.

عنايات: إنتِ هتوجعي قلبي معاكي ليه؟ أنا أشوف البت زوزة أهي، حركة عنك بدل ما إنتِ مش عارفة تجيبي رجله.

شيري: لا خلاص خلاص، إنتِ هتطيري العصفور مني.

عنايات: أيوه كده.

الفصل الثانى 2

#سلوي_عوض

#مشوار_بدور 

بارت 2

عنايات: يلا اطلعي أوضتي وجهزي، عايزاكي على سنجة عشرة.

شيري: أوك.

أما رأفت فكان يجلس مع طاهر في المصنع.

رأفت: إيه يا خالو، مش يلا بينا؟

لينظر له طاهر نظرة معناها: أنا فاهم حوارات أمك دي إيه.

طاهر: هي عنايات موصياك ولا إيه؟ شاطر إنت، مبتضيعش وقت. برافو عليك، هيبقى لك مستقبل.

رأفت: مين اللي هيسوق؟

طاهر: أنا طبعًا، إنت طايش وسواقتك صعبة.

رأفت: أنا؟ ده أنا حتى بسوق براحة.

طاهر: مش عايز صداع، فوت قدامي بقى.

رأفت: مش عارف ليه دايمًا طبعك حامي كده.

طاهر: انتو اللي باردين. أخلص بقى متبقاش رغاي، وخلي أمك تجهز السهرة والشيء لزوم الشيء.

رأفت: كله جاهز وتحت أمرك.

طاهر: بلغ أمك تخلي شيري تخف عليا، أنا كاره الصنف كله.

رأفت: ممكن أسألك سؤال؟

طاهر: ارغي.

رأفت: إيه نوع الستات اللي بيعجبك؟

طاهر: سؤال حلو... أنا أحب الست اللي أديها بالجزمة وتناولها لي عشان أضربها بيها تاني.

رأفت: أقدر أسميها سادية.

طاهر: سادية إيه يا عبيط؟ أنا بس بحب أشوف الناس كلها تحت رجلي. أنا طاهر الشامي، افهم يا حمار... ولا هتجيب الفهم منين؟ ما إنت طالع لأمك، ضيعت كل ورثها وعايشة على إيراد الترابيزة. ولا إنت فاكرني مش عارف إنها بتلعب لعبة مع كام بنت من اللي عندها؟ بس عادي... خلينا تنبسط.

رأفت: إنت ظالم أمي أوي يا خالي، طب دي حتى بتصرف على السهرات من جيبها.

طاهر: آه وماله؟ هي أمك بقت لاقية تاكل؟ وأوعاك تفتكر إني معرفش التهليب اللي إنت بتهلبه من ورايا، بس أنا سايبك براحتك.

رأفت بخوف: لا يا خالي، صدقني أنا عمري ما مديت إيدي على مليم من فلوسك، وبحافظ عليها. إنت عارف غلاوتك عندي قد إيه.

طاهر: طيب طيب، بطل دوشة. يلا تعالى اركب جنبي.

رأفت: حاضر.

وبعد أن استقلا السيارة ذهبا معًا إلى فيلا عنايات، وها هم قد وصلوا إلى الفيلا.

ليدخل طاهر ليجد الجميع مجتمعين على ترابيزة القمار.

طاهر: إنتوا إيه موراكوش أشغال؟ إحنا لسه في عز النهار، أمال هتعملوا إيه بالليل؟

عنايات: تعالى يا أخويا، مكانك محجوز.

عنايات: شيري، تعالي شوفي طاهر باشا وخليكي في خدمته.

شيري بدلع: أوك.

عنايات: إيه، مش هتلعب معانا؟

طاهر: آه طبعًا.

طاهر: ياله بينا نبدء.

وبالفعل يبدؤون في اللعب، وبعد ساعة كان طاهر قد اكتسح الكل وربح أموالهم.

شيري: حظك حلو أوي عشان أنا واقفة جنبك.

عنايات: طبعًا مش أخويا، ياله نكمل.

طاهر: لاء، كملوا انتو، أنا مروح.

الجميع بتذمر: لاء لسه، هتكمل معانا، عايزين نعوض.

طاهر: بكرة بكرة، سلام يا حلوين.

ليتركهم طاهر في ذهول ويخرج.

شيري: شايفة؟ معبرنيش حتى.

عنايات: اسكتي بقا، النهارده جيه عليا بخسارة.

شخص: بقا كده؟ انتي جايبة أخوكي ومتفقة معاه عشان يخرب بيوتنا؟

عنايات: أبدًا، ما أنا كمان خسرت معاكم.

رافت: تعالي يا أمي، عايزك.

عنايات: عايز إيه انت كمان؟

رافت: أخوكي طلع عارف كل حاجة، وعارف كمان إني بسرق فلوس من وراه.

عنايات: إحنا لازم نخلص منه قبل ما هو يخلص علينا.

رافت: دم؟ لاء دم لاء.

عنايات: خلاص، خليه هو يدفنا بالحياة.

وها هو طاهر يذهب إلى منزله.

طاهر: انت يا زفت.

شعبان: نعم يا بيه.

طاهر: اعمل حسابك، هنسافر الفيوم الفجر عشان هصطاد.

شعبان: تحت أمرك.

ليترك طاهر شعبان ويصعد إلى غرفته، ليجد بدور نائمة بجوار والدتها.

طاهر: انتي يا بنت، إيه اللي منيمك هنا؟ غوري على أوضتك.

نجوى: براحة عليها طيب.

طاهر: اخرسي انتي، مسمعش صوتك. خديها وغوروا ناموا في أي مكان، اخلصي.

نجوى بخوف: حاضر حاضر… ربنا يخلصني منك.

طاهر: بتقولي إيه يا زبالة يا تربية الحواري؟

نجوى: عيشة الحواري أرحم من عيشتك.

طاهر: أنا هربيكي… بس بكرة لما أرجعلك.

وبعد عدة ساعات، وقبل أذان الفجر، كان طاهر وشعبان ومعهم جاسر يسافرون إلى الفيوم. وما إن وصلوا—

طاهر: جهزوا كل حاجة.

شعبان: حاضر يا بيه، ياله بينا يا جاسر.

وبعد تجهيز كل شيء يبدأ طاهر في الصيد، وبعد أن اصطاد البط البري—

طاهر: شعبان، حط البط في شنطة العربية على ما أعمل تليفون.

شعبان: حاضر يا بيه.

وبعد أن وضع شعبان البط في شنطة العربية—

جاسر: ممكن آخد بطة يا أبا؟

شعبان: لاء، انت عايز البيه يطين عيشتنا؟

جاسر: هيطين عيشتنا على بطاية؟

شعبان: أصلك متعرفوش يا ابني، ده اتفق مع ابن أخته إنهم يعملوا فيلم على العمال والموظفين الغلابة، وهيشغلوهم شهر من غير مرتب وكمان كذا وردية.

جاسر: يا عيني… يعني يشغلهم ببلاش؟

شعبان: أيوه، أنا سمعته بيتكلم.

وهنا يقترب منهم طاهر.

طاهر: سمعت إيه؟

شعبان بخوف: لاء… لاء… مسمعتش حاجة.

طاهر: آه… أنا هعرفك تتجسس عليا إزاي.

ليخرج طبنجته ثم يطلق رصاصة في رأس شعبان، ليقع ميتًا في الحال.

جاسر: حرام عليك! موت أبويا ليه؟ أنا مش هسيبك!

ليستقل طاهر سيارته ويمضي مسرعًا، تاركًا شعبان جثة وبجانبه جاسر ولده يبكي عليه.

جاسر: أنا لازم أوصل الفيلا قبل ما يعمل حاجة في أمي وأختي.

ليركض جاسر مسرعًا إلى أن يجد سيارة ميكروباص.

جاسر: مصر يا أسطى؟

السائق: اه، تعالى يا ابني.

اركب.

جاسر: بس أنا مش معايا فلوس.

السائق: بتبكي ليه؟

جاسر بخوف: مافيش.

السائق: أنا عمك جمعه، وإنت اسمك إيه؟

جاسر: اسمي جاسر.

جمعه: طيب قولي بس مالك؟

جاسر: أصل... أصل...

ليقص عليه جاسر كل ما حدث.

جمعه: لا حول ولا قوة إلا بالله العلي العظيم... هو في ناس كده؟ وجثة أبوك فين دلوقتي؟

ليصف له جاسر المكان.

جمعه: طيب اهدي، أنا هبعت حد من إخواتي يبلغ النقطه.

جاسر: طيب وصلني بسرعة بالله عليك، أنا خايف على أمي وأختي.

جمعه: متخافش، إن شاء الله خير.

جمعه: انزل إنت يا عزب واعمل اللازم.

وبعد ساعتين كان طاهر قد وصل إلى الفيلا.

صفيه: أمال فين شعبان وجاسر يا بيه؟

طاهر: بعتهم يجيبوا حاجات، روحي اعمليلي فنجان قهوة سادة.

صفيه: حاضر يا بيه.

وها هو جاسر قد وصل أيضًا.

لتخرج صفيه بالقهوة.

صفيه: أمال فين أبوك؟

لتدخل زينب.

زينب: إنت جيت يا جاسر؟

صفيه: مالك متبهدل وبتبكي كده ليه؟

جاسر: قتل أبويا... قتل أبويا.

صفيه: بتقول مين ده؟ وأبوك فين؟

جاسر: طاهر قتله.

صفيه: إيه؟ إنت قتلت جوزي! ده أنا هروح فيك في داهية!

ليطلق عليها الرصاص، ثم يطلق على ابنتها، ليهرب جاسر، ولكن والدته وأخته أصبحوا من الأموات.

ليركض جاسر مسرعًا إلى قسم الشرطة ليبلغهم بما حدث لوالده في الفيوم، ثم ما حدث لوالدته وأخته.

الظابط: ثواني يا ابني، أكلم شرطة الفيوم.

