رواية اميرة اخر الزمان الفصل الثامن 8
#الحلقة_الثامنة
#رواية_أميرة_أخر_الزمان
#الكاتبة_ملك_إبراهيم
وقف فتحي ينظر على الدرج والى الشقة وتحدث بطريقة دراميه بعد ان تأكد ان لا احد يراه.
- مش خسارة الوش القمر والجسم الغزال ده ينضرب ويتبهدل كده
ارتعد جسد أميرة من حديثه الماكر واتجهت الى الداخل سريعًا وتركته على الباب.
صعد جمال الدرج بعد ان اغلق ورشته ورآى زوج شقيقته يقف على باب شقة والدته.
تحدث جمال وهو يصعد الدرج.
- وانا بقول البيت منور النهاردة ليه
توتر فتحي كثيرًا وخشي ان يكون جمال رآه وهو يتغزل بزوجته.
اقترب جمال من فتحي وتحدث معه بابتسامة.
- ازيك يا فتحي وحشني والله ، اومال اماني فين ؟
تحدث فتحي بارتباك.
- اماني جوه ، اصل انا جبتها الصبح ونزلت ولسه راجع من الشغل دلوقتي
تحدث جمال بدهشة.
- وسيبينك واقف على الباب ليه
ثم اضاف وهو يرحب به للداخل.
- تعالى ادخل
ثم دخل جمال ومعه فتحي.
كانت والدة جمال وابنتها اماني وابنتها شاهندة يجلسون معًا وحور وجنه يلعبون حولهم واتجهت أميرة الى المطبخ سريعًا بصدمة بعد ما قاله لها فتحي زوج اماني.
وقف جمال امام والدته وتحدث مع شقيقته اماني بابتسامة.
- وانا بقول البيت منور النهاردة ليه ، اتاري اماني عندنا
نظرت اليه اماني بغضب مكتوم بدون رد.
نظر جمال الى شقيقته بدهشة ثم نظر الى والدته وجدها تنظر اليه بنفس النظرة الغاضبه واعتقد ان سبب غضبهم هو ضربه لـ أميرة ليلة امس.
نظر فتحي حوله بتوتر خوفًا من ان تفضحه أميرة وتقول امامهم ما قاله لها وشعر بالقلق قليلاً واراد الهروب ، ثم نظر الى زوجته قائلاً لها بتوتر.
- مش يلا يا اماني ولا ايه ، اصل انا راجع من الشغل تعبان ومحتاج ارتاح شويه
تحدثت حماته بهدوء.
- يلا على فين يا فتحي يا ابني ، مش احنا متفقين هتتعشو معانا
تحدث فتحي بتوتر.
- معلش يا حماتي خليها مرة تانية اصلي راجع تعبان اوي النهاردة
تحدثت حماته باصرار.
- وده ميصحش يا بني ، تبقى مراتك عندنا طول النهار وتمشو من غير ما تكلو لقمه
ثم اضافة باقتراح.
- بصو انتوا تتعشو معانا وتناموا هنا النهاردة ، شاهندة تنام معايا في اوضتي وانت ومراتك تناموا في اوضتها
ثم اضافة وهي تسأل ابنتها.
- ايه رأيك يا اماني ؟
تحدثت اماني وهي تنظر بغضب الى شقيقها.
- اللي تشوفيه يا امي ، ما ده بيتك وانتي اللي كلمتك تمشي فيه على الكل
شعر جمال ان شقيقته تقصده بالحديث ثم تحدث اليها ببرود.
- طبعًا يا اماني ، امي دي ست الكل هنا
نظرت اليه والدته بغضب مكتوم ثم تحدثت الى زوج ابنتها.
- قولت ايه يا فتحي ؟
نظر اليهم فتحي بتوتر قائلاً.
- انا بقول نروح احسن لاني مش هرتاح الا في بيتي
تحدثت حماته بلوم.
- اخس عليك يا فتحي وهو ده مش بيتك برضه
نظرت اماني الى زوجها وتحدثت برجاء.
- خلاص بقى يا فتحي متزعلش امي
نظر اليهم بتردد ثم حرك رأسه بالايجاب.
تحدثت والدة جمال بصوت مرتفع كي يصل الى أميرة بداخل المطبخ.
- جهزي العشا يلا يا أميرة
ثم نظرت الى ابنها وتحدثت معه بسخرية.
- هتتعشى معانا ولا مع الهانم مراتك فوق
توتر جمال من طريقة والدته الساخرة وتحدث بتوتر.
- لا يا امي هطلع اتعشى فوق مع مروة، اصلها تعبانه اوي ومش قادرة تقف على رجليها من الصبح وانا قولتلها بلاش تنزلك النهاردة وتفضل في الشقة وطلبت اكل جاهز عشان مش هتقدر تعمل اكل
نظرت اليه والدته بصدمة، عوجت اماني فمها بسخرية قائلة.
- واضح فعلاً انها تعبانه اوي ومش قادرة تقف على رجليها ، الله يكون في عونها
تحدثت والدته بغضب.
- عشنا وشوفنا وانت من امتى بتطلب اكل من برا جاهز ، ما تخليها يا اخويا تعيش عيشة اهلها
تحدث جمال بتوتر.
- مفيهاش حاجة يعني يا امي لما تبقى تعبانه وانا اعذرها
ثم وقف وهو يضيف.
- هطلع انا بقى عشان اطمن عليها
ثم تركهم وخرج من الشقة وصعد الى شقته بالاعلى.
وقفت أميرة تستند على باب المطبخ بعد ان استمعت الى حديث زوجها عن مروة وانسالت دموعها بصمت بعد ان علمت مكانتها عند زوجها الذي لم يفكر في الاطمئنان عليها او جبر خاطرها ولو بكلمة واحدة بعد ما فعله بها بالامس ، وعلمت مكانة مروة الكبيرة عنده ، وشعرت باصعب احساس ممكن ان تشعر به المرأة ، عندما تشعر انها لا تعني اي شئ بحياة زوجها.
دخلت اماني المطبخ وتفاجأت بأميرة وهي تبكي بحزن وقهرة وعلمت ان أميرة استمعت الى حديث جمال عن زوجته مروة ، واقتربت اماني من أميرة ونظرت اليها أميرة وعندما رآت نظرات الشفقة بعين اماني ، انهارت أميرة في البكاء رغمًا عنها.
عانقتها اماني وتحدثت معها بحزن.
- متزعليش يا أميرة ، طب والله الضافر اللي انتي بتطيريه برقبة الف واحدة زي العقربة اللي اسمها مروة دي ، بس اخويا اللي غبي وبرياله ومبيفهمش
تحدثت أميرة بشهقات البكاء.
- انا اللي غبيه عشان استحملت وصبرت على اخوكي ورضيت اني افضل على ذمته بعد ما اتجوز عليا
ثم ازداد انهيارها اكثر وهي تتحدث بكسرة.
- بس مكنش قدامي حاجة تانية غير اني اقبل بالامر الواقع ، عشان انا مليش مكان اروح ليه ولا ليا حد يقف لاخوكي ويجبلي حقي منه
بدأت دموع اماني في التساقط هي الاخرى ، ثم تحدثت الى أميرة في محاولة لتهداتها.
- طب معلش يا حبيبتي وحاولي تهدي عشان خاطري
ثم اضافة بتأكيد.
- تعالي ادخلي على اوضتك ارتاحي عشان محدش يشوفك بالشكل ده وانا هجبلك البنات الاوضه وهجبلك اكلك واكلهم
ثم اخذته ووصلتها الى غرفتها واغلقت الباب عليها واتجهت هي الى المطبخ لتقوم بتجهز الطعام.
________________
في شقة جمال بالاعلى.
بعد ان صعد جمال الى شقته وجد مروة تردي له ثوب للنوم قصير وتضع مساحق التجميل فوق وجهها بكثرة واقتربت منه تتحدث اليه بدلال.
- وحشتني اوي يا حبيبي
نظر اليها من الاسفل الى الاعلى بلهفة قائلاً.
- دا انتي الا وحشتيني اوي يا حبيبتي
تحدثت مروة بدلال.
- بس انا زعلانه منك على فكرة ، طريقتك في الكلام معايا الصبح كانت وحشه اوي
تحدث جمال بلهفة.
- معلش يا حبيبتي
ثم اقترب منها بلهفة ليقبلها ، ابتعدت عنه بدلع قائلة.
