رواية صراع القاسم الفصل الرابع والثلاثون 34 الجزء الأول 1 بقلم سلوى عوض

#سلوي_عوض

#صراع_القاسم 

الجزء الاول من البارت الاخير ♥

اما صابرين فها هيا تجلس في منزلها بعد أن أخذت المليون جنيه والدهب من منزل مهران

صابرين: اعمل أيه انا دلوك طاب جاسم مراضيش يرجعني وأبوي محبوس وانا جاعده لحالي وعايزه اتجوز ومافيش حد ف البلد يليج بيا بس انا لازما اتجوز ما انا مش هجعد كده.

(تدخل عليها كريمه الخادمه)

كريمه: الوكل جاهز ياست الكل.

صابرين: ماشي انا جايه وراكي. بجولك يا كريمه متعرفيش عريس ليا بس يكون مركزه كبير ويكون واد ناس.

كريمه (بخبث): والله يا ست الكل فيه ومتعلم ومتخرج من الجامعه كمان بس يعني فجير دجه.

صابرين: شكله حلو؟

كريمه: ده اشجر عيون خضر وشعر اصفر وطول بعرض.

صابرين: منين ده؟

كريمه: بس أصله مش هيليج عليكي، أهله غلابه جوي وهو شغال سواج علي عربية اللي لما الناس يتصلو عليه يروحلهم تبع شركه يعني.

صابرين: عنديه كام سنه؟

كريمه: هو يعني اصغر من حضرتك بسنتين، بس لما جاه البلد وشافك كان هيتجنن عليكي، بيجول جمر وعامله زي البطه.

صابرين: وهو كمان شافني طاب اسميه ايه؟

كريمه: لطفي، اسميه لطفي.

صابرين: وانتي تعرفيه منين؟

كريمه: الصراحه هو واد اخويا اللي بيشتغل بواب ف مصر.

صابرين: طاب حد ف البلد هنا يعرفه؟

كريمه: له، أصله هو طول عمره عايش ومتربي ف مصر، بس جاني زياره مره واحده لما كت عيانه، ده حتي سي جاسم لما شافني واجفه معاه جاللي مين الباشا يا كريمه؟ جولتله حضرته واد ناس غناي جوي ف مصر وبياجي يطل عليا من وجت للتاني ويديني اللي فيه النصيب.

جام سي جاسم جاله: نورت البلد يا باشا.

لطفي جاله: بنورك بس انا مش باشا انا مهندس.

سي جاسم جاله: مهندس حته واحده؟

وعشان لطفي شغال علي عربية غاليه بعد ما مشي سي جاسم جاللي: تعرفي الناس النضيفه منين؟

انتي جولتله: اصل اختي شغاله حداهم ف الجصر بتاعهم، وجاتني مره زياره عند حضره العمده والست ام لطفي باشا جات معاها هيا وولدها عشان كان نفسهم يشوفو الصعيد.

جام سي جاسم جاللي: ده انتي الواحد يخاف منيكي مدام بتعرفي بشوات.

صابرين: وليه جولتي كده لجاسم؟

كريمه: الصراحه يعني محبيتش اصغر واد اخوي.

صابرين: طاب انا هجعد اتغدي وانتي اتصلي عليه خليه ياجي وحديه.

كريمه: حاضر من عيني.

صابرين: روحي بجا متوجفيش علي راسي خليني اكل اللجمه.

كريمه: حاضر باءلف هنا.

(تتركها كريمه وتدخل غرفتها وتتصل بلطفي)

كريمه: واد يا لطفي اسمعني زين، الفرخه باضتلك ف الجفص.

لطفي: خير يا عمتي فيه ايه؟

لتقص عليه كريمه كل ما دار بينها وبين صابرين.

لطفي (بفرحه): ايه الحلاوه ديه؟

كريمه: هات بعضك وتعالي علي البلد عشان تعوم علي وش الفته.

لطفي: ده انا هااجيك حمامه.

كريمه: بس اعمل حسابك تلبس احلي حاجه عندك.

لطفي: ده انا لسه شاري بدله إنما ايه خرافه.

كريمه: عايزاك تخليها تحبك وتموت فيك، يعني اجعد حولها انك كت هتموت عليها وأنها جمر وأنها كمان كتيره جوي عليك.

لطفي: ده انا هخليها تدوب فيا دوبان، سلام بقا عشان الحق الصيده.

(تغلق كريمه الهاتف وتدخل علي صابرين)

كريمه: ست صابرين انا كلمت المهندس لطفي وهو هيتحرك وجاي ف الطريج.

صابرين: طاب جهزيلي الحمام وطلعيلي العبايه الزرجه عشان بتبجا حلوه علي وانا هسبح واتعطر والبس دهباتي، بس اما اخلص وكل جوليلي صح فيه رز وطبيخ باجيين؟

كريمه: اه ما انا طبخت كتير.

صابرين: طاب اغرفيلي وزودي وهاتي لحم ولا خلص؟

كريمه: له فيه لحم وفروج طايب كمان.

صابرين: روحي هاتي طيب حاساني هفتانه.

كريمه: اسم الله عليكي من الهفيت جوامك، هجيبلك الوكل.

(تدخل المطبخ وتقول في نفسها)

كريمه: الله يخربيت ناسك انتي، ايه مبتشبعيش؟ ده انتي تأكلي البجره بختاها والراعي وراها، امال احنا هناكلو ايه؟

(يدخل الغفير علي صابرين)

الغفير: الحجيى ياست صابرين، جاسم بجا العمده.

لتشرق صابرين وتخرج الطعام من فمها.

صابرين: جاسم مين؟

الغفير: جاسم اللي كان جوزك.

صابرين: يا مري مين جالك؟

الغفير: جات اشاره من المركز اننا هنروحو البيلا بتاعته انا وباجي الغفر عشان خلاص بجا هو العمده.

صابرين: غور جاك دم ورا ودنك وجفت اللجمه ف خشمي وسديت نفسي. انتي يا كريمه!

كريمه: ايوه نعم، حاضر جايبه الوكل وجايه اهو.

صابرين: وكل ايه، خدي تعالي، اتصلي علي لطفي خليه يعمل حسابه انتا هنتجوزو النهارده، انا خلاص وفيت العده بجاللي تلت ايام.

كريمه: بسرعه كده؟

صابرين: اه لازم، اكيد جاسم زي ما كادني جال بجا عمده، جال انا بجا هبجا مرت المهندس علي سن ورمح. ياله خلصي كلميه وانا هتكلم مع الماءذون.

كريمه: حالا اهو.

(اما قاسم فكان يجلس مع إخوته)

قاسم: اسمعوني بجا، حجكم ورجعلكم، عايزكم تمشو بما يرضي الله.

شريف: بعد اذنك يا اخوي زي مجولتلك ف الاول، انته هتمسك كل حاجه زي الاول واحنا هناخدو المصروف منيك، واللي معجبهاش من الحريم تغور علي بيت ناسها.

عفاف: عاجبنا وكل حاجه، بس يعني لمؤاخذه هنرجعو ف المرار الاولاني من تاني ف الجوع والبخل.

قاسم: له يا مرت اخوي، انا بفضل الله هعبيلكم البيت خير، واي حد عايز حاجه ياخدها.

شرف: بس انا ليا طلب بعد اذنك.

قاسم: جول يا اخوي.

شرف: احنا يعني منجدروش نعيشو بعيد عنيك وعايزينك تشتريلنا بيت واسع جوي يساعي الكل.

قاسم: بس كده من عيني وربنا ميفرجنا ابدا، وحريمكم خواتي، ودهب هتبجا مرتي واختكم.

شريف: علي راسنا من فوج، وياريت فاتن نواره يعيشو معانا عشان نعوضو اللي فاتنا.

(ليضحك قاسم)

قاسم: ده احنا عايزين معسكر مش بيت، بس علي العموم محلوله. عارفين الجصر الكبير اللي بعد البيلا بشارع اشرف؟

الجميع: اه عارفينه طبعا.

قاسم: خلاص هنشتروه ونجعدو كلنا فيه.

شريف: ربنا ميحرمناش منيك يا كبير.