رواية صراع القاسم الفصل التاسع عشر 19
 |
| رواية صراع القاسم الفصل التاسع عشر 19 بقلم سلوى عوض |
#سلوي_عوض
#صراع_القاسم
بارت 19
قاسم: ليشعر باءنه لا يستطيع الوقوف ليرتمي علي الاريكه.
عصام: قاسم، قاسم، قاسم.
قاسم (بصوت مبحوح): نعم يا باشا.
عصام: لازم تصلب طولك وتقف علي رجلك عشان نشوف هنعمل ايه، واكيد دهب لسه عندها كلام تاني عايزه تقوله.
دهب: ايوه يا باشا انا مش اخت جاسم، فاتن هيا اللي أخته.
قاسم: انا حاسس ان حد ضربني علي مخي.
حمزه: تعرف يا قاسم، ف الاول ما كنتش طايقك، بس بعد التسجيل اللي سمعناه والكلام اللي قاله الباشا، انا فعلا متعاطف معاك، وصدقني انا هثبت براءتك.
دهب: هو حضرتك التسجيل ده مش يخليه يطلع براءه؟
حمزه: لاء طبعا، التسجيل تم من غير اذن نيابه، وممكن اي محامي معندوش ضمير يشكك فيه.
قاسم: انا دلوك اللي مش