ليتصل الظابط بشرطة الفيوم ليتأكد من كلام جاسر، ثم يذهب بقوة من الشرطة إلى فيلا طاهر، ليجدوه يجلس يحتسي شرابًا وكأن شيئًا لم يكن.

الظابط: إنت طاهر الشامي؟

طاهر: اه، ليه؟

الظابط مشيرًا للعساكر: خدوه على البوكس.

طاهر: إنت اتجننت؟ متعرفش أنا مين؟

الظابط: متكثرش في الكلام، وهناك هنعرف إنت مين.

طاهر: أنا هربيكم كلكم، كلكم كلاب.

الظابط: طب يلا يا حلو، أحسنلك.

طاهر: ولا تقدر تعمل حاجة.

الظابط: إنت متهم بتلت جرائم قتل.

طاهر: دول رعاع كلاب، ملهمش لازمة، عبء على المجتمع.

الظابط: وإنت مين إداك الحق تعمل وتقول كده؟ أنا بقا وراك لغاية ما أجيبلك إعدام.

الفصل الثالث 3

#سلوي_عوض

#مشوار_بدور 

بارت 3

ليضحك طاهر بسخرية.

طاهر: تجيب لمين إعدام؟ ده أنا بعلاقاتي أوديك ورا الشمس.

ثم يقتادوه إلى قسم الشرطة.

طاهر: اوعى إيدك مني، ليه؟ أنا لازم أتصل بالمحامي بتاعي.

الظابط: اتصل براحتك.

ليتصل طاهر على المحامي.

المحامي: أنا جايلك حالًا.

الظابط: إيه، مش خلصت اتصالك؟

طاهر: لسه هتصل على ابن أختي.

ليتصل طاهر على رافت.

طاهر: تعالى لي على القسم.

رافت: خير؟

طاهر: لما تيجي هتعرف.

الظابط أيمن: إيه، وراك مكالمات تاني؟

طاهر: بلاش تستفزني.

أيمن: إنت إيه جايب الجبروت ده منين؟ إنت قاتل تلت أشخاص، عارف يعني إيه؟

وبعد ساعة يصل المحامي إلى القسم.

المحامي: حضرتك، أنا طه الشناوي المحامي.

أيمن: اتفضل يا أستاذ طه.

طه: ممكن أعرف موكلي متهم في إيه؟

أيمن: حاجة بسيطة خالص... قتل السواق ومراته وبنته.

طه: حضرتك ممكن يكون حد غيره اللي عمل كده.

أيمن: بقول لحضرتك قبضنا عليه متلبس.

وهنا يصل رافت.

ليخرج المحامي من غرفة التحقيق.

رافت: في إيه يا متر طه؟

طه: خالك متهم في قضية قتل... قتل البواب ومراته وبنته، وللأسف اتقبض عليه متلبس، والظابط اللي جوه ده رخم أوي وحوله على النيابة.

رافت: طيب ما كده حلو أوي، مهمتك بقا إنت تجيبله إعدام.

طه: مش فاهم.

رافت: يعني ٥ مليون جنيه يتحولوا لحسابك، مش وحشين.

طه: بجد؟ ده خالك بينشف ريقي عشان يديني ألف جنيه.

رافت: يبقى اتفقنا. إنت هتحضر معاه في النيابة وهتمضيه على ورق وكأنه ورق إنت محتاجه في القضية.

طه: وبعدين؟

رافت: الورق ده هيكون تنازل منه عن كل أملاكه ليا.

طه: بس انته مش شايف أن خمسة مليون شوية؟

رافت: اعمل انته اللازم ومش هنختلف.

طه: إذا كان كده تمام.

رافت: بس ياريت بسرعة واوعى ياخد باله من أي حاجة.

طه: عيب عليك، أنا طه الشناوي.

ليتركه رافت ويذهب ليتصل على والدته.

رافت: ألف مبروك يا نونه، أخوكي هيلبس البدلة الحمرا.

عنايات: يعني إيه؟

رافت: خالي المصون قتل شعبان السواق ومراته وبنته واتقبض عليه.

عنايات بفرحة: بجد؟ ده أحسن خبر سمعته في حياتي.

رافت: لسه في خبر أحلى وأحلى، بكرة كل أملاكه هتتنقل باسمي.

عنايات: احلف!

رافت: وحياتك عندي.

عنايات: حلو خالص ونبقى إحنا أصحاب كل حاجة.

رافت: أكيد، أنا اتفقت مع المحامي على خمسة مليون، بس هو طمعان في أكتر.

عنايات: مش مشكلة، انته عارف خالك عنده كام. بس هنعمل إيه في نجوى وبنتها؟

رافت: نجوى تاخد بنتها وترجع الحارة اللي جات منها والأوضتين اللي تحت السلم.

عنايات: برافو عليك يا ريفا.

أما نجوى وبدور فكانتا عائدتان من عند الطبيب.

بدور: ألف سلامة عليكي يا ماما، إن شاء الله هتبقي بخير.

نجوى: إن شاء الله.

ليدخلا الفيلا ليجداها تعج برجال الشرطة.

نجوى: إيه ده؟ في إيه؟

الظابط أيمن: حضرتك مدام نجوى حرم طاهر الشامي؟

نجوى: أ-اه يا أفندم، خير في إيه؟

أيمن: زوج حضرتك قتل شعبان السواق ومراته وبنته.

نجوى: إيه؟ حضرتك بتقول إيه؟ مستحيل… مستحيل!

أيمن: الجثث بتاعت مرات شعبان وبنته قدام حضرتك أهي، أما شعبان فقتله في الفيوم.

نجوى: إزاي؟ إزاي بس يعمل كده؟ دول طول عمرهم خادمينا.

أيمن: والله تقدري تسأليه، هو هيترحل على النيابة بكرة الصبح.

أما جاسر فكان يهيم في الشوارع وهو يبكي، إلى أن شعر بتعب شديد فجلس يستريح.

جاسر: أبويا وأمي وأختي راحوا مني في غمضة عين… والله ما هرحمك يا طاهر. كانوا عملوا إيه عشان تموتهم وتحرميني منهم؟

وهنا تمر سيدة بسيارة فارهة، لتجد جاسر يجلس على الرصيف متقوقعًا على نفسه وملابسه رثة، فتوقف السيارة وتنزل منها لتقترب منه.

السيدة: انته قاعد كده ليه يا ابني؟ انته تايه؟

جاسر: لاء.

السيدة: طيب مالك بتعيط ليه؟

جاسر: البيه اللي كنا شغالين عنده قتل أمي وأبويا وأختي، وأنا مكانش ليا غيرهم.

السيدة واسمها نجيه: إزاي ده؟ إحنا عايشين فين، في غابة؟

جاسر: أصله راجل مفتري.

نجيه: اسمه إيه؟

جاسر: طاهر الشامي، صاحب مصانع الشامي.

نجيه: إيه ده! أنا قريت في الجرنال النهارده عن الحادثة دي.

جاسر: ربنا ينتقم منه.

نجيه: طيب تعال معايا.

جاسر: لاء شكرًا.

نجيه: اسمعني، أنا كنت متجوزة ومخلفتش، وجوزي توفى وعايشة لوحدي، مافيش حد معايا. والحمد لله ربنا موسعها عليا أوي. تعال عيش معايا وأنا هعتبرك ابني.

جاسر: كتر خيرك.

نجيه: خير إيه بس؟ مش يمكن ربنا سبحانه وتعالى خلانا نبقى في طريق بعض؟ أنا لأني ماليش حد، وانته عشان اللي حصلك يعني. وبعدين أنا مسافرة الإمارات بعد أسبوع، وهعملك يا سيدي ورق وأكتبك على اسمي واسم المرحوم جوزي عشان تبقى انته الوريث الوحيد. قولت إيه؟

جاسر: أنا مش عايز حاجة، أنا عايز أنتقم لأهلي.

نجيه: تعال بقى معايا، متغلبنيش، وربنا يحلها.

جاسر بقلة حيلة: حاضر يا ست هانم.

نجيه: أمي… قول حاضر يا أمي.

جاسر ببكاء حار: حاضر يا أمي.

أما نجوى فكانت تجلس في حيرة.

نجوى: هو طاهر آه مفتري، بس إزاي يعمل كده؟ يقتل تلت أرواح ملهمش ذنب.

بدور: ماما، هو بابا هو اللي عمل فيهم كده؟

نجوى: آه يا بنتي.

بدور: أنا بخاف منه… بابا وحش.

نجوى: عيب كده، متقوليش على بابا كده.

ويمر الليل سريعًا، وها هو الصباح. ففي النيابة كان وكيل النيابة يستجوب طاهر، وطاهر يتحدث بكل عنجهية.

وكيل النيابة: انته قاتل ومجرم، واتكلم كويس.

طاهر: متقدرش تعملي حاجة.

وكيل النيابة: يحبس ٤ أيام على ذمة التحقيق ويراعى التجديد.

طاهر: برده هخرج منها.

ليقتاده العساكر إلى خارج غرفة وكيل النيابة، ليجد طه المحامي في انتظاره ومعه رافت.

طاهر: انتو إيه بهايم؟ مدخلتش معايا في التحقيق ليه يا متر؟ هو انته بتاخد مني شوية؟

طه: معلش، بس أصل أنا كت بظبط واحد يشيل القضية عنك.

رافت: ده إحنا دوخنا على ما لقيناه.

طاهر: آه تمام.

طه: بس هو طالب مليون جنيه.

طاهر: مش مشكلة.

طه: وفي حاجة كمان، لازم تمضيلي الأوراق دي عشان أقدر أغير الأحراز، الطبنجة وخلافه.

طاهر: هات يا سيدي، المهم مقعدش يوم واحد زيادة هنا.

طه: مين ده؟ بكرة هييجي الواد يعترف بنفسه إنه قتلهم، وتخرج انته زي الشعرة من العجين.

طاهر: تمام، ليك عندي مكافأة.

طه: خيرك سابق.

رافت: أروح أنا أطمن على مرات خالي وعلى البنت؟

طاهر: لاء سيبهم، أنا كده كده خارج بكرة.

رافت: تخرج بألف سلامة.

ليتركوه ويذهبوا.

رافت: كده كله تمام؟

طه: لاء، لسه لازم التاريخ يكون قديم.

رافت: وهنعملها إزاي دي؟

طه: كله بالفلوس سهل.

رافت: أنا نظرتي فيك مخيبتش أبدًا يا متر.

طه: متقلقش، أسبوع وكله هيبقى في السليم.

رافت: أوك.

ويمر أسبوع دون أحداث تُذكر، والآن قد أصبح كل شيء ملكًا لرافت بيعًا وشراءً.

ليذهب رافت وعنايات إلى الفيلا ومعهم بعض الرجال.

رافت: فضّولي الفيلا من الزبالة اللي فيها.

نجوى: بتعمل إيه يا رافت؟

عنايات: انتي زي الشاطرة كده، تاخدي بنتك وتغوري من هنا.

نجوى: إزاي يعني؟

عنايات: زي الناس، كل حاجة بقت ملكنا. طاهر باع لنا كل ممتلكاته.

نجوى: طب وأنا هروح فين؟

رافت: مش مشكلتنا. ياله من هنا، خدي بنتك وغوري بالذوق أحسن ما يطلعوكم بالعافية.

نجوى: حسبنا الله ونعم الوكيل فيكم.

عنايات: ماشي، بس برده هتغوري.

نجوى: هلم حاجتنا ونمشي.

رافت: ملكوش حاجة هنا.

نجوى: حرام عليكم، أنا مليش مكان أروحله.

عنايات: مش مشكلتنا، كفاية عليكي أوي كده، عشتي في العز سنين كتيرة. ياله غوري.

نجوى: تعالي يا بدور.

بدور: هنروح فين بس يا أمي؟

نجوى: ربنا يتولانا يا بنتي.

وبعد مرور عشرون عامًا، في حي شعبي فقير، نجد أن بطلتنا بدور توقظ جدتها.

بدور: قومي بقا يا ستي عشان أديكي العلاج قبل ما أروح الشغل.

زهيرة: حاضر يا حبيبتي، قومت أهو.

بدور: أنا هجهزلك كل حاجة جنبك، وإن شاء الله لما أرجع أبقا أعمل الغدا ونتغدى سوا.

زهيرة: على عيني يا قلبي، تعبك وشقاكي… ياريتني أقدر أشتغل وأنا أشيل عنك.

بدور: وبعدين بقا، مش قولنا بلاش الكلام ده تاني؟

زهيرة: يا بنتي، طب حتى أقعد بقفص حلويات وأبيع لعيال الحارة.

بدور: هتزعليني منك ليه؟

زهيرة: خلاص متزعليش، اتكلي على الله على شغلك… ربنا يرحمك يا نجوى يا بنتي، يارب، ويستر عرضك يا بدور.

الفصل الرابع 4

#سلوي_عوض

#مشوار_بدور 

بارت 4

بدور: آمين يا ستي، سلام بقا.

زهيرة: سلام يا حبيبتي.

لتجلس الجدة على أريكتها المهترئة وهي تفكر بما حدث في الماضي.

فلاش باك

كانت السيدة زهيرة جالسة في شرفة منزلها تنظر إلى المارين، فهي تعيش وحيدة، وكان الوقت متأخرًا، نعم فنحن في منتصف الليل، لتجد نجوى ابنتها ومعها طفلتها بدور.

لتفرح زهيرة.

زهيرة: الحمد لله، أخيرًا المفتري سابهم يجولي زيارة، بس جايين متأخر أوي كده ليه؟ مش مهم، المهم إني هشوفهم ويقعدوا معايا.

لتقترب نجوى من الشرفة.

زهيرة: لفي يا بنتي، تعالي اخشي.

نجوى بحزن: حاضر.

لتدخل نجوى شقة والدتها.

زهيرة بفرحة: وحشتوني أوي، أخيرًا جيتوا عشان أشوفكم. اقعدوا معايا كام يوم بقى.

نجوى: هنقعد معاكي على طول يا أما.

زهيرة: خير، مالك؟

نجوى: هقولك يا أما، بس أشرب شوية مايه، ريقي ناشف أوي.

زهيرة: في إيه؟ قلقتيني. خدي المايه أهي، في إيه؟

لتقص عليها نجوى كل ما حدث.

زهيرة: يخرب بيته! إيه الجبروت ده؟ ده شيطان مش بني آدم.

نجوى: وفي الآخر اتطردنا أنا وبنتي.

زهيرة: الموضوع ده فيه حاجة مش طبيعية.

نجوى: والله ما عارفة يا أما.

زهيرة: ارتاحي انتي وبنتك، والصباح رباح.

بدور: أنا جعانة يا ستي.

زهيرة: عيني يا قلب ستك، أنا كنت سالقة بطاطس اتغديت منها، وفضلوا شوية في الطبق، هقوم أجيبهملك.

نجوى: هنعمل إيه يا أمي؟ هنعيش إزاي؟ ومنين؟ انتي معاشك يادوبك مكفيكي بالعافية.

زهيرة: قولي يا رب بس. أهم حاجة بكرة تروحي تزوري طاهر وتعرفيه كل حاجة، وهو أكيد هيتصرف، ده جبروت ماشي على الأرض.

نجوى: حاضر.

ليمضي الليل، وها هو صباح يوم جديد. لتذهب نجوى لزيارة زوجها، وبعد محاولات عديدة سمحوا لها بالزيارة، لتقص عليه كل ما حدث.

طاهر: بقى رافت وعنايات يعملوا كده؟

نجوى: آه والله، ورمونا في الشارع أنا والبت.

طاهر: أنا لازم أخرج، خرجيني من هنا، أنا لازم أنتقم منهم.

نجوى بقلة حيلة: أخرجك إزاي بس؟

طاهر: اسمعيني كويس، هبعتك مكان عند واحد صاحبي، هتروحيله وتحكيله وهو هيعمل اللازم.

نجوى: بس ده مش خطر عليك؟

طاهر: نفذي اللي بقولك عليه.

نجوى بقلة حيلة: حاضر.

لتذهب نجوى لصديق طاهر، أيوب، فأيوب رجل لا يقل شرًا عن طاهر، بل بالعكس يتفوق عليه أحيانًا. وبعد أن قصت عليه نجوى كل شيء…

أيوب: اسمعي، خدي الحبوب دي وخليه ياخدها، هيتعب ويروح المستشفى، وأنا هخرجه من هناك.

نجوى: حاضر.

ويمر يومان، لتذهب نجوى مرة أخرى لزيارة زوجها لتعطيه الحبوب. ليتناولها طاهر ليبدأ في الصراخ.

طاهر: آه… بطني! بطني بتتقطع… آه مش قادر… هموت… الحقوني!

أحد العساكر: ماله يا متهم؟

طاهر: بطني… بموت.

العسكري: اصبر شوية، هبلغ البيه الظابط.

طاهر: بسرعة… مش قادر.

وبعد وقت قصير يعود العسكري.

العسكري: هننقلك المستشفى.

طاهر: كتر خيرك… آه.

ليذهبوا به إلى المستشفى، وفي المستشفى كان رجال أيوب يرتدون ملابس ممرضين.

العسكري: المجرم ده خطير، خلوا بالكم عليه.

مجانص، رجل من رجال أيوب: متخافش يا دفعة.

العسكري: امضيلي هنا.

مجانص: هات… الله يكون في عونكم.

وأثناء تغيير الشيفت في المستشفى يدخل مجانص على طاهر.

مجانص: هفكلك الحديد من السرير، وخد لبس الدكتور ده البسه، والعربية مستنياك بره، بس بسرعة.

طاهر: تمام.

وبالفعل ينجح طاهر في الهروب.

ثم يستقل السيارة ويذهب مسرعًا إلى فيلا أيوب صديقه، ليجده في انتظاره.

أيوب: كفارة يا صاحبي، حمد الله على السلامة.

طاهر: تسلم يا أخويا، شوفت الكلبة عنايات وابنها عملوا إيه؟

أيوب: مش وقته دلوقتي، انته لازم تسيب البلد وتسافر.

طاهر: إزاي؟

أيوب: هتسافر تهريب على اليونان.

طاهر: وده مفيهوش خطر؟ أنا مش عايز أتمسك تاني.

أيوب: متقلقش، كل حاجة جاهزة.

وها هم في المستشفى يكتشفون هروب طاهر، ليبلغوا القسم بما حدث.

الظابط: يا عسكري.

العسكري: تمام يا أفندم.

الظابط: مين كان عند طاهر قبل ما يروح المستشفى؟

العسكري: مراته يا أفندم، ودي بياناتها.

الظابط: طيب جهز قوة عشان هنقبض عليها قبل ما تهرب.

وبالفعل تذهب القوة إلى منزل والدة نجوى ليقبضوا عليها بتهمة تهريب مسجون.

نجوى: والله ما هربته يا أفندم، أنا معرفش ومقدرش أعمل كده.

الظابط: اعترفي أحسنلك.

نجوى: يا أفندم، هو بعتني لواحد صاحبه اسمه أيوب وقالّي أقوله يتصرف.

الظابط: عارفة عنوان صاحبه ده؟

نجوى: آه، معايا.

الظابط: خلاص، تعالي معانا أما نشوف كلامك.

ليذهبوا إلى العنوان الذي أبلغتهم به نجوى، وما إن وصلوا…

إلى العنوان—

نجوى: هنا، أنا جيتله هنا.

الظابط: هنا؟

نجوى: أيوه، هنا بالظبط.

الظابط: اديني نازل معاكي.

وبعد أن نزلوا من السيارة، سألت نجوى البواب:

نجوى: هو أيوب بيه موجود؟

البواب: أيوب مين؟

نجوى: صاحب الفيلا دي.

البواب: الفيلا دي صاحبها معالي المستشار وليد عدلي.

نجوى: إزاي؟ أنا جيتله هنا ودخلتله جوه.

البواب: جيتي إمتى حضرتك؟ وأنا قدام البوابة ليل نهار وعمري ما شوفتك.

نجوى ببكاء: والله العظيم جيتله هنا.

الظابط: مش هي دي الفيلا اللي قولتي عليها؟ كلامك كله طلع كدب.

نجوى: والله ما بكدب، حرام عليكم، صدقوني.

ثم يقتادوها إلى القسم، ويمر شهر ويحكم على نجوى بالسجن خمس سنوات لمساعدتها لمجرم على الهروب.

باك...

لتعود زهيرة بالذاكرة.

زهيرة: الله يرحمك يا بنتي ويجازي اللي كان السبب.

أما بدور فكانت في عملها في مصنع الملابس، نعم، فهي تعمل في تشطيب الملابس، واليوم هو أول يوم في الشهر.

لتقترب منها أحلام صديقتها.

أحلام: بت يا بدور، بعم منقبض، هنروح ناكل كشري ونشرب عصير، تيجي معانا؟

بدور: لا، روحوا إنتوا.

أحلام: يا بت فكي كيسك.

بدور: ما هو اللي ميعرفش يقول عدس... صاحب البيت ليه شهرين متأخرين، يعني يادوبك.

أحلام: طيب اسمعي، أكلم لك الريّسة تكلم الحج صاحب المصنع يديكي سلفة؟

بدور مش هيرضي ما انا طلبت الشهر اللي فات ومرضيش

احلام يا ستي نحاول متبقيش بومه كده

بدور حاضر

وبعد انتهاء العمل وقبل الانصراف ها هو توفيق صاحب المصنع

اسمعوا يا بنات مافيش قبض الشهر ده عشان كل الشغل حصل فيه مرتجع عشان حضراتكم مش مراعيين ربنا ف شغلكم وكمان المصنع اجازه تلت شهور عشان هنصين المكن

العاملين حرام عليك مقولتش من بدري ليه كنا عملنا حسابنا طاب قبضنا الشهر ده طيب

توفيق مافيش قبض وروحو اشتكوني ف مكتب العمل

بدور لاحلام وكنتي عايزاني اخد سلفه ياله يا اختي نروح ربنا يستر من صاحبه البيت

احلام اعوذ بالله ديه وليه مفتريه

وبعد أن وصلت بدور الي المنزل لتجد نواشي صاحبه المنزل تجلس مع جدتها

زهيره اهي بدور جات اهي

نواشي ايجار الشهرين يا ابله بدور

بدور بحيره اصلهم مقبضوناش ده أن المصنع هيقفل تلت شهور كمان

نواشي وماله ميجراش يبقا تاخدي جدتك والكراكيب بتاعتكو وتفارقوني والشهرين خليهم زكاه عن صحتي وعافيتي

زهيره هنروح فين بس احنا ملناش مكان الا هنا

نواشي وانا مالي حد قالك عليا فاتحه جمعيه خيريه ايه القرف ده

بدور طاب ادينا فرصه انا هدور علي شغل واسددلك فلوسك

نواشي موت يا حمار لما يجيلك العليق

زهيره طيب يا ست نواشي اصبري علينا لغيت بكره بس وانا هتصرف

نواشي بكره بس وهجيلك من الصبح بدري لو مافيش فلوس تاخدو بعضكم من سكات وتمشو

زهيره حاضر كتر خيرك

لتنصرف نواشي وتتركهم

بدور وبعدين يا ستي هنجيب فلوس منين بكره لنواشي

زهيره انا هخش ارتاح شويه وربك هيحلها عندك الغدا علي الترابيزه فول وبتنجان مقلي

بدور مليش نفس انا كمان هخش ارتاح

لتدخل زهيره غرفتها ثم تفتح دولابها لتخرج منه صندوقا صغيرا وتخرج منه سلسلة ذهبيه ثم تتذكر

فلاش باك

نجوي خدي يا امي السلسله ديه خليها معاكي ياريت كان معايا غيرها هيا ديه الوحيده اللي فضلت معايا بعد ما خدو مني كل حاجه

لتعود زهيره بالذاكره

الله يرحمك يا نجوي

ثم تمسح دموعها وتخرج من غرفتها

زهيره يا بدور

بدور ايوه يا ستي

زهيره خدي يا بنتي السلسله ديه بيعيها عشان نسد منها فلوس نواشي

بدور هيا مش ديه سلسله المرحومه امي

زهيره اه هيا وعلي عيني يا بنتي ابيعها بس هنعمل ايه نترمي ف الشارع اهو نسد الايجار والباقي نعمل منه حتت سبوبه نعيش منها

بدور هنعمل ايه يعني

زهيره عربيه كبده وسجق وجنبها نصبه شاي للعمال ولأهل الحاره

بدور وطاب وهنجيب الحاجه ديه منين

زهيره العربيه والحديد والعِدّة والكراسي كله موجود روحي بس انتي قبل الوقت ميتأخر وبيعيها وتعالي

بدور حاضر يا ستي

لتذهب بدور إلى الصائغ بالسلسلة لتبيعها

الصائغ معاكي فاتورة؟

بدور لاء أصلها بتاعت المرحومة أمي

الصائغ طيب معاكي بطاقة؟

بدور اه معايا

ليزن الصائغ السلسلة

الصائغ السلسلة ديه تعمل ٢٥ ألف جنيه

بدور زي بعضه

الصائغ روحي صوري بطاقتك وهاتيلي الصورة وكمان هتمضيلي على قسيمة بيع، أصل أنا بحب أمشي في السليم

بدور حاضر

وبعد ساعة عادت بدور إلى المنزل

بدور بعتها يا ستي بـ٢٥ ألف جنيه

زهيره مين الحرامي اللي اشتراها منك بالسعر ده؟ ديه غالية أوي

بدور ما هو قالي لازم فاتورة وإحنا معاناش فاتورة، خلاص بقا

زهيره طيب تمام، تعالي بقا نطلع الحاجة ونغسلها ونوضبها، والصبح بدري نروح المدبح نشتري البضاعة ونبدأ شغل

بدور بس ده تعب عليكي يا ستي، إيه رأيك أجيب أحلام؟ اهي برده تسترزق، ما انتي عارفة أبوها عيان وهي اللي شايلة الحمل كله

زهيره وماله يا بنتي، أنا بس في الأول أعرفكم الطريقة وبعد كده انتو اشتغلوا

بدور طب ما نواشي كده هتاخد مننا إيجار قصاد وقفتنا قدام الباب

زهيره مش مهم يا بنتي… كله يتعوض، المهم نبدأ ونستر نفسنا بالحلال.إن شاء الله

بدور يارب… استني هتصل على أحلام

لتمسك بهاتفها الصغير

زهيره ربنا يكرمك وتجيبي تليفون بدل الميت ده

بدور إن شاء الله يا ستي

لتتصل على أحلام

بدور بت يا أحلام تعالي، عايزاكي… لقينا شغل لينا

أحلام بجد؟

بدور اه والله، تعالي بس

أحلام ياما إنت كريم يا رب

لتخرج أحلام من منزلها، ونتعرف على أحلام، فهي صديقة بدور الوحيدة وليس لها سوى والدها المريض، نعم فهو قعيد الفراش، وأحلام تقوم بكل متطلباته. وهي فتاة طيبة ومرحة ومرتبطة ببكار.

أما بكار فمن أصحاب البشرة السمراء، وهو من محافظة أسوان حيث الطيبة والنقاء. يعشق أحلام لكنه لا يستطيع الزواج الآن، فهو يعمل ويرسل نصف راتبه إلى أسرته ليساعد في زواج أختيه، وينام في القهوة لأنه لا يملك حتى حق إيجار غرفة واحدة.

وأثناء مرور أحلام في الحارة تتقابل مع بكار

بكار رايحة فين وبتجري كده ليه؟ أبوكي فيه حاجة؟

أحلام لاء، أبويا بخير، بس أصل بدور لقت لنا شغل، هروح أشوفها عشان قالتلي تعالي بسرعة

بكار روحي، ربنا يرزقكم

أحلام سلام يا جميل

بكار والله إنتِ نظرك ضعيف 

احلام يا ريت كل الناس يشوفوك زي ما إنا شايفاك سلام أنا بقا

لتتركه أحلام وتذهب إلى منزل بدور

بدور كل ده يا أحلام؟

أحلام مش كان لازم أملي عيوني ببكار قلبي

زهيره ربنا يبختكم لبعض يا بنتي

أحلام كنتي عايزاني في إيه؟ آه صح، فين الشغل؟

بدور قدامك أهو

أحلام العربية الخردة دي هنعمل بيها إيه؟

بدور هنغسلها ونوضبها ونخليها فلة ونشتغل عليها

أحلام أيوه، هنشتغل إيه؟

زهيره هنبيع كبدة وسجق وأنا هعمل شاي

أحلام ومين اللي هيشتري مننا؟ دي حارة فقر وسكانها فقريين

زهيره ربنا يبعت الرزق يا بنتي، ياله شدوا حيلكم

أما في الإمارات، فها هو بطلنا جاسر قد أصبح من أكبر رجال الأعمال. كان مستلقيًا على سريره يتذكر كل ما حدث له وغير مجرى حياته.

فلاش باك

نجيه إيه رأيك؟ أدينا وصلنا الإمارات وعملنا ورق جديد وهوية جديدة، وكمان هتدخل مدرسة هنا وتتعلم

جاسر ربنا يخليكي ليا يا أمي

نجيه ويخليك ليا يا قلب أمك، بس خلي بالك، إنت من النهارده اسمك أدهم الشوربجي، أما جاسر ده تنساه خالص

جاسر أنساه إزاي بس؟

نجيه مؤقتًا بس يا حبيبي

جاسر بحزن حاضر

الفصل الخامس 5

#سلوي_عوض

#مشوار_بدور 

بارت 5 

أما بدور وأحلام والجدة زهيره

زهيره إنشاء الله من الفجر ننزل نشتري البضاعة

لتضحك أحلام

أحلام لمؤاخذة يعني يا ستي هتروحي معانا إزاي؟

زهيره هروح على الكرسي أبو عجل بتاعي

أحلام طب متيجي أجوزك أبويا أحسن

لتضحك زهيره

زهيره آه وماله، وأعمى يجر مكسح ويقوله تعالى نتفسح

بدور سيبك منها دي عندها ربع ضارب، إيدك معايا يا أختي خلينا نخلص

أحلام طيب أنا مش عارفة ليه الواحدة كده متلاقيش كنز وتعيش هانم

بدور احلمي يا أختي احلمي

لنتركهم ونعود إلى جاسر

نجيه إيه ده؟ إنت رايح فين؟

جاسر مخنوق شوية، هتمشى بالعربية شوية

نجيه طيب بس خلي بالك على نفسك

ليقبل جاسر يدها

جاسر حاضر يا أمي

ليخرج جاسر ويستقل سيارته وهو يتذكر

فلاش باك

نجيه بص بقا، من النهارده ده بيتك الجديد وأوضتك فوق جنب أوضتي، وخلي بالك لازم تتشطر كده عشان إنشاء الله تدخل كلية الهندسة

جاسر أنا طول عمري نفسي أدخل كلية الهندسة

نجيه يبقى نشد حيلنا ونذاكر ليل نهار، ياله اطلع خد شاور وارتاح شوية لغاية ما الغدا يجهز

جاسر حاضر

ليتركها جاسر ويصعد إلى غرفته ليلقي بجسده على السرير ليستغرق في النوم، ليرى كابوسًا… نعم، فهذا الكابوس سيظل يطارده دائمًا

جاسر حرام عليك يا طاهر بيه… أبويا… أبويا… لأ… أبويا… أمي… أختي… لأ… حرام عليك

ليستيقظ وهو يصرخ، فتسمعه نجيه وتركض مهرولة إليه

نجيه إيه يا حبيبي؟ في إيه؟

جاسر نفس الكابوس… نفس الكابوس

نجيه لأ، أنا مش هسكت، إحنا بكرة لازم نروح لطبيب نفسي يشوف حالتك دي

أما في قبرص، وتحديدًا في جزيرة رودس، نجد فيلا كبيرة تقع في منتصف الجزيرة وعليها مئات من الحراس، وزعيم الحراس يُدعى صافيك

ليدخل صافيك على البوص الكبير

صافيك كل شيء تمام، وردنا البضاعة واستلمنا الفلوس

ليرفع البوص القبعة وينظر له ليقول

تمام… تمام

وإذا بنا نجده… طاهر.

طاهر برافو عليكم، كده إحنا نرتاح يومين وبعدين نجهز لباقي الطلبيات

صافيك أوامرك يا بوص

ليتركه صافيك ويذهب، ليجلس طاهر ويتذكر ما حدث معه

فلاش باك

فبعد أن تم هروب طاهر إلى اليونان كان صديقه أيوب في انتظاره

أيوب مرحب أخويا وحبيبي

طاهر جميلك ده على راسي

أيوب متقولش كده، إحنا إخوات، المهم هتعمل إيه مع عنايات وابنها؟ أكيد هتخلص عليهم

طاهر بالعكس

أيوب مش فاهم

طاهر بعدين هقولك، قولي إنت إيه أخبار تجارتك؟

أيوب بيني وبينك موقف شغل شوية، أصل العيون مفتحة علينا

طاهر صبرك عليا يومين بس أرتاح وأفكرلك في موضوع يخلينا نشتغل وإحنا مش خايفين من حد.

ولكن أيوب يقول له

أيوب يومين كتير أوي وكمان هنخسر خسارة كبيرة

طاهر اتصللي على حد من رجالتك في مصر

أيوب إيه نويت؟

طاهر اهدي عليا بقا

أيوب حاضر هتصل لك على غبار، أشجع رجالتي ويفوت في الحديد

شكله مرعب، ضخم وعضلاته بارزة

طاهر هو ده المطلوب بس أمان؟

أيوب عيب عليك، ده أنا مربيه على إيدي

طاهر حلو أوي، اتصل بيه بقا

ليتصل أيوب بغبار

أيوب اسمع يا غبار، طاهر بيه هيكلمك، تسمع منه وتنفذ المطلوب

غبار أوامر يا أفندم

طاهر اسمع يا غبار، أنا عايزك تروح العنوان اللي هبعتهولك في رسالة، ده بيت المحامي بتاعي واسمه طه، عايزك بقا يا حلو تاخد معاك كام راجل كده يكونوا أبطال وتخطفوا مراته وبناته

غبار أوامر يا أفندم

طاهر لو نجحت في المهمة دي هكلفك بمهمات كتير وهعتبرك واحد من رجالتي

غبار أنا ليا الشرف يا باشا

ليغلق طاهر الهاتف مع غبار ليرسل له العنوان

أيوب إيه؟ وعنايات هتسيبها كده؟

ليضحك طاهر

طاهر كله بأوانه

أيوب طب فهمني

طاهر ما هو طه المحامي هو الطريق لعنايات وابنها، وكل حاجة هترجع بالأدب، ده غير كمان هشغلهم معانا في الشغل إياه وأشيلهم كل مخاطر الشغلانة.

أيوب طول عمر دماغك سم

طاهر أيوه كده خلينا نشتغل بقلب جامد

أيوب عجبني تفكيرك

طاهر أنا عايزك تحط رجل على رجل وتتفرج

وبالفعل يذهب غبار إلى منزل طه المحامي ليختطف زوجته وابنتيه، ثم يأتي اتصال لطه

طاهر إزيك يا متر، على فكرة مراتك وبناتك عندي، تنفذ المطلوب يرجعوا بيتهم صاغ سليم

طه أبوس إيدك مراتي وعيالي لأ

طاهر يبقى نسمع الكلام

طه أنا تحت أمرك

طاهر استنى مني تليفون، وحذاري إنك تبلغ، هقتلهم على طول، وإنت عارف إن القتل سهل عليا أوي

طه لأ لأ أرجوك، مش هبلغ وهنتظر تليفونك

ليعود طاهر بالذاكرة

لنتركه ونذهب إلى بدور، فها هو الصباح قد أتى، واشترت بدور بضاعتها وبدأت في إعداد الطعام هي وأحلام

بكار أحلى صباح على أحلى بنات

المعلم سند عايز خمسة كبدة وخمسة سجق

بدور بفرحة عيوني

وهنا تحضر نواشي

نواشي الله الله يا ست بدور، إيه اللي إنتي عملاه ده؟ ولا كأنه بيت أهلك يا أختي، طب ادفعي اللي عليكي الأول

بدور عيوني ليكي، اقعدي بس أعملك سندوتشين تغيري ريقك، والإيجار متحضر وجاهز

نواشي وإيجار وقفة العربية

بدور حاضر

نواشي أهو أنا كده بقا أحبك، بس كتري الكبدة

بدور عيوني، أعمل بس سندوتشات المعلم سند

نواشي اعملي يا أختي اعملي

بدور ممكن يا معلمة أجيب كرسيين وترابيزة للزبائن يعني؟ وكله بحسابه

نواشي وماله يا أختي

بكار هاخد السندوتشات وأروح أجيبلك الترابيزة والكراسي من القهوة

أحلام وسند هيرضى؟

بكار آه هيرضى، ده طيب أوي

نواشي أمال فين جدتك؟

بدور جدتي فوق، أصلها كانت عايزة يعني بعد إذنك تجيب غلاية شاي وتعمل شاي للعمال اللي في الحارة

نواشي آه قصدك العمال اللي بيركبوا غاز؟ وماله يا أختي، كله بالحساب.

أحلام إنتي متعرفيش تعملي حاجة لوجه الله تعالى

نواشي وإنتي يا أختي هتبيعوا الحاجة ببلاش؟ يا بخت من نفع واستنفع

بدور بس يا أحلام اسكتي

لنتركهم ونصعد إلى شقة السيدة زهيره، فكانت ممسكة بفستان ابنتها نجوى وهي تتذكر

فلاش باك

كانت زهيره تزور نجوى في محبسها

نجوى والله مظلومة يا أمي

زهيره هنعمل إيه بس يا بنتي

نجوى يعني تلت سنين يضيعوا من عمري ظلم، وإنتي وبدور هتعملوا إيه بس؟ الدنيا صعبة أوي

زهيره أنا هشوفلك محامي

نجوى منين بس يا أما

زهيره أنا هتصرف يا بنتي يعني هسيبك كده؟

نجوى لأ يا أما، أنا وكلت ربنا سبحانه وتعالى، المهم إنتي بس لازم تاخدي بدور وتسيبوا الحارة خالص

زهيره ليه بس يا بنتي؟ وهنروح فين؟

نجوى عشان طاهر ممكن يأذيكم، ده مافيش في قلبه رحمة، وفين فاكرة صاحبتي صفاء أم أحلام؟ هي ساكنة في الدراسة، والعنوان بتاعها في شنطتي، خدي العنوان وخدي بدور وروحيلها وهي هتشوفلكوا سكن، ولما تجيلي زيارة ابقي خلي بالك

زهيره حاضر يا بنتي، ربنا يفك سجنك

عودة من الفلاش باك

زهيره الله يرحمك يا بنتي، عيشتي مظلومة وموتي مظلومة

لنتركها ونذهب إلى جاسر، فها هو جاسر يتصل على صديقه الوحيد سمير

جاسر سمير تعالي عايزك

سمير خير

جاسر لما تيجي هتعرف

سمير دايمًا إنت واجع قلبي معاك ومشحطني.

جاسر مترغيش كتير، أنا هرجع البيت لغاية ما تيجي

سمير طيب طيب جاي

ليعود جاسر إلى المنزل

نجيه إيه يا حبيبي متأخرتش يعني

جاسر مافيش، أصلي طلبت سمير عشان عايزه

نجيه خير إن شاء الله

جاسر لما سمير ييجي هتعرفي يا أمي، بس بعد إذنك خليهم يعملولي فنجان قهوة

نجيه حاضر يا ابني

وبعد نصف ساعة يأتي سمير

سمير خير يا واجع قلبي

جاسر أنا قررت أصفي كل أعمالي وأنزل مصر

نجيه بتقول إيه؟ تنزل مصر؟

جاسر ده بعد إذن حضرتك طبعًا

نجيه بس ليه القرار المفاجئ ده؟

جاسر أرجوكي يا أمي متسألينيش عن أي حاجة، تعالي يا سمير ندخل المكتب

سمير حاضر

ليدخلا المكتب

جاسر اقعد بقا

سمير ادينا قعدنا

جاسر اسمعني كويس، عايزك في خلال أسبوع تعرفلي كل المعلومات عن البت دي، كل حاجة مهما كانت صغيرة

سمير بدور طاهر الشامي؟

جاسر اه، سنها حوالي ٢٥ سنة

سمير ودي أدور عليها فين دي؟

جاسر مش مشكلتي، اتصرف براحتك، ولا يهمك، ومن بكرة هحطلك مبلغ في حسابك

سمير طب وهو إحنا بينا حساب يا صاحبي؟

جاسر معلش استحملني يا سمير، إنت عارف إني مليش غيرك إنت وأمي

سمير حاضر يا سيدي.

بس ممكن أسألك سؤال

جاسر قول

سمير ليه يا صاحبي راجع تدور على الماضي؟ ونفترض يعني إنك قابلتها، هتعمل معاها إيه؟

جاسر مش عارف

جاسر متكركبش الدنيا فوق دماغي يا سمير، أنا بس كنت عايز أطمن عليها مش أكتر

سمير انسى الماضي صدقني، وبلاش تنفخ في الرماد وتقلبه

جاسر إنت كبرت الموضوع أوي، خلاص يا سيدي بلاش، مش عايز أعرف حاجة عن حد

سمير مع إني مش مصدقك بس ربنا يهديك

لنتركهم ونذهب إلى بدور، فها هي تقف لتعد السندوتشات لنواشي

أحلام الوله دي هتخرب بيتنا وهنقفل قبل ما نفتح

بدور ليه بس؟

أحلام ما إنتي شايفة يا أختي، كلت كام سندوتش، إيه مبتشبعش؟

وهنا يقترب عليهم المعلم سند

سند ألف مبروك يا مدام، رزق يهنيكم، ربنا يجعله باب رزق ليكم

بدور الله يبارك فيك يا معلم، هو بكار قالك على موضوع ستي وبراد الشاي؟

سند نحن المعلم سند، عمري أبدًا ما أقف في طريق رزق حد، كله إلا الولايا يا بنتي، وكمان هبعتلك كام كرسي على كام ترابيزة، وهبعتلك زباين كمان

نواشي إيه يا معلم مش شايفني ولا إيه؟

سند لا شايفك، بس عامل مش شايفك

نواشي ليه يا أخويا؟ باكل وبمسح في راسك عجايب

سند لأ، عشان مبتتقيش ربنا في الولايا، أهم حاجة عندك الفلوس، وفي الآخر هتموتي ومش هتلاقي اللي يترحم عليكي، ويكون في معلومك بدور وجدتها في حمايتي

نواشي يعني إيه؟

سند يعني مش كل يوم والتاني تنطي لهم في أكل عيشهم، إنتي تيجي كل أول شهر تاخدي إيجارك يا حلاوة، استبينا

نواشي طيب أما أشوف

سند بقولك استبينا

نواشي استبينا

ليتركهم سند ويذهب إلى المقهى، ليجد مجموعة من الشباب يلعبون كوتشينة

سند لو سمحتم يا أفندية، ممنوع اللعب هنا، ويكون في علم الجميع القهوة مفتوحة في حارة، يعني اللي ييجي يقعد هنا يقعد بأدب، القهوة للمشاريب والفرجة على الماتشات، غير كده لأ، اللي مش عاجبه يشوف له مكان تاني.

بكار إلا قولي يا معلمي، إنت ليه مانع اللعب هنا مع إن يعني بيكسب كتير برده؟

سند عشان إحنا وسط سكان يا أبو مخ تخين، والحارة مليانة بنات، واحد وهو بيلعب يتغلب يقوم شاتم وقايل كلام عيب، وأنا مرضاش على أهل بيتي يسمعوا الكلام العفش، يبقى مرضاهوش على أهل الحتة، وكمان بعيد عنك في شباب فلتانين بيعاكسوا الرايحة والجاية وده عيب في حقي

بكار ربنا يخليك لينا يا سيد الحتة

سند روح بقا ودي كام كرسي وكام ترابيزة على شوية كوبيات للست زهيره، آه واسمع كمان، ابقى قول لبدور الساقع من عندي للزباين لمدة أسبوع بمناسبة الافتتاح

بكار ربنا يكرمك يا معلمي ويفرحك زي ما هتفرح الولايا

سند الناس لبعضيها يا بكار، يلا روح وهاتلي منها سندوتشين وخليها تكتر الشطة، ولا أقولك استنى

إيه يا إخوانا حد جعان؟ فتحت عندنا عربية كبدة وسجق، إنما إيه كله بلدي والطعم حكاية

فمعظم الجالسين على القهوة

ندوق يا معلم؟

سند لا ده مش للدواق، ده أكل عيش يعني، تشتروا وتجربوا، حاجة فاخر من الآخر يعني.

الفصل السادس 6

#سلوي_عوض

#مشوار_بدور 

بارت 6 

سند خلو بالكم، الست بدور والست أحلام عاملين المشروع ده يسترزقوا منه، ربنا يوسع رزق الجميع يا رب

المعلم مخلوف صاحب محل خضار وفاكهة كان جالسًا على القهوة

مخلوف الفلفل والطماطم والليمون والبصل من عندي، كاتوه لامؤاخذة عشان بنات حتتنا الجدعان

العم عزيز البقال كان أيضًا جالسًا على القهوة

عزيز أنا بقا عندي الزيت والملح والبهارات، بقولك إيه يا مخلوف كمل جميلك واديهم حاجة السلطة

مخلوف يا سلام، إنت جيت في جمل، عيوني

سند وإنت يا معلم أبوالخير، إيه مافيش حاجة جاية منك؟

أبوالخير بمسكنة وأنا حيلتي إيه ما إنتوا عارفين

مخلوف يا راجل عيب عليك، اقف مع بنات حتتك بأي حاجة

أبوالخير ما هم هيبيعوا ويكسبوا، يبقوا يصرفوا

سند إيه رأيك بقا، كل يوم هتطلع خمسين رغيف عشان السندوتشات

أبوالخير كل واحد يحكم على نفسه، اللي عايز يوجب يوجب من جيبه مش من جيب غيره، لامؤاخذة

سند خلاص يا أبا، الله الغني عنك، بس لامؤاخذة بقا من هنا وجاي هتدفع حساب المشاريب.

أبوالخير يا سلام، بتبيع صاحبك عشان جوز البنات دول؟

سند دول ولايا يا صاحبي ومحتاجين حد يقف في ضهرهم

أبوالخير عليا أنا ولا عينك زاغت على البت بدور؟ حقك يا أبا، البت ملونة وفرسة

سند أخص عليك، إنت تعرف عني كده؟ أنا باعتبرها زي بنتي

أبوالخير زي بتك زي بتك

سند اه يا جدع

أبوالخير البت تحل من على حبل المشنقة، مش الغفر اللي عندي في البيت جوز عجول وأنا بعلف فيهم وبس، بس لأ دي لسه أوزة وأنا بحب العتاقي، الوله نواشي طول بعرض وتهز الأرض، وليه عفية بصحيح، هي دي الحريم اللي تتأني في البيوت، وكمان معلمة ومرسملة، ده شكلها كده هتلعب، هنحط الدقيق على الحليب ونعمل أحلى بسبوسة بالقشطة، وميضرش برده لو حدقنا وكلنا كبدة من عند بدور

سند والله شكلك هتتروق يا أبوالخير

وهنا يذهب أبوالخير حيث تقف بدور

أبوالخير إيه يا أبلة بدور، ألف مبروك عليكي، أنا كمان حلفت إني كل يوم هطلع خمسين رغيف هدية مني ليكي عشان تعملي بيهم السندوتشات

بدور كتر خيرك يا معلم، كلك واجب

أبوالخير أمال فين الست نواشي؟

بدور الست نواشي فوق عند جدتي بتاخد منها الإيجار

أبوالخير طب اعمليلي كام سندوتش أدوق كده

أحلام هتدوق كام سندوتش؟ ده إنت كرشك واسع أوي

أبوالخير عينك يا أبلة، هو أنا هاكل ببلاش؟

أحلام خلص، عايز تاكل إيه؟

بدور براحة يا أحلام

أحلام اسكتي إنتي

ونذهب إلى طاهر وهو يتذكر فلاش باك، فها هو طاهر يتصل على طه

طاهر عملت إيه؟

طه كله تمام، بكرة هيكونوا في اليونان، أنا كده مهمتي خلصت، ممكن ترجعلي مراتي وبناتي أرجوك

طاهر لا يا متر، لما يوصلوا عندي وقتها أبقى أرجعهم، يعني هعمل بيهم إيه؟

ليغلق طاهر الهاتف في وجه طه، ليجلس على الكرسي الهزاز ويشعل سيجارًا فاخرًا وهو يتحدث مع نفسه بصوت عالٍ

طاهر عنايات الغبية هي وابنها الحمار خدموني من غير ما ياخدوا بالهم، هههههه، كلهم بهايم وأنا هسوقهم بمزاجي

وهنا يدخل عليه أيوب

أيوب إيه يا بوص شكلك مبسوط

طاهر لازم أكون مبسوط عشان المغفلين جايين بكرة

أيوب يعني نويت خلاص؟

طاهر طبعًا

أيوب غبار كان بيقولي لو عايزني أخلص عليهم في مصر أنا جاهز

طاهر لأ.

طاهر ده برده كلام يا راجل؟ أمال مين اللي هيشيل البلاوي دي كلها؟

أيوب برافو عليك، دماغك دي سم

طاهر امسك الخشب يا راجل

أيوب اديني أهو مسكته

طاهر عايزك بقا تسرح الرجالة يلموا الحاجة

أيوب إحنا مجهزين طلبيات كتير

طاهر تمام أوي كده، المهم تاريخ الصلاحية لسنة قدام

أيوب حاضر

طاهر المصنعات بقا زودوا فيها البهارات أوي والألوان، خلي الناس تاكل

أيوب إحنا عملنا زي ما إنت قولت، فرمنا الأحشاء كلها حتى الريش، ولمينا الفراخ الميتة من المزارع على إننا هنعدمها، وطبعًا ظبطناها واتفرزت واتحطت في أكياس وهتتصدر

طاهر حلو أوي أوي، كده المغفلين بقا هيمضوا على الطلبيات وإحنا صاغ سليم

أيوب ده إنت الشيطان يقولك يا عمي

طاهر ماشي يا ابن أخويا، وبعدين القعدة ناشفة كده ليه؟ عايزين نطري القعدة، كلم البنات

أيوب أنا كده أحبك

طاهر طب يلا يا خفيف

باك

ليعود طاهر بالذاكرة

طاهر آه يا دنيا، كل حاجة بقت بتاعتي والكل شغال تحت أمري، برافو عليك يا طاهر، بقيت إمبراطور المصنعات في العالم العربي والمورد الوحيد للفراخ المجمدة.

ونتركه ونذهب إلى منزل زهيره، كانت زهيره تجلس مع نواشي

نواشي وهي ممسكة بمبلغ في يديها: قولتيلي كام دول؟

زهيره: دول إيجار الشهور المتأخرة والشهر الجديد كمان

نواشي: إنتي وقعتي على كنز يا ولية ولا إيه؟

زهيره: ولا كنز ولا حاجة، دي حتة صيغة كانت عندي وبعتها

نواشي: ولما إنتي كان عندك صيغة، كنتي منشفه ريقي على الفلوس ليه؟

زهيره: أصلي كنت ناسية

نواشي: فين حق إيجار العربية وبياتها؟

زهيره: حاضر

نواشي: أيوه كده، طول ما بتسدي تبقي حبيبتي، غير كده لأ

لتتركها نواشي وتذهب، لتجلس زهيره تتذكر الماضي

فلاش باك

اليوم هو موعد زيارة نجوي، فها هي زهيره قد ذهبت لزيارة ابنتها

زهيره: مالك يا بنتي؟ وشك أصفر كده ليه؟

نجوي: الحمد لله على كل حال، عملتي اللي قولتلك عليه يا أما؟

زهيره: اه يا بنتي، روحت لصاحبتك وشافتلي شقة أوضتين، الله يكرمها، وقالتلي متشيليش هم

نجوي: هي طول عمرها جدعة

زهيره: والله يا بنتي جابتلي حتتين عفش، وجابتلي بوتاجاز وأنبوبة، ربنا يراضيها

نجوي: خلي بالك من بدور يا أما

زهيره: في عيوني يا بنتي

نجوي أوعي يا أما حد يعرف مكانكم

زهيره متخافيش يا قلب أمك، ربنا يهون أيامك على خير

نجوي يا بخت مين بات مظلوم ولا باتش ظالم

زهيره أنا سيبتلك قرشين في الأمانات عشان لو احتجتي حاجة

نجوي ليه بس كده يا أما؟ ما أنا باكل وبشرب، هعوز إيه تاني؟ خليهم عشانكم

زهيره ربك مبينساش حد، وكمان صاحبتك شافتلي شغلانة فراشة في مكتب

نجوي منه لله اللي كان السبب في اللي إحنا فيه ده

زهيره مقدر ومكتوب يا بنتي

باك

لتعود زهيره بالذاكرة وهي تدعو المولى عز وجل

زهيره يارب طول في عمري لغاية ما أطمن على بدور

ونتركها ونذهب إلى جاسر، حيث كان جاسر يجلس في مكتبه ليتصل على شخص ما

جاسر ها عملت إيه؟

الشخص ويدعى تامر لسه، متقلقش، أنا مكثف كل جهدي وقريب أوي هبلغك بأخبار حلوة أوي

جاسر وأنا زي ما وعدتك، ليك عندي مكافأة كبيرة

وهنا تدخل عليه نجيه

نجيه إيه يا حبيبي، مش هتتغدى؟

جاسر حاضر يا ست الكل، هخلص المكالمة وجاي وراكي

نجيه طيب، بس على الله متجوعنيش زي كل يوم وفي الآخر تقول كلي إنتي يا ماما مليش نفس، إنت عارف إني بسببك بقالي كذا يوم مخدتش علاج القلب

جاسر يا خبر، إنتي بتقولي إيه؟ إزاي كده؟ إنتي مش خايفة على نفسك؟

وهنا تشعر نجيه باختناق

نجيه الحقني يا جاسر، مش قادرة أخد نفسي… هوا… هوا… روحي بتروح مني

جاسر أمي… أمي! إنتوا يا اللي هنا، حد يلحقني

هيب الخادم خير يا بيه؟

جاسر اتصل بالدكتور بسرعة وتعالى شيل أمي معايا، هنوديها المستشفى..

الفصل السابع 7

#سلوي_عوض

#مشوار_بدور 

بارت 7 

ليحمل جاسر نجيه ويذهب مسرعًا بها إلى المستشفى، وما أن وصل حتى أخذوها منه، ليتصل جاسر على سمير

سمير يا ابني إنت إيه زومبي مبتنامش؟

جاسر الحقني يا سمير، أمي تعبانة أوي وأنا هنا في المستشفى

سمير أنا جايلك حالًا

وبعد نصف ساعة يخرج الطبيب

جاسر طمني، أمي حالتها الصحية إيه؟

الطبيب خير إن شاء الله، مافيش حاجة، بس والدتك محتاجة قسطرة للقلب

جاسر ودي صعبة يعني؟

الطبيب لأ، سهلة جدًا، هو مجرد أنبوب بس عشان يوسع الشريان

جاسر يعني مافيش خطر عليها؟

الطبيب إطلاقًا، أهم حاجة لحالتها إن محدش يزعلها

جاسر محدش يقدر يزعلها

الطبيب طيب، إيه نبدأ؟

جاسر اه ماشي

الطبيب خلاص، حضرتك انزل الحسابات، هتودع مبلغ وإن شاء الله خير

جاسر مش مهم أي حاجة، المهم أمي، أنا ماليش غيرها

وهنا يصل سمير

سمير في إيه يا جاسر؟ طنط مالها؟

جاسر بعدين بعدين، انزل بس الحسابات حط مبلغ لأني مش قادر ألم على أعصابي

سمير استهدي بالله وقول يارب

ليبكي جاسر وهو يدعو الله

جاسر يارب أنا ماليش غيرك يارب، متحرمنيش منها يارب، مد في عمرها يارب… يارب خليهالي يارب

وتمر ساعة ليخرج الطبيب

ليهرول جاسر مسرعًا نحوه

جاسر خلاص خلصنا؟

الطبيب خلاص

جاسر وأمي؟

الطبيب مافيش حاجة، والحالة زي الفل، وكمان ممكن بعد ساعتين تروح معاك، الموضوع بسيط بس لازم تاخد علاج القلب بانتظام

جاسر حاضر تحت أمرك، طب ممكن ممرضة تيجي معاها البيت تمرضها؟

الطبيب والله الموضوع ده مع مدير المستشفى، اللي أنا أقدر أخدمك فيه أرشحلك ممرضة كفء

جاسر تمام، متشكر جدًا لحضرتك يا دكتور

الطبيب عن إذنك، وقبل الخروج همر عليها.

جاسر شكرًا يا دكتور، تعبتك معايا

لنترك جاسر ونذهب إلى الحارة، لنجد أن بدور قد ذاع صيتها في كل الحواري المجاورة، وأصبح لها زبائن يذهبون إليها، حتى طلاب المدارس كانوا أيضًا يأكلون من عندها

أحلام شوفتي بقا وشي حلو عليكي إزاي؟

بدور إنتي حبيبتي، وبعدين إحنا شركا

أحلام طب بقولك إيه، متيجي نتوسع شوية كمان؟

بدور إزاي؟

أحلام أقولك، نعمل سندوتشات بانيه

بدور إزاي يعني؟ البانيه غالي أوي والناس هنا غلابة زي حالاتنا

أحلام وإنتي فاكرة إننا هنعمل بانيه فراخ؟ لأ، ده فوق أحلامنا

بدور أمال؟

أحلام إنتي ناسية إن أبويا قبل ما يتعب كان شغال شيف سندوتشات؟

بدور اه، وبعدين؟

أحلام قولي بس إنتي اه وملكیش دعوة

بدور ماشي يا ستي، اعملي اللي يريحك

أحلام أيوه كده

بدور بتبصي حواليكي ليه؟

أحلام أصل راسي مصدعة وكنت عايزة بكار يجيبلي شاي

بدور سلامة نظرك، ما ستي أهي بتعمل أحلى شاي

أحلام ستك بتعمل شاي يعدل الدماغ، لكن أنا عايزة شاي يعدل القلب

أحلام إلا قوليلي صحيح يا بدور، إنتي ليه عمرك ما كلمتيني عن راجل لا معجبة ولا بتحبي، مع إننا متربين مع بعض؟

بدور مش عارفة، بس مش عايزة أشغل نفسي بحد.

وهنا يقترب عليهم المعلم أبوالخير

أحلام بوذ الغراب جاي أهو، يخربيتك على بيت رخامتك

أبوالخير ١٠٠ مسا يا أبلوات، عايز ١٠ شندوتشات كبدة وسجق وكتري الفلفل

أحلام فوت علينا بكرة، شطبنا

أبوالخير يعني إيه؟ أنا جعان دلوقت، آكل إيه؟

أحلام ما إنت عندك بيتين، روح كل في واحد فيهم

أبوالخير اعملي الشندوتشات أحسنلك

وهنا يراه بكار ليدخل القهوة لمعلمه

بكار الحق يا معلم، أبوالخير واقف يزعق للبنات

سند إيه يومه مش معدي، تعالى ورايا يا واد

بدور حاضر يا معلم، هعملك السندوتشات بس وطي صوتك

زهيره ميصحش يعني يا معلم تقف تزعقلنا، ولا عشان إحنا ولايا وملناش راجل؟

وهنا يقترب منهم سند

سند إزاي تقولي كده يا ست زهيره؟ رجالة الحتة كلهم ولادك وأنا أولهم، وما عاش ولا كان اللي يدوسلكم على طرف

أبوالخير كل ده عشان طلبت كام شندوتش؟ أصل الحريم لامؤاخذة خدوا العيال وراحوا يفسحوهم، أقول جعان، الأبلة أحلام مش عاجبها كلامي

سند غلطانة يا أبلة أحلام، اقعد يا أخويا ارتاح، لامؤاخذة يا أبلة بدور اعملي الشندوتشات للمعلم وحسابهم عندي، اقعد جنب الست زهيره، دي ست بركة على فكرة

ثم يذهب سند نحو أحلام

سند عايزك تعملي الواجب وزيادة

أحلام وجب يا معلم

سند خديني بقا جنبك عشان أشرب كوباية شاي من إيد الست زهيره

زهيره وإحنا نطول يا ابني

سند بقولك إيه بقا، أنا عايز الشاي اللي بتعمليه بالقرنفل، شربته كتير وقليل، محدش بيعرف يعمله زيك

زهيره يسلم ذوقك ولسانك يا معلم

أحلام السندوتشات

سند كل يا أخويا، الأكل جاه أهو

أبوالخير كترتي الشطة؟ أصل أنا بعشق الشطة، أصل الراجل اللي مياكلش شطة لامؤاخذة ميبقاش راجل

أحلام اه أمال إيه

ثم يأخذ أبوالخير الساندوتش، ومن أول قضمة يحمر وجهه وتدمع عيناه ويصرخ

أبوالخير نار نار

سند إيه؟ لما إنت مش قد الشطة بتاكلها ليه؟ ناولني أنا الأكل، أنا ليا في الشطة.

أبوالخير: إنت بتقول إيه يا جدع؟ الشطة دي لعبتي.

ليلتهم أبوالخير السندوتشات جميعها وهو في حالة يُرثى لها، وما إن انتهى من التهام الطعام حتى أصبح يشعر بتقطيع في أمعائه، ليصرخ:

أبوالخير: آه آه! الحقوني، بطني بتتقطع!

سند: ما قولنا بلاش.

أبوالخير بصراخ: هو ده وقته؟ ودّوني المستشفى الله يخربيتك.

ليذهبوا بالفعل إلى المستشفى.

سند وهو يضحك: خدوه على المطافي، عنده حريقة في بطنه.

وبعد الكشف على أبوالخير—

الطبيب لسند: المريض ده لازم يعمل البواسير حالًا.

سند: اعملهاله يا بيه.

الطبيب: تمام.

ليتصل سند بأهل الحارة جميعًا.

سند: أبوالخير هيعمل البواسير، اللي عايز يوجب معاه ييجي المستشفى. ابقوا بلغوا حريمه.

ليغلق سند الهاتف.

سند: اللهم لا شماتة… بس أنا شمتان عشان تبطل ترازي في مخاليق ربنا. راجل سوء.

وبعد ساعتين يخرج أبوالخير من العمليات وهو تحت تأثير البنج.

سند: والله شكله حلو كده… أصوره صورة للذكرى عشان أبقى أذله بيها. والله ربنا خدلك حقك يا بدور، بت غلبانة والمفتري عليها ربنا. 

أما جاسر فكان قلقًا على نجيه، ليقول وهو يجلس بجانبها وهي تحت تأثير البنج:

جاسر: ألف سلامة عليكي يا أمي، أوعي تمشي وتسيبيني، إحنا ملناش غير بعض. يارب يا أمي الشمس متطلعش من غيرك أبدًا، يارب خد من عمري واديها.

وهنا تفيق نجيه

نجيه: جاسر… ابني حبيبي

جاسر بفرحة: أمي!

نجيه: إنت بتبكي يا حبيبي؟ أنا بخير، كويسة

جاسر: بجد؟

نجيه: اه والله، وكمان عايزة أروح

جاسر: طب ثواني أشوف الدكتور وهنمشي من هنا

نجيه: طب يلا بسرعة، البيت وحشني

جاسر بفرحة: حاضر حاضر

ليذهب جاسر إلى الطبيب ليبلغه بما حدث

الطبيب: طيب زي الفل، هطمن بس عليها وبعد كده تقدروا تروحوا

وهنا يقترب سمير من جاسر

سمير: طنط أخبارها إيه؟

جاسر: إنت روحت فين؟

سمير: أبدًا، كنت في الكافيتريا بشرب قهوة

جاسر: وطفحت؟

سمير: اه

جاسر: أصلك معندكش دم، أمي بين الحياة والموت وإنت بتطفحلي قهوة

سمير: طنط نجيه ميتخافش عليها

جاسر: طب يلا روح قفل الحساب عشان نمشي

سمير: ما خلصت يا عم من بدري، هي صورة؟

وبعد أن اطمأن الطبيب على نجيه أمر لها بالخروج

جاسر: يلا يا بطة، هنروح بيتنا يا قمر

نجيه: يلا يا حبيبي

وما إن وصلوا إلى المنزل—

جاسر: يلا بقا يا سمير، منعطلكش، روح مش عايزين زحمة، خليك حِسّيس

نجيه: لاء يا جاسر، أزعل منك، سمير كده يزعل

ليضحك جاسر

جاسر: طب وهو ده عنده دم؟ ده ساقع

سمير: طب عشان طول لسانك ديه، هقعد معاكم واتغدى عندكم كمان

نجيه: تشرف وتنور يا ابني

سمير: قلبي يا طنط

جاسر: طب قوم يا أخويا ساعدني نعمل الغدا

سمير: إنت هتشغلني باللقمة اللي هاكلها؟

نجيه: متخلي الطباخ هو اللي يعمل الأكل؟

جاسر: لاء طبعًا، محدش هيعملك أكلك بعد كده غيري، وهاكل كمان معاكي من الأكل الصحي ده.

ونتركهم ونذهب إلى الحارة، حيث كان سند يقف مع بدور وأحلام

سند: اتفرجوا على أبوالخير وهو متسطح

بدور: ليه كده بس يا أحلام؟

أحلام: أحسن، يستاهل، راجل سوء

سند: هو هيخرج بكرة من المستشفى، أنا بقا موضبله حتة مفاجأة

أحلام: قشطة عليك يا معلم سند

سند: بقولك إيه يا أحلام، عايزين نفرح بيكي إنتي وبكار

أحلام: يارب يا معلم، بس زي ما إنت عارف الظروف

سند: أنا يا ستي عليا الدبل والخطوبة، وإن شاء الله كلها كام شهر وشقة تفضى عندي في البيت خدوها، وأنا هساهم معاكم في الفرش

بدور: ربنا يكرمك يا معلم، والله إنت ونِعم الناس، ياريت الناس كلها زيك

سند: حفظتي يا أبلة بدور؟ شوف البت متنحة إزاي

أحلام: طب اقرصيني كده يا بدور، أصل شكلي بحلم

بدور: لاء يا أختي، إنتي صاحية

سند: عن إذنكم، العصر وجب

ليتركهم سند ويذهب

أحلام: الراجل ده طيب أوي، ربنا يكرمه ويسعده

بدور: يارب يا عروسة

أحلام: هي ستك منزلتش النهارده ليه؟

بدور: قالت مش قادرة

أحلام: كتر خيرها برده، ربنا يخليهالك

بدور: يارب… أنا مليش غيرها.

أحلام: ويخليلي أبويا وبكاري حبيبي

بدور: ربنا يجمعكم على خير يارب

ويمر اليوم دون أي أحداث تُذكر، ويأتي اليوم التالي، والساعة الآن العاشرة صباحًا، لنجد أن الحارة مملوءة بالعمال لتركيب وصلات الغاز.

ليذهب بكار إلى بدور

بكار: صباحك كله رزق

بدور: الله يكرمك

بكار: بقولك إيه، فين البت أحلام؟

بدور: زمانها جاية

بكار: طب شدي كده واعملي خمسين شندوتش وكتري المخلل

بدور: إيه ده؟ لمين؟

بكار: للعمال بتوع الغاز، شقيانين. وخدي حسابهم أهو، وأنا هطلع أنزل ستي عشان محتاجين مشاريب، والصراحة المعلم قالي هاتلهم شاي من عند ستك زهيره

بدور: ربنا يكرمه ويراضيه يارب زي ما بيراضي الغلابة

بكار: خدي بقا المفاجأة، أنا بنفسي هقف أساعدكو

بدور: طب وشغلك؟

بكار: ما هو المعلم حاسبني على اليومية وقالي اقف معاكم

بدور: طب أنا أعمل إيه في الجمايل دي كلها؟

بكار: يا ستي ربنا يحبب فيكي خلقه

وبعد أذان الظهر كان المعلم سند قد أحضر فرقة حسب الله، ووضع فرعين نور أمام القهوة، ووقف ممسكًا بالخرطوم يرش المياه، ثم يترك الخرطوم ويستقل سيارته، وقبل أن يذهب يهمس في أذن قائد الفرقة ثم يذهب، ليعود بعد ساعة ومعه المعلم أبوالخير.

ليشير المعلم سند للفرقة أن يغنوا ويعزفوا.

ليغني أفراد الفرقة:

حمد الله على السلامة يا معلم أبوالخير يا وش الخير

أبوالخير: ألف شكر يا سند يا أخويا على الاستقبال الجميل ده

ليكمل أفراد الفرقة الغناء:

ألف سلامة على بواسيرك يا معلم

بس ابقا كل عضم مواسير

وبلاش تاكل شطة كتير

أصل كترها بيجيب البواسير.

الفصل الثامن 8