رواية حامل ولكن الحلقة السادسة – تطورات صادمة تقلب الأحداث

رواية حامل ولكن الحلقة السادسة

 -هعرضك على الطبيب الشرعي 

اتسعت عيني حسنة أول ما سمعته وقالت

رواية حامل ولكن الحلقة السادسة – تطورات صادمة تقلب الأحداث

-اييه !!! 

لفّ كاظم ناحيتها بهدوء، كأنه كان متوقع رد فعلها سحب نفس طويل من السيجارة وبعدين طفاها في الطفاية اللي جنب الباب ورد 

-اهدي بس أنا لسه ما شرحتش

رجعت خطوة لورا وهي شايلة فنجان القهوة بإيد بتترعش

يعني إيه طبيب شرعي؟! أنت عايز تفضحني؟

هز رأسه بالنفي بسرعة

-لا… أنا عايز أرجّع حقك

ضحكت بسخرية مرّة

-حقي؟! حق إيه؟! اللي حصل حصل… والناس لو عرفت هتبصلي أنا مش له

قرب خطوة منها، لكن وقف قبل ما يبقى قريب قوي علشان ما يخوفهاش 

-اسمعيني كويس يا حسنة اللي حصل ده جريمة مش غلطة منك

سكتت لحظة، وبصت في الأرض كاظم كمل بصوت أهدى

-الطبيب الشرعي يثبت إن اللي حصل كان اعتداء ولو حملك منه يبقى دليل أكبر ساعتها هو اللي يتحاسب مش أنتِ

قبضت إيدها على فنجان القهوة

-أنت فاكر الدنيا بالسهولة دي؟! أنا لو رجعت هناك ممكن يلبسوني مصيبة تانيه أنا ف نظر ابويا وحده ***

سكت كاظم لحظة وبعدين قال

علشان كده مش هترجعي لوحدك

رفعت عينيها له باستغراب

حامل_ولكن الحلقة_السادسة ندا_الشرقاوي 

-تقصد إيه

رد ببساطة

-أقصد إن الموضوع هيمشي صح قانوني ولو وافقتي، أنا هكون معاكي للآخر.

فضلت باصة له ثواني طويلة، كأنها بتحاول تفهم إذا كان بيتكلم بجد ولا دي مجرد كلام

-وليه تعمل كل ده عشاني

ابتسم ابتسامة خفيفة، لكنها كانت فيها جدية

-يمكن علشان أول مرة في حياتي أشوف حد مظلوم بالشكل ده لكن صدقيني هجبلك حقك 

ارتعشت وردت بتوتر 

-طب لو رفضت 

رد عليها بكل وضوح 

-عادي كله هيروح وملكيش حق وأنتِ اللي هتسيبي حقك وحق اللي في بطنك 

حطتت اديها على بطنها بخوف وقالت 

-خايفه اجيبه على وش الدنيا هيفضل منبوذ لحد أخر يوم في عمره 

-خلي عندك أمل في ربنا وجهزي نفسك علشان بكره كله هيتكشف 

رواية حامل ولكن

تاني يوم 

صوت خبط على الباب صحى البيت كله من النوم لحد ما الباب اتكسر ودخلوا اتنين رجاله 

جه سعيد من الاوضه وهو بيلبس جلابيته وبيقول 

-في اي انتوا مين ؟؟؟

رد واحد من الرجالة بنبرة حازمة وهو بيبص حواليه في الشقة

-مباحث …فين حاتم كامل 

فتحت أم حاتم باب أوضتها بسرعة، وخرجت وهي حاطة طرحتها على راسها وقالت

-حصل ايه يا باشا عمل ايه ابني 

لسه بتتكلم وفجأة ظهر حاتم من آخر الطرقة، وشكله متلخبط من النوم،وقف وهو بيبص للرجالة باستغراب

-في ايه؟؟ 

قرب منه الظابط خطوة، وبص له نظرة ثابتة

-أنت حاتم؟؟

رد بتوتر بسيط

-أيوه خير؟

طلع الظابط ورقة من جيبه وفتحها قدامه

-أنت متهم في قضيه اغتصاب وبلاغ رسمي 

سكت البيت كله فجأة كأن الكلام وقع عليهم زي الصاعقة.

شهقت أمه وهي بتبص له بعدم تصديق.

-ايه؟؟ اغتصاب ايه يا باشا 

بص حاتم حواليه بسرعة وكأن الأرض بتتهز تحت رجل

-ده كدب أنا معملتش حاجه 

رد الظابط ببرود

-الكلام ده هتقوله في القسم.

وقبل ما حاتم يستوعب مسكوه من دراعه.

بدأ يقاوم بعصبية.

-سيبوني أنا معملتش حاجة ،مين بلغ طيب يا باشا 

صرخت أمه وهي بتقرب منهم.

-استنوا ياباشا اكيد في حاجه غلط 

لكن الظابط وقفها بإيده.

-ابنك هيتاخد القسم ولو برئ هيجيلك مش هنقعد نرغي 

اتشد حاتم ناحية الباب وهو بيصرخ

-مين عمل كده 

وفي اللحظة دي لمعت في دماغه فجأة صورة حسنه 

اتجمد وشه للحظة…

وهمس بصدمة

-لا مستحيل 

لكن الرجالة كانوا خلاص نزلوا بيه على السلم وأمه واقفة في نص الصالة، ملامحها متحجر وقلبها بيقول إن اللعبة اللي كانت بتفكر فيها… انقلبت عليهم …

رواية حامل ولكن كاملة

في القسم بره 

كانت حسنه وقفه على الباب عماله تفرك في اديها مش لاقيه كاظم من ساعة ما سبها وهيا لوحدها وخايفة تكون لوحدها 

ثوانٍ ولمحت حاتم وهو داخل مع العساكر ووهو شافها وقرب وبدا يزعق وقال

-بتبلغي عني يا حسنه أنتِ عاوزه تبليني ببلوه ولا ايه ،حاضر يا حسنه وحياه امك ماشي 

بدا العساكر تتدخل ويفكوا الاشتباك وبعدين طلع العسكري وقال 

-بس يا متهم منك ليها الباشا عاوزكم 

هدء الجو ودخلوا جوه ورفعت حسنه عنيها وقالت 

-انت……

حامل_ولكن الحلقة_السادسة ندا_الشرقاوي