- استنى مش دلوقتي انا جعانة ، اومال فين الاكل ، انا قاعده في الشقة اهو من الصبح زي ما انت قولتلي ومنزلتش تحت خالص وقاعدة من غير اكل ولا شرب وبكلم الحيطان طول النهار
تحدث جمال بهلفة.
- الاكل على وصول يا حبيبتي واحسن ان انتي منزلتيش النهاردة ، عشان اماني اختي شكلها هنا من الصبح وكانوا هيتعبوكي تحت وانا عايزك فيقالي انا وبس
ضحكت مروة بطريقة خليعه وتحدثت معه بمكر.
- انا دايمًا فيقالك يا حبيبي متقلقش
رواية أميرة آخر الزمان بقلمي ملك إبراهيم
بالاسفل بشقة حماة أميرة بعد انتهائهم من تناول وجبة العشاء ، اتجه كلاً منهم الى غرفته للنوم.
جلس فتحي على الفراش بقلق، يخشى ان تكون أميرة اخبرت أماني بشئ اثناء تواجدهم بالمطبخ معًا ، تحدث بهدوء كي يختبر زوجته ويعلم منها بطريقة غير مباشرة هل اخبرتها أميرة بمغازلته لها ام لا.
فتحي: اومال أميرة مالها ، مشوفتهاش يعني من وقت ما جيت ؟
جلست اماني بجواره وهي تتحدث بحزن.
- أميرة الله يكون في عونها ، مفيش ست تستحمل تشوف جوزها متجوز عليها ، لا وكمان معاها في نفس البيت وياريته متجوز اي واحده ، دا متجوز صحبتها وكمان طلعت عقربه، طب والله أميرة برقابتها بس اخويا اللي مبيفهمش
تحدث فتحي بسخرية.
- ومقولتيش ليه الكلام ده لاخوكي قبل ما يتجوز على مراته ؟
تحدثت اماني بحزن.
- مهما كنت هقول مكنش هسيمع ، لا هو ولا امي ، امي نفسها تشوف ولد لجمال ويسميه على اسم ابويا الله يرحمه
ابتسم فتحي بسخريه وتحدث بقسوة.
- ومين مش في نفسه يجبله حتة عيل يشيل اسمه
ثم نظر اليها بطريقة علمت من خلالها انه يقصدها ، لمعت الدموع بعينيها وهي تقول بكسره.
- مهو الخلفه دي بإيد ربنا وحده وهو اللي بيرزق
تحدث فتحي بسخرية.
- والله المفروض كنتي تقولي الكلمتين دول لأخوكي
خفضت اماني وجهها بحزن ليضيف زوجها بفضول.
- بس شكل جمال اخوكي جاي على أميرة مراته اوي هي وبناتها
تحدثت اماني بحزن.
- ربنا يهديه ، دا كاسر بخاطرها وحالتها صعبه اوي
همس فتحي الى نفسه.
- دا انا اللي حالتي صعبه اووي
ثم تحدث بمكر مع زوجته وهو يدعي انه يريد النوم.
- يلا ننام احنا وهما حرين مع بعض
ثم تمدد فوق الفراش واخفى وجهه بالغطاء وهو يفكر بمكر كيف يتقرب من أميرة.
بعد دقائق قليلة ادعى النوم امام زوجته حتى اطمئن انها ذهبت في نومًا عميق ، رفع وجهه من تحت الغطاء بعد ان استمع الى صوت انفاسها الهادئه المنتظمة ثم جلس بجوارها على الفراش وهو يفكر في أميرة ويصور له شيطانه انها الان في اشد لحظات ضعفها وتحتاج الى رجل بجانبها يعوضها عن ما يفعله بها زوجها ويعطيها كل ما حُرمت منه بعد ان تركها زوجها وحيده بائسة بمفردها.
بعد حوالي ساعتين..
حاول كثيرًا ان يقاوم رغبته في الذهاب الى غرفة اميرة لكنه استسلم اخيرًا الى شيطانه، وقف من فوق الفراش بهدوء وهو ينظر الى زوجته النائمة بعمق ، خرج من الغرفة واغلق الباب عليها بهدوء، وقف عدة لحظات يراقب غرفة حماته حتى تأكد من الهدوء التام ان الجميع ذهبوا في نومًا عميق ، اتجه الى غرفة أميرة ووقف امام الغرفة عدة لحظات يراقب غرف الجميع ثم فتح الباب بهدوء ودخل الغرفة سريعًا واغلق الباب خلفه.
استيقظت أميرة على صوت اغلاق الباب، جلست فوق الفراش بفزع تنظر اليه بهلع وهي تضع الغطاء فوق جسدها ثم تحدثت اليه بخوف.
- انت جاي تعمل ايه هنا ؟، لو مخرجتش حالا هصوت وهلم عليك البيت كله
اقترب منها وهو يشير بيده ان تخفض صوتها ثم تحدث اليها بلهفة.
- يعني انا الحق عليا اني عايز اعوضك عن اللي بيعمله فيكي الزفت اللي اسمه جمال ده
تحدثت اليه أميرة بغضب.
- جمال ده يبقى جوزي وابو بناتي ولاخر مرة بقولك لو مخرجتش انا هصوت والم عليك البيت والشارع وهقول لجمال على اللي انت بتعمله ده
تحدث فتحي بوقاحه.
- ولازمتها ايه يا حلوه الفضيحه ، دا انا جاي ابسطك
صرخة أميرة بعلو صوتها.
- يالهووووي الحقوني يا نااااااس
نظر اليها بفزع ثم ركض سريعًا من الغرفة قبل ان يراه احد بداخل غرفتها.
استيقظت حور على صراخ والدتها ورأت زوج عمتها وهو يركض من الغرفة.
خرجت حماة أميرة وابنتها شاهندة من الغرفة وادعى فتحي انه خرج من غرفته هو الاخر الان ثم تحدث الى حماته وهو يدعي الدهشة.
- هو ايه اللي حصل ؟، مين اللي بتصوت دي ؟
خرجت زوجته من الغرفة وهي تعتقد انه كان نائم بجوارها وتحدثت اليهم بفزع.
- هي أميرة اللي كانت بتصرخ دي ؟
تحدثت والدتها بالايجاب وهي تتجه الى غرفة أميرة قائلة لهم.
- اه شكلها هي ، ربنا يستر لتكون البت جنه جرالها حاجة
ثم ركضت الى الغرفة وخلفها بناتها.
وقف فتحي بقلق، يشعر بالخوف الشديد من ان تفضحه أميرة وتخبرهم بما فعله معها.
دخلت حماة أميرة عليها الغرفة وهي تتحدث اليها بقلق.
- ايه يا أميرة ، ايه اللي حصل ، البت جنه جرالها حاجة ؟
تحدثت أميرة وهي تبكي وتضم بناتها الى حضنها.
- الحمدلله جنه كويسه يا ماما
اقتربت منها اماني وربتت على ظهرها قائلة بحنان.
- اومال ايه اللي حصل يا أميرة يا حبيبني وبتصرخي ليه ؟!
نظرت اليها أميرة بتفكير، حاولت التحدث واخبارهم بما فعله فتحي ، ثم تراجعت بعد ان تأملت أماني بتفكير وعلمت انها اذا قالت شئ كهذا سوف تجرح اماني كثيرًا ويمكن ان يحدث بينها وبين زوجها مشكلة كبيرة تؤدي الى الطلاق ، لذا تراجعت وتحدثت بحزن.
- انا اسفه قلقتكم غصب عني بس جنه كانت تعبت فجأة وانا خوفت عليها
تحدثت شاهندة بسخرية.
- خافي على بنتك برحتك ، بس بلاش الدوشة وشغل الجنان اللي انتي عملهولنا ده
تحدثت حماة اميرة الى ابنتها بغضب.
- طب ياختي ارجعي انتي نامي وخليكي في حالك
نظرت شاهندة إلى اميرة بغضب ثم خرجت من الغرفة وتركتهم، ربتت اماني على ظهر اميرة قائلة لها بهدوء.
ـ معلش يا اميرة الحمدلله ان جنه كويسه ربنا يشفيها يارب
نظرت اليها اميرة بحزن، حركت رأسها بالايجاب قائلة بصوت ضعيف.
ـ الحمدلله على كل حال
نظرت اليها حماتها بتفكير، تشعر ان هناك سبب اخر لصراخ اميرة لكنها لا تريد ان تخبرهم به، تنهدت بتعب ثم تحدثت الي ابنتها بهدوء.
ـ يلا يا اماني نرجع ننام احنا
خرجت حماة اميرة من الغرفة وخرجت ابنتها اماني خلفها واغلقوا الباب علي اميرة.
بكت اميرة بخوف وهي تضم بناتها اليها لكي تشعر بالامان، تخشى ان تغمض عينيها مرة أخرى.
_________
في صباح اليوم التالي..
لم تغمض أميرة عينيها لحظة واحده، تجلس فوق الفراش تضم طفلتيها بخوف،، لم تعد ان تشعر بالامان في هذا المنزل بعد ما اراد فعله فتحي بها بالامس..
استيقظت اماني وخرجت من الغرفه لتجد والدتها تجلس في منتصف الشقه ولم تعود إلى غرفتها بعد ما حدث امس.. جلست اماني تتحدث الي والدتها بفضول.
- أميره صحت يا امي؟
نظرت اليها والدتها بحزن ثم تنهدت بتعب قائلة لها.
- معرفش يا بنتي انا قاعده مكاني كده من ساعة صراخها امبارح، مش جايلي نوم
تنهدت اماني بحزن هي الاخره ثم تحدثت الي والدتها بحزن قائلة لها.
- والله يا امي أميرة صعبانه عليا اوي وميرضيش ربنا اللي جمال اخويا بيعمله فيها ده
نظرت اليها والدتها بحزن ثم تنهدت بغضب قائلة لها.
- جمال مبقاش جمال ابني اللي انا ربيته علي ايدي من يوم ما اتجوز الحربايه اللي فوق دي
اشتعلت النيران بقلب أماني عندما ذكرت والدتها مروة.. تحدثت اماني بغيظ قائلة لوالدتها.
- والله يا امي انا بقيت حاسه ان مروة دي عقاب اخويا جمال على كل اللي عمله في أميرة وهي متستهلش ده
حركت والدتها رأسها بالايجاب تفكر في حديث ابنتها.. استيقظت شاهنده واقتربت من والدتها وشقيقتها قائلة لهم بمرح.
- ايه بتنمو على مين ع الصبح؟
نظرت اليها والدتها وجدتها ترتدي بچامه شبه عاريه من منطقة الصدر.. صرخت بها والدتها قائلة لها بغضب.
- ايه القرف اللي انتي لبساه دا يا مقصوفت الرقبه انتي؟!
نظرت شاهنده الي ثيابها ثم نظرت الي والدتها قائلة لها ببرود.
- في ايه يا امي، ايه الغريب في لبسي يعني؟!
نظرت اليها شقيقتها اماني قائلة لها بهدوء.
ـ عيب يا شاهنده يا حبيبتي اللي انتي لبساه ده، ميصحش بنت في سنك تلبس كده والشقه هنا مفتوحه داخل طالع منها ناس، الحاجات دي تتلبس في شقتك لما تتجوزي ان شاء الله
جلست شاهنده معهم ونظرت الي والدتها بغيظ قائلة لهم بغضب.
- ما الست امي مش مركزه مع حد غير الاستاذ جمال ومرتاته الاتنين وانا سيباني لحد ما نلاقي فريد داخل علينا بواحده في ايديه وبيقولنا انها مراته
نظرت اماني الي والدتها وتحدثت اليها بهدوء.
- هو انتوا لسه بتتكلموا في موضوع فريد ده يا امي؟
نظرت والدتها الي ابنتها شاهنده بغضب، لم يعجبها ما تفعله ابنتها وتعلم ان امر زواجها من فريد ابن شقيقتها امر شبه مستحيل لكنها تسعي وتفعل كل ما بوسعها كي تقع بيه ويتزوج من ابنتها.. تحدثت والدتهم بثقه.
- فريد مش هيتجوز غير شاهندة وانا مكلمه خالتكم الصبح وقالتلي انها اتكلمت مع فريد وهو وافق
قفذت شاهندة من فوق المقعد بحماس واقتربت من والدتها وقبلت خدها وهي تهتف بحماس.
- حبيبتي يا ام جمال يا عسل انتي واخيرااااا هتجوز وابقي عروسه
ابتسمت شقيقتها على حماسها الزائد قائلة لها بهدوء.
ـ اهدي شويه يا شاهنده، مفيش داعي لكل ده
تجاهلت شاهنده حديث شقيقتها وتحدثت الي والدتها بحماس قائلة لها.
- وهيجو يخطبوني امتى بقى يا ست الكل؟
نظرت اليها شقيقتها بدهشه من جرائتها الشديده وتحدثت اليها بغضب قائلة لها.
ـ عيب اللي انتي بتعمليه ده يا شاهنده ، اهدي شويه مش كده... بقلمي ملك إبراهيم.
... يتبع
منتظرة رأيكم وتوقعاتكم في التعليقات مع اجمد تفاعل عشان تشجعوني اكمل❤️🌹🌹
#الحلقة_التاسعة
#رواية_أميرة_أخر_الزمان
#الكاتبة_ملك_إبراهيم
وهيجو يخطبوني امتى بقى يا ست الكل؟
نظرت اليها شقيقتها بدهشه من جرائتها الشديده وتحدثت اليها بغضب قائلة لها.
ـ عيب اللي انتي بتعمليه ده يا شاهنده ، اهدي شويه مش كده
نظرت اليهم والدتهم وتحدثت الي شاهنده بهدوء.
- هكلم خالتك النهاردة يا شاهنده وهحدد معاها ميعاد يجو فيه بتكلموا ونجيب الشبكه
قفذت شاهنده من الفرحه قائلة لهم.
- كده بقى اروح الدرس وانا مرتاحه، يلاا باي
ركضت الي خارج الشقه بحماس، نظرت اماني الي والدتها وتحدث معها بغضب قائلة لها.
ـ مينفعش اللي انتي بتعمليه ده يا امي وعلي فكره بقى فريد مش عايز يتجوز شاهنده ومبيفكرش فيها اساسا ولو اتجوزها جوازتهم دي مش هتكمل كتير
نظرت اليها والدتها بقلق ثم تحدثت برفض قائلة لها.
ـ متبشريش في وشي وان شاء الله الجوازه هتكمل وشاهنده تربطه بعيل ولا اتنين اول ما يتجوزوا، ماهو ميربطش الراجل الا العيال
نظرت اماني الي والدتها بحزن، لم تعلم والدتها انها قامت بالضغط على جرحها بمنتهى القسوة..
رن جرس الباب، استيقظ فتحي زوج اماني وخرج من الغرفه أثناء رن الجرس.. وقفت اماني لتفتح الباب اوقفها فتحي وذهب هو لفتح الباب، وقفت راندا تنظر اليه بدهشة ثم تحدثت بهدوء.
- صباح الخير، مش ده بيت أميرة؟
نظر اليها من الأعلى الي الاسفل بوقاحه قائلاً لها.
ـ لا دا بيت حماة أميرة، آومرني يا قمر
نظرت اليه راندا بعدم راحه، وقفت اماني لترى من بالباب، اقتربت من زوجها ورأت راندا، تحدثت اليها بفضول.
ـ نعم حضرتك عايزه مين؟
نظرت اليها راندا بتوتر قائلة لها.
ـ أميرة هنا؟
ردت أماني بالايجاب قائلة لها.
- ايوه يا حبيبتي اتفضلي
وقف فتحي ينظر اليها بوقاحه، ابتعد قليلاً عن الباب لتدخل راندا وهي تشعر بالاشمئزاز من نظراته الواقحه، اصطحبتها اماني الي الداخل، رحبت بها ودعتها للجلوس واخبرتها انها سوف تخبر أميرة انها تنتظرها، جلست أماني بجوار حماة أميرة، نظرت اليها حماة أميرة ثم تحدثت بفضول قائلة لها.
- انا اول مره اشوفك يا بنتي، انتي تعرفي أميرة منين؟!
نظرت اليها راندا بغضب مكتوم، تعلم انها حماة أميرة، ثم نظرت بشمئزاز الي فتحي الذي يقف يتأملها بوقاحه وهمست الي نفسها بحزن كيف لـ أميرة العيش وسط هؤلاء، نظرت اليها حماة أميرة بفضول تنتطر ردها، اعتدلت راندا في جلستها قائلة بهدوء.
ـ انا صحبة أميرة من زمان وبنشتغل مع بعض
حركت حماة أميرة رأسها بالايجاب قائلة.
ـ اااه هو انتي اللي شافت شغل لـ أميرة؟
نظرت راندا حولها بعدم راحة قائلة بهدوء.
ـ ايوه انا
خرجت أماني من غرفة أميرة بعد ان اخبرتها بوجود صديقتها، خرجت أميرة من غرفتها، رأت فتحي يقف وهو ينظر اليها بمكر، ارتعد جسدها من الخوف، اقتربت من راندا تسلم عليها ولا تشعر بنفسها الا وهي ترتمي بحضن صديقتها وتبكي، تقطع قلب راندا من اجلها، ربتت على ظهر أميرة بحنان محاولة تهدأتها، تحدثت اليها أميرة بيكاء وطلبت منها ان تأتي معها الي الغرفه كي يستطيعون التحدث على راحه، ذهبت معها راندا إلى الغرفه، جلست اماني بجوار والدتها بحزن قائلة.
ـ أميرة صعبانه عليا اوي
نظر اليها زوجها فتحي بتوتر، بخشى ان تخبر أميرة صديقتها بما حدث وربما تخبر اماني أيضا، فكر في الايقاع بين أميرة واماني حتي لا تصدق اماني اذا اخبرتها أميرة بشئ، جلس بجوار زوجته قائلاً لها ببرود.
- ميصعبش عليكي غالي، البت أميرة دي شكلها مش سهله على فكره وحلال فيها اللي جمال بيعمله فيها
نظرت اليه زوجته بصدمة قائلة باعتراض علي حديثه.
ـ حرام عليك يا فتحي دي أميرة مفيش اطيب منها
نظر اليها فتحي بسخرية قائلاً لها.
ـ طيبه والنبي انتي اللي طيبه وهبله
نظرت اليه حماته بغموض تحاول فهم ما يدور برأسه، لاحظ فتحي نظرات حماته اليه، توتر قليلا ثم وقف قائلاً لها.
ـ احنا هنقوم بقى عشان نرجع شقتنا، مش محتاجه اي حاجه يا حماتي
تحدثت حماته وهي تنظر اليه بغموض.
ـ عايزاك سالم يا نن عين حماتك
وقفت اماني وسلمت على والدتها كي تذهب مع زوجها
بداخل غرفة أميرة.
جلست راندا امام أميرة فوق الفراش، تحدثت أميرة الي طفلتيها وطلبت منهم الخروج من الغرفه للعب بالخارج أمام جدتهم.
نظرت راندا الي أميرة وحدثت اليها بحزن قائلة لها.
ـ مالك يا أميرة ايه اللي حصل وليه مجتيش الشغل؟
بكت أميرة واخبرتها بكل ما حدث معها واخبرتها بما اراد فعله فتحي معها ثم اضافة وهي تبكي.
ـ انا بقيت خايفه اوي هنا يا راندا، خايفه انام وخايفه اتحرك من مكاني، انا حاسه اني بقيت كرهه النفس اللي بتنفسه هنا
نظرت اليها راندا بحزن، تحدثت اليها بهدوء.
ـ بصراحه انتي معاكي حق في كل كلمه يا أميرة، دا انا مش مستحمله اقعد هنا دقيقتين الله يكون في عونك
بكت أميرة وهي تتحدث بخوف.
ـ انا مش عارفه اعمل ايه يا راندا واروح فين، لو مشيت من هنا انا والبنات هتبهدل بيهم وجوز امي راجل ميعرفش ربنا وانا اخاف على بناتي منه وكمان جمال منعني من الشغل يعني كده مش هعرف اجيب فلوس لعملية جنه ولو جرالها حاجه انا هموت قبلها
حركت راندا رأسها بحزن لا تعلم كيف تساعدها، بكت من الحزن عليها قائلة لها.
ـ ان شاء الله كل ده هيعدي يا أميرة وجنه هتعمل العمليه وهتخف وربنا هيعوضك عن كل اللي انتي عايشه فيه دلوقتي
نظرت أميرة الي السماء وهي تبكي تنادي ربها ان يخرجها من هذا الضيق، ربتت راندا على يديها ثم تحدثت اليها بحزن قائلة لها.
ـ يعني انتي كده مش هتيجي معايا تاني؟
حركت أميرة رأسها بـ لا وهي تبكي قائلة لها.
ـ لحد دلوقتي لا بس انا هتكلم مع حماتي تاني واخليها تحاول تقنع جمال وربنا يهديه ويوافق
حركت راندا رأسها بالايجاب ثم فتحت حقيبتها واخرجت منها مبلغ قليل من المال واعطته لـ أميرة في يدها قائلة لها.
ـ طب خدي الفلوس دي خليها معاكي
رفضت أميرة اخذ الاموال ووضعتها مرة أخرى بيد راندا، لم تأخذهم راندا وتحدثت اليها برفض قائلة لها.
ـ والله الفلوس دي مش هترجع يا أميرة وخليهم معاكي عشان لو واحده من البنات احتاجت حاجه يبقى معاكي فلوس
تحدثت أميرة بالرفض قائلة لها.
ـ انا معايا راندا والله متقلقيش
وقفت راندا ورفضت اخذ الاموال مرة أخرى قائلة لها.
ـ لو مخدتيش الفلوس يبقي تحرم عليا صحبتك يا أميرة ارتاحتي كده
عانقتها أميرة وهي تبكي قائلة لها.
ـ ياريت كل الصحاب يبقوا زيك يا راندا ربنا يباركلك في ابنك يارب
ابتسمت لها راندا قائلة لها بحنان.
ـ ويباركلك في بناتك ويشفي جنه يارب
ثم اضافة وهي ترتدي حقيبتها قائلة لـ أميرة.
ـ انا همشي بقى عشان متأخرش وانتي خلي بالك من نفسك ومن البنات ولو احتاجتي اي حاجه كلميني
حركت أميرة رأسها بالايجاب واصطحبتها الي خارج الغرفة، القت راندا التحيه على حماة أميرة وذهبت، نظرت حماة أميرة اليها بعد ذهاب صديقتها، تحدثت اليها بهدوء قائلة لها.
ـ تعالي اقعدي يا أميرة عايزاكي
نظرت اليها أميرة ثم نظرت حولها بتوتر تبحث عن أماني وزوجها، ثم نظرت مرة أخرى الي حماتها وتحدثت اليها بتوتر قائلة لها.
ـ هي.. هي اماني روحت؟
نظرت اليها حماتها بغموض قائلة لها.
ـ ايوه روحت هي وجوزها
تنفست أميرة براحه بعد ان اخبرتها حماتها بذهاب ذاك الحقير فتحي، نظرت اليها حماتها بتفكير ثم اضافة بفضول قائلة لها.
ـ لسه برضه مش عايزه تقوليلي صوتي ليه امبارح وايه اللي حصل؟
نظرت اليها أميرة بخوف، تفكر في مايحدث اذا اخبرتها بما اراد فعله زوج ابنتها، تخشى ان ينكر فتحي وهي تسوء سمعتها، قررت عدم اخبار احد بما حدث واجابة حماتها بارتباك.
ـ ممحصلش حاجه يا ماما
نظرت اليها حماتها بغموض، حاولت أميرة تغير الحوار ثم تحدثت بهدوء.
ـ راندا جت سألتني هعمل ايه في موضوع الشغل وانا قولتلها تستنى عليا كام يوم كده لحد ما تقنعي جمال اني اروح الشغل تاني
تنفست حماتها بتعب ثم تحدثت بهدوء .
ـ طيب يا اميرة انا هحاول اتكلم مع جمال تاني في الموضوع ده بس لو رفض يبقى تبطلي زن على موضوع الشغل ده وربنا ان شاء الله يشفي بنتك من غير عمليات ولا وجع دماغ
نظرت اليها أميرة بقلة حيله، اضافة حماتها بصرامه.
ـ قومي انتي يلا نضفي الشقه وجهزي الاكل
حركت أميرة رأسها بالايجاب ووقفت كي تفعل ما طلبته منها حماتها.
جلست حماتها تنظر امامها بتفكير ثم تذكرت ابنتها شاهندا واخذت هاتفها واتصلت على شقيقتها لتحدد معها موعد قرأت الفاتحه وتقديم الشبكه.
رواية أميرة آخر الزمان بقلمي ملك إبراهيم
في المساء بالاسكندريه.
يقف فريد ينظر إلى البحر وهو يستمع الي صوت تخبط الموج بالصخور، رائحة البحر تجعله يتذكر تلك الايام الجميلة التي كانت تجمعه مع الفتاة الوحيدة التي حبها اثناء دراستهم معا بنفس الجامعه، يتذكر عشقه لها الذي انتهى بالوجع والخيانه، يتذكر عندما اخبره احد اصدقائه انها على علاقة بدكتور بالجامعه، رفض تصديق ما يقوله الجميع، ثقته بها كانت اقوى من اي حديث، ظل مخدوع بعشقها حتى اخبرته يوما انها لا تريد ان تكمل بهذه العلاقه واخبرته انها تريد الزواج من رجل يحقق لها احلامها وليس من شاب تبدأ معه من نقطة الصفر.
ابتسم بسخريه عندما تذكر حديثه اليوم في الصباح مع احد اصدقائه بالمحكمه والذي اخبره عن انفصالها عن زوجها وآكد على ان سبب الانفصال هو عدم قدرة زوجها على الانجاب، همس الي نفسه براحه يشكر الله على انها لم تكن من نصيبه، فهي انانيه لا تفكر باحد غير نفسها.
رن هاتفه برقم والدته تطمئن عليه وتخبره بضرورة العودة الي المنزل كي تخبره بشئ ضروري، يعلم ان والدته سوف تتحدث معه بأمر زواجه من ابنة خالته، نظر الي البحر وهو يفكر في الزواج من شاهندا، قلبه الان فارغ ولم يريد ان يفتح قلبه مرة أخرى للحب، زواجه من شاهندا سوف يصبح زواج تقليدي كي يرتاح من زن والدته وكي يستقر بحياته العائليه ويتفرغ تمام الي حياته العمليه.
عاد فريد الي منزله استقبلته والدته بسعاده تخبره ان خالته تنتظرهم في نهاية الاسبوع القادم لقراءت الفاتحه وشراء الشبكه، حرك فريد رأسه بالايجاب واستسلم لكل شئ يحدث حوله كي يرتاح من ضغط الجميع ويتفرغ الي عمله.
بعد اسبوع في منزل حماة أميرة.
دخل جمال شقة والدته وهو يقفذ من الفرحه، اقترب من والدته وهي جالسه تشاهد التلفاز وتجلس شقيقته شاهندا بجوارها وتجلس أميرة بجوارهم تصفف شعر بناتها.. وقف جمال امام والدته وتحدث اليها بسعاده كبيرة قائلاً لها.
ـ باركيلي يا امي مروة حاااااامل
نظرت اليه أميرة بصدمة، سقطت فرشة الشعر من يدها، تشعر بألم شديد يخترق قلبها.
ابتسمت حماتها بسعاده ثم وقفت تعانق ابنها قائلة له.
ـ الف مبروك يا حبيبي ربنا يكملها على خير يا رب وتجبلنا ولي العهد
امتلأت عين أميرة بالدموع، تحدثت شاهندا بلا مبالاة مع شقيقها قائلة له.
ـ ربنا يستر بس ومتطلعش خلفتها كلها بنات هي كمان
ثم نظرت الي أميرة بسخرية وهي تضيف.
ـ ولو طلعت خلفتها بنات هي كمان اهي تنزل في اوضتي لما انا اتجوز وتيجي واحده غيرها تجيبلنا الواد
دخلت مروة الشقه في هذه الاثناء واستمعت إلى حديث شاهندا، وقفت امامها وردت عليها بغضب قائلة لها.
ـ وانتي فاكره انك هتكملي في الجواز!
ثم ضحكت مروة ضحكه رنانه استفزت بها شاهندا، ثم وضعت يديها على بطنها قائلة بدلع.
ـ انا تعبانه اوي يا جمال
خفضت أميرة رأسها بقهرة، تريد ان تركض الي غرفتها لكنها تحاول ان تظهر عدم المبالاة بما يحدث.
نظرت شاهندا الي مروة بغضب، وقفت من مكانها وتحدثت الي مروة بعنف.
ـ بقى انا مش هكمل في الجواز، صحيح هنتظر ايه من واحده خطفت جوز صحبتها وواقفه ببجاحه تدلع قدامنا
ثم نظرت الي شقيقها وقالت له.
ـ دا انت لسه مشوفتش حاجه يا جمال، انت بعت الغالي واشتريت الرخيص
غضبت مروة من حديث شاهندا قائلة لها بغضب.
ـ مين دي اللي رخيصه
ثم نظرت الي زوجها وتحدثت اليه بصراخ قائلة له.
ـ انت هتسيب حتة عيله زي دي تشتمني وانت واقف تتفرج كده ، طب والله يا جمال لو معلمتهاش الادب دلوقتي قدامي لاهكون رايحه على بيت اهلي وابنك اللي في بطني ده ابقى قابلني لو عرفت تشوف منه شعره
انفعل جمال من أجل مروة واقترب من شقيقته كي يضربها كما امرته زوجته، وقفت أميرة بصدمة تضم بناتها اليها ووقفت والدة جمال تحاول ابعاده عن ابنتها، ارتفع صوتهم بالصراخ، دفع جمال والدته على المقعد كي يتمكن من ضرب شقيقته، صفع شاهندا بقوة على خدها ثم جذبها من شعرها قائلاً لها بتهديد.
ـ لو سمعتك تاني بتتكلمي مع مروة بالطريقه دي انا اللي هربيكي من الاول وجديد
وقفت والدته مرة أخرى تبعده عن ابنتها، وقفت مروة تنظر إلى شاهندا بشماته ثم نظرت إلى أميرة بتحدي تخبرها بنظراتها ان بأمكانها الان طردها هي وبناتها خارج المنزل.. استغلت انشغال جمال مع والدته وشقيقته واقتربت من أميرة وتحدثت اليها بغرور قائلة لها.
ـ ايه مفيش مبروك لصاحبة عمرك
نظرت اليها أميرة بصدمه لا تصدق ان هذه هي مروة صديقتها، تحدثت اليها أميره بزهول قائلة لها.
ـ اتغيرتي اوي يا مروة
ابتسمت مروة بفخر قائلة لها وهي تضع يديها فوق بطنها تتحس حملها.
ـ يعني الحق عليا اني اتجوزت جوزك عشان افرحه واجيب لبناتك الواد اللي هيكون ضهر وسند ليهم
نظرت اليها أميرة بستغراب لا تصدق بجاحتها، لتضيف مروة بثقة وقائلة لـ أميرة.
ـ انا متغيرتش يا أميرة ولو فكرتي شويه هتعرفي ان كل اللي انا بعمله ده لمصلحتك انتي ، مش شاهندا دي الي على طول كنتي بتشتكيلي منها انها قرفاكي، اهي بصي عليها، انا خليت جمال يربيها من جديد وكل ده عشانك انتي
حركت أميرة رأسها بزهول، بدأت تشعر بالخوف من مروة، ابتسمت لها مروة بثقه ثم تحدثت بصوت مرتفع كي يوصل الي زوجها وهو يقف مع والدته وهي توبخه على ما فعله بشقيقته.
ـ جمال تعالى اسندني يلا عشان اطلع شقتنا ارتاح شويه
نظرت اليها حماتها بقسوة ثم كتمت غيظها منها، اقترب جمال من مروة ومسك بيدها واخذها الي شقته بالأعلى، وقفت أميرة على وضعها تضم بناتها وهي تنظر امامها بزهول بعد ما قالته مروة، جلست شاهندا وهي تبكي وتتوعد للانتقام من مروة، تحدثت والدتها معاها بغضب قائلة لها.
ـ انا مش عايزة اي مشاكل لحد ما تولد وتجيبلنا الولد
نظرت شاهندا امامها بقسوة قائلة بعنف.
ـ ماشي انا هعرفها تشوف نفسها علينا بالولد بتاعها
نظرت اليهم أميرة بصدمة، تريد اخذ بناتها وترك هذا المنزل.. اخذت بناتها الي الغرفه وهي ما تزال على صدمتها من حديث مروة.
بعد اسبوع جاء موعد قراءت فاتحة شاهندا وفريد.
جلس فريد في شقة خالته مع جمال ابن خالته وفتحي زوج اماني ابنة خالته.. تحدثت والدة فريد واخبرتهم انها اتفقت مع شقيقتها على كل شئ واسرعوا في قراءت الفاتحه، وقفت أميرة في غرفة شاهندا تقوم بمساعدتها في وضع بعض ادوات التجميل.. وقفت اماني تتحدث الي أميرة بحماس تشجعها على وضع من بعض ادوات التجميل هي الاخرى.. رفضت أميرة لكن أماني اصرت عليها كثيرآ وشاهندا كانت تريد الانتقام من مروة وشجعت أميرة هي ايضا.. استسلمت لهم أميرة ووضعت بعض اللمسات الرقيقه علي وجهها والتي جعلت منها أميرة حقا..
دخلت حور تنادي والدتها وتخبرها ان جدتها تريدها بالخارج.. خرجت أميرة من الغرفة وطلت عليهم بطلتها الرائعه وخاطفة العيون بجمالها الهادي الرقيق والذي ازداد جمالا بعد وضعها القليل من ادوات التجميل.. نظر اليها فريد ثم خفض بصره سريعا احتراما لـ ابن خالته.. نظر اليها جمال بانبهار واعجاب شديد وشعر انه يشتاق اليها كثيرا.. نظر اليها فتحي بنظراته الوقحه وهو يزداد لهفة في التقرب منها.
وقفت أميرة مع حماتها وتحدثت معها، دخلت مروة الشقه وهي تضيع الكثير من اداوت التجميل التي اخفت ملامحها بالكامل وجعلت من ينظر اليها يشعر بالاشمئزاز، نظر اليها جمال وبدأ يقارن بين الاثنين وشعر انه يشتاق كثيرا الي أميرة ويريدها الليلة.
خرجت شاهندا من الغرفه وجلسوا جميعا يقرأون الفاتحه ، كان فريد لا يشعر بالراحه لما يفعله، يعلم جيدا ان شاهندا لم تكن الزوجه التي يتمناها لكنه يحاول اقناع نفسه انها الانسب له الان. ... بقلمي ملك إبراهيم.
... يتبع
منتظرة رأيكم وتوقعاتكم في التعليقات مع اجمد تفاعل عشان تشجعوني اكمل❤️🌹🌹 مواعيدها 🫶❤️
#الحلقة_العاشرة
#رواية_أميرة_أخر_الزمان
#الكاتبة_ملك_إبراهيم
وقفت أميرة مع حماتها وتحدثت معها، دخلت مروة الشقه وهي تضيع الكثير من اداوت التجميل التي اخفت ملامحها بالكامل وجعلت من ينظر اليها يشعر بالاشمئزاز، نظر اليها جمال وبدأ يقارن بين الاثنين وشعر انه يشتاق كثيرا الي أميرة ويريدها الليلة.
خرجت شاهندا من الغرفه وجلسوا جميعا يقرأون الفاتحه ، كان فريد لا يشعر بالراحه لما يفعله، يعلم جيدا ان شاهندا لم تكن الزوجه التي يتمناها لكنه يحاول اقناع نفسه انها الانسب له الان.
انتهوا من قراءت الفاتحه واتجهت أميرة الي المطبخ سريعا لجهيز العصير للتقديم، تابعها فتحي بمكر وهي تتجه الي المطبخ ونظر حوله ليجد زوجته مشغوله بالحديث مع والدتها وجمال مشغول بالحديث مع زوجته مروة وخالة زوجته وابنتها مشغولين بالحديث مع شاهندا وعريسها، وقف بهدوء وتحرك بخطوات هادئه متجها الي المطبخ، كان فريد يجلس بجوار شاهندا ووالدته وشقيقته وهم يتحدثون، كان يشعر بالاختناق،،، وقف كي يذهل إلى الحمام لغسل وجهه بالماء.
وقفت أميرة بداخل المطبخ تضع الكاسات على الصنيه كي تضع العصير بداخلهم، دخل فتحي المطبخ مفتعلا انه يبحث عن ماء للشرب، انتفض جسد أميرة عند دخول فتحي عليها المطبخ، وقفت بتوتر تسأله بخوف قائلة له.
ـ نعم في ايه؟
استمع فريد اثناء ذهابه الي الحمام المجاور للمطبخ صوتها الذي يحمل الكثير من الخوف، وقف للحظات ليستمع صوت الاخر وهو يقول لها.
فتحي: انتي اللي في ايه كل يوم تحلوي كده انا خلاص مش قادر امسك نفسي اكتر من كده
استمع الي صوتها وهي ترد عليه بخوف قائلة له.
ـ عيب الكلام اللي انت بتقوله ده ومتنساش ان انا ابقى مرات اخو مراتك
اقترب فريد من باب المطبخ بخطوات هادئه، نظر الي ما يحدث بالداخل، وجد فتحي يحاول الاقتراب منها وهو يتحدث بلهفه قائلاً لها.
ـ مرات مين بس دا جمال ده مغفل بقى في واحد عاقل يسيب الجمال ده كله ويتجوز عليها اومال انا اعمل ايه في اخته
مسكت أميرة احد الكاسات بيدها تحاول تهديده الا يقترب منها قائلة له بتهديد.
ـ لو قربت مني هكسر ده في دماغك، ابعد عني احسنلك واحمد ربنا ان انا مقولتش لـ جمال ان انت حاولت تتهجم عليا في اوضتي
حاول الاقتراب منها وهو يتأمل جسدها بشهوة، دق الرعب بقلبها عند رؤيتها لتلك النظره المرعبه بداخل عينيه، تابع فريد ما يحدث بينهم وهو متخفي جانبا، فهم ان فتحي يضايق زوجة جمال وحاول الاعتداء عليها.
تحدث فتحي بلهفه.
ـ جمال مش فضيلك، سيبيلي نفسك بس وانا هدلعك واعوضك عن اللي جمال عمله فيكي
اقترب منها فجأة كي يقبلها، صرخت أميرة وقامت بتكسير الكأس الزجاجي فوق رأسه بقوة كي لا يقترب منها، فتح فريد عينيه بصدمه ودخل المطبخ سريعاً، نظرت اليه أميرة بهلع ثم نظرت الي فتحي وهو منحني الرأس ويضع يديه فوق رأسه والدماء تنزف من فوق حاجبيه، ركض الجميع الي المطبخ بعد استماعهم لصراخ أميرة.
وقفت أميرة وجسدها يرتعد بخوف، صرخت أماني بفزع عند رؤيتها للدماء تنزف من فوق جبين زوجها، دخل جمال المطبخ وهو ينظر الي أميرة وفريد وفتحي بستغراب ولا يعلم ماذا حدث، وقف ينظر إلى فتحي ثم نظر الي فريد وتحدث اليهم بغضب قائلا لهم.
ـ ايه اللي بيحصل هنا؟
ثم نظر الي زوجته أميرة وهي تضم جسدها بخوف وتبكي واضاف بصوت مرتفع.
ـ ايه اللي حصل ومين اللي عور فتحي كده؟
انتفض جسد أميره عند استماعها الي صراخ زوجها، تسألت العيون حولهم عن ماذا حدث، تابعهم الجميع بفضول لمعرفة ماذا حدث كي يصاب فتحي برأسه هكذا ومن اصابه.
نظر فريد الي حالة أميرة وهي تبكي بخوف، يعلم جيدا انه اذا اخبر احد بما فعله فتحي معها سوف يقف الجميع في صف فتحي ويتهمونها انها هي من اغرته لما اراد فعله، ثم نظر الي ابنة خالته اماني ويعلم انها تحب زوجها ولا يريد كسر قلبها اذا علمت بما اراد زوجها فعله مع زوجة شقيقها.
وقف فريد امام جمال ونظر اليه بثبات وتحدث اليه بغضب قائلاً له.
ـ محصلش حاجه يا جمال، مراتك كانت بتعمل العصير وانا وفتحي كنا بندور على مايه عشان نشرب ودخلنا المطبخ نسألها على مايه وفتحي جه ياخد كوبايه من فوق هنا عشان نشرب فيها والكوبايه وقعت على دماغه اتكسرت وعورته ومراتك لما حصل كده خافت وصرخت
ثم اضاف وهو ينظر إلى فتحي بغضب موجها الحديث اليه.
ـ مش كده يا فتحي؟
اعتدل فتحي وهو يضع يديه فوق رأسه وآكد علي حديث فريد قائلا له..
ـ ايوه هو ده بالظبط اللي حصل
اقتربت اماني من زوجها تنظر اليه بلهفه وتحدثت اليه بحزن قائلة له.
ـ ومقولتليش ليه يا فتحي وانا اجبلك تشرب يا حبيبي
نظر فتحي الي فريد بخوف ، نظر اليه فريد بتحذير، تحدث فتحي وهو يتألم.
ـ انا عايز اروح لدكتور يخيط الجرح مش قادر
اقترب منه جمال واخذ بيده قائلاً له.
ـ تعالى يا فتحي انا هوديكي للدكتور
تحدثت اماني بحزن.
ـ وانا كمان جايه معاكم
تحدثت والدة جمال.
ـ يلا بسرعه وانا كمان جايه معاكم
تحدثت شاهندا بانفعال.
ـ يعني كده بوظتوا ليلتي وضيعتوا عليا فرحتي
ثم ركضت الي غرفتها بغضب، ذهبت فاتن شقيقة فريد خلفها.
تحدثت والدة فريد بحزن قبل ان تذهب هي الاخرى.
ـ الحمدلله قدر الله وما شاء فعل
ثم ذهبت هي الاخرى خلف ابنتها وابنة شقيقتها، وقفت مروة تنظر إلى أميرة والى انهيارها وبكائها الغريب وشعرت ان هناك سيناريو اخر لا يعلمه الا أميرة وفريد وفتحي، ثم حركت كتفها بعدم مبالاة بالامر و ذهبت هي الاخرى كي تصعد إلى شقتها بالأعلى.
وقف فريد هو وأميرة بالمطبخ، نظر اليها بصمت ثم تحدث اليها بهدوء قائلاً لها.
ـ ليه مقولتيش لجوزك على اللي فتحي بيحاول يعمله معاكي؟!
رفعت عينيها الباكيه تنظر اليه بحزن، ينتفض جسدها بشهقات متتاليه من شدة البكاء، تحدثت اليه بصوت متقطع قائلة له.
ـ لو قولتله مش هيصدقني وبعدين انا مش عايزه مشاكل وعايزه افضل ماشيه جمب الحيط لحد ما اقدر اعالج بنتي واعملها العملية
نظر اليها بصدمة، شعر بالحزن الشديد على حالها، تحدث اليها بفضول قائلاً لها.
ـ جمال كان عارف ان بنته محتاجه تعمل عمليه من قبل ما يتجوز؟!
حركت رأسها بالايجاب وهي تبكي، ثم تحدثت بقهرة قائلة له.
ـ هو اتجوز اصلا بالفلوس اللي كنا محوشنها عشان نعمل العملية لـ جنه
نظر اليها بصدمه، ثم خفض وجهه يفكر قليلاً، رفع وجهه اليها ثم تحدث بهدوء قائلاً لها.
ـ هي تكاليف العمليه اد ايه؟
نظرت اليه بصمت، ثم تحدثت اليه بقوة.
ـ انا هعمل لـ بنتي العملية بس لو جمال سبني اشتغل
عقد حاجبيه بيدهشة ثم تحدث اليها بفضول قائلاً لها.
ـ تشتغلي ايه؟
خفضت وجهها لا تعلم بماذا تخبره، ثم رفعت وجهها بعد تفكير، تحدثت اليه بقوة قائلة له.
ـ هشتغل اي شغلانه حلال موجوده في الدنيا، حتى لو هشتغل خدامه في البيوت بس المهم عندي اعمل العملية لـ بنتي واشوفها قدامي بتجري وتلعب زي كل البنات اللي في سنها
ابتسم ابتسامه خفيفه، حرك رأسه بتفهم، ثم تحدث اليها باحترام.
ـ انتي طبعآ معاكي حق بس المفروض ابوها هو اللي يتكفل بعمليتها مش انتي اللي تطلعي تشتغلي عشان تعملي العملية لـ بنتك، المفروض ان الحياة الزوجيه مشاركة، يعني انتي تراعي البنت وتهتمي بعلاجها وابوها يوفرلها الفلوس للعملية
عوجت فمها بحسرة وهي تستمع الي حديثه ثم تحدثت اليه بقهرة قائلة له.
ـ الكلام اللي انت بتقوله ده احنا بنسمعه في التليفزيون بس لكن الواقع غير كده خالص
حرك رأسه بالايجاب قائلاً لها.
ـ احنا اللي بنعمل الواقع ونقدر نغيره
رواية أميرة آخر الزمان بقلمي ملك إبراهيم
نظرت اليه بصمت، ثم تحدثت بقوة وغضب قائلة له.
ـ انت ممكن تغير الواقع، واحده تانيه غيري تقدر تغير الواقع، لكن متجيش عند واحده زيي ابوها مات وهي صغيره وامها اتجوزت راجل حقير ودخلته بيتنا يعيش معانا وكان كل يوم يدخل عليا اوضتي ويحاول يتحرش بيا وتقولي اغير الواقع..
نظر اليها بصدمة، اخذت أنفاسها بغضب وهي تتابع حديثها قائلة بقوة..
- متجيش لواحده زيي كنت بقفل على نفسي وانا نايمه في بيتنا وافضل صاحيه طول الليل عشان خايفه من جوز امي وتقولي اغير الواقع.. متجيش لواحده زيي وافقت على اول عريس جالي عشان اهرب من جحيم جوز امي، اتجوزت وانا عندي 18 سنه واول ما اتجوزت لقيت نفسي هنا في جحيم اكبر، ربنا كرمني ببنتين تؤام ومنهم واحده قلبها تعبان، كنت بلف بيها في كل المستشفيات وانا شيلاها على دراعي ومش عارفه اعالجها، كنت بستخسر في نفسي اللقمه عشان احوشلها فلوس العملية بتاعها، كنت بستحمل الذل والاهانه من جوزي وحماتي عشان اقدر اعمل لبنتي العمليه ولما فلوس العمليه جهزت لقيت جوزي بيتجوز بالفلوس دي وحماتي تقولي بيتجوز عشان يخلف ولد وهو يقولي ان الدكتور قاله ان بنتي هتموت والعمليه ملهاش لازمه..
نظر اليها بصدمه وحزن لتتابع حديثها ببكاء قائلة له.
ـ عارف بعد كل ده والاقي جوزي اتجوز مين..
نظر اليها بفضول لتتابع بقهرة قائلة له.
ـ اتجوز صاحبة عمري، الانسانه الوحيده اللي كانت بتهون عليا كل ده، بقت دلوقتي ضرتي، اتجوزت جوزي بفلوس عملية بنتي
نظر اليها بفزع، خفق قلبه بشدة من قسوة ما تعرضت اليه، بكت وهي تضيف بخوف.
ـ وبعد كل ده جه جوز اماني عشان يزود الهموم عليا ويعيشني هنا وانا مرعوبه وتفضل عيني مفتوحه طول الليل والنهار وانا خايفه يتهجم عليا.. جاي انت بعد كل ده وتقولي غيري الواقع!!
حرك رأسه بحزن وهو يتأملها بصمت، لا تسعفه الكلمات ليهون عليها كل ما مرت به، بكت بهستيريه بعد ما اخرجت ما بداخلها، اراد مساعدتها والتخفيف عنها، تحدث اليها بحزن قائلاً لها.
ـ انا بصراحه مش عارف اقولك ايه، بس ياريت لو تعتبريني اخوكي وتسمحيلي اساعدك
نظرت اليه وهي تبكي، رأت الصدق والتعاطف معها بداخل عينيه، حركت رأسها بالايجاب قائلة له.
ـ شكرا بس انا مش محتاجه مساعده غير ان جمال يوافق اني اشتغل عشان اقدر اعمل العملية لـ جنه
حرك فريد رأسه بأسف قائلاً لها.
ـ انا للاسف مش هينفع اتكلم مع جمال في موضوع شغلك ده لانك مراته وميصحش اتكلم معاه في اي حاجه تخصك، بس انا اقدر اساعدكم في دفع تكاليف العملية
نظرت اليه بخيبة امل، ثم تحركت من مكانها وخرجت من المطبخ دون الرد عليه، وقف يتابع خروجها بدهشة، زفر بغضب بعد خروجها وهو يسب ويلعن في جمال وما فعله بها وبأبنته الصغيره.
استمع الي صوت فتح باب الشقه وصوت جمال ووالدته، خرج فريد من المطبخ، وجد جمال ووالدته اتو من الخارج، اقترب منهم وهو ينظر اليهم بغيظ ثم تحدث اليهم بصوت غاضب قائلاً لهم.
ـ اومال فتحي واماني فين؟
جلست ام جمال وجلس جمال بجوار والدته وتحدث بهدوء رداً على سؤال فريد.
ـ الدكتور شاف الجرح وخيطه ٣ غرز وفتحي اصر يروح على شقته عشان يرتاح، وصلناه وجينا على طول
تحدثت والدة جمال بحزن.
ـ معلش يا فريد ليلتكم باظت يا بني وانتو ملكوش ذنب
ثم نظرت حولها تبحث عن الجميع قائلة بفضول.
ـ اومال شاهندا فين هي واختك وامك؟
رد عليها فريد بغضب مكتوم.
ـ دخلوا جوه يرتاحوا شويه
نظر جمال حول وتحدث بفضول هو الاخر.
ـ ومروة وأميرة دخلوا معاهم
نظر اليه فريد بغضب ولم يرد عليه، تحدثت والدة جمال مع فريد بهدوء.
ـ انا هدخل ارتاح انا كمان وهاخد شاهندا معايا في اوضتي وانت يا فريد ادخل في الاوضه التانيه عشان تنام وترتاحلك شويه انت كمان
وقف فريد ينظر اليهم بغضب، لا يستطيع التحدث معهم بأمر أميرة حتى لا يفهمون تعاطفه معها بشكل خاطئ، وقف جمال وصعد الي شقته بالأعلى، اتجهت والدة جمال إلى غرفة ابنتها شاهندا لتأخذها معها الي غرفتها ويدخل فريد لينام مع والدته وشقيقته بالغرفه.. وقف ينظر اليهم ويشعر بالاختناق الشديد، ثم نظر الي غرفة أميرة وشعر بالشفقة عليها، كيف لفتاة بعمرها لا تتخطئ الـ 24 عاما وتصبح ام لطفلتين ومنهم طفله مريضه وتتعرض لكل هذا الظالم والخيانه.. زفر بضيق ثم اتجه إلى الغرفه وهو يفكر كيف يساعدها..
________
في غرفة أميرة..
جلست بجوار بناتها فوق الفراش وهي تربت عليهم وهم في نومٍ عميق وتبكي على حالها وتفكر في الذهاب من هذا المنزل، لا تستطيع العيش معهم وتحمل المزيد.
في شقة جمال بالأعلى..
صعد جمال الي شقته وجد الشقه مظلمه، اتجه الي غرفة النوم وجد مروة نائمة فوق الفراش وتغطي جسدها ووجها بالكامل.. اضاء انوار الغرفه وبدل ثيابه وهو يفتعل اصوات مزعجه كي تستيقظ مروة لكنها لم تتحرك من مكانها، اقترب منها ورفع الغطاء عن وجهها وتحدث اليها بهدوء قائلاً لها.
ـ مروة قومي انتي هتنامي ولا ايه؟
ردت عليه وهي تغمض عينيها قائلة له.
ـ عايز ايه يا جمال سبني انام بطني وجعاني من كتر الترجيع
نظر اليها بشمئزاز قائلاً.
ـ ترجيع!
فتحت عينيها بغضب ثم تحدثت اليه بصوت مرتفع قليلا.
ـ مالك مستغرب ليه هو مش انا حامل وطول النهار عماله ارجع وبطني بتتقطع من الوجع
نظر اليها بغضب، نظرت اليه بشمئزاز ثم وضعت يديها على فمها قائلة له بشمئزاز.
ـ ايه الريحه دي؟
ثم ركضت سريعًا من الغرفة متجهة الي الحمام، جلس جمال يتابع ما فعلته بغضب ثم همس لنفسه قائلاً.
ـ هنبدأ بقى في القرف
ثم تذكر أميرة وتذكر كيف كانت جميلة اليوم وشعر بالاشتياق الشديد اليها، عادت مروة الي الغرفة مرة أخرى وهي تضع يديها على بطنها بألم ووجها باهت ويظهر عليها التعب الشديد، زفر بغضب ووقف من فوق الفراش، اقتربت مروة من الفراش ونامت عليه بتعب ووضعت الغطاء فوق وجهها مرة أخرى، وقف ينظر اليها بغيظ ثم خرج من الغرفه واغلق الباب عليها بعنف، وقف ينظر حوله بملل ويشعر بلهفة شديدة بداخله تطالبه بالنزول الي شقة والدته وقضاء الليلة مع أميرة، اتجه الي غرفة الجلوس وقام باشعال سجارة وتنفسها بغضب وهو يحاول السيطره على لهفته اتجاه أميرة، يريد النزول اليها لكنه لا يستطيع بعد كل ما فعله معها، يتذكر جمالها الذي خطف قلبه اليوم وتزداد لهفته عليها اكثر، بعد ساعه من التفكير بها اقنع نفسه انها مازالت زوجته وما يريده الان هو حقه الشرعي ولا يحق لها ان ترفضه، وقف بعد تفكير واقناع نفسه ان ما يريده من أميرة الان هو حقه، اخذ مفاتيحه وتحرك في شقته بهدوء وخرج من شقته ونزل الي شقة والدته بخطوات هادئه، فتح باب الشقه بمفتاحه الخاص، نظر حوله يطمئن انهم ذهبوا جميعآ إلى النوم، تحرك بخطوات هادئة الي غرفة أميرة، فتح الباب بهدوء وهو ينظر اليها بلهفة وهي نائمة بجوار بناتها، دخل الغرفه واغلق الباب عليهم من الداخل.. تحرك بخطوات هادئه وبحرص شديد كي لا يشعر به البنات ويستيقظون من النوم.. اقترب من أميرة وهي نائمه بجوار بناتها.. تأملها بلهفة واشتياق، وضع يديه فوق شعرها الناعم المنسدل فوق الفراش، اقترب منها بلهفه وقبلها وهي نائمة، انتفض جسد أميرة برعب وقفذت من مكانها وصرخت معتقدة انه فتحي من تهجم عليها مرة أخرى .. كتم جمال فمها سريعاً كي لا يسمعها احد، همس بجانب اذنها وهو مازال يكتم فمها قائلاً لها.
- بس هتفضحينا انا جمال جوزك
نظرت اليه بهلع وهي تحرك عينيه برعب، رفع يديه عن فمها وتحدث اليها بمرح قائلاً لها.
ـ ايه هتفضحينا بقى انا الحق عليا اني جتلك عشان وحشتيني
نظرت اليه بغضب قائلة له بصوت غاضب مرتفع قليلاً.
ـ طب امشي يا جمال من هنا دلوقتي بدل ما افضحك بجد
نظر اليها بصدمة ، لم يتوقع ردت فعلها ان تكون قوية هكذا، تحدث اليها بزهول قائلاً لها.
ـ تفضحيني!! انتي اتجننتي يا أميرة، انتي نسيتي ان انا جوزك ولا ايه
وقفت أمامه وتحدثت اليه بغضب.
ـ امشي يا جمال من هنا واطلع لمراتك فوق بدل ما اصوت وافضحك بجد
جن جنون جمال بعد رفضها ليه بهذا الشكل وهو كان متوقع انها تنتظره كل ليله ان يأتي اليها، جذب ذراعها بغضب وتحدث اليها بتحدي قائلاً لها.
ـ طب انا مش همشي يا أميرة وهقضي معاكي الليلة دي بمزاجك او غصب عنك ومتنسيش ان انا جوزك وده حقي الشرعي
دفعته بعيدا عنها قائلة له.
ـ هو انت مابتخدش من الشرع غير حقك انت بس، طب وحقي انا فين، فين حقي الشرعي؟
رد عليها ببرود قائلاً لها وهو يجذبها اليه بالقوة.
ـ ما انا جاي اديكي حقك الشرعي اهو وانتي اللي فقريه... بقلمي ملك إبراهيم.
... يتبع
تابع الفصل التالى من هنا (رواية اميرة اخر الزمان الفصل الحادى عشر 11)
لقراءة جميع فصول الرواية من هنا (رواية اميرة اخر الزمان كاملة (جميع الفصول) بقلم ملك ابراهيم)
اهلا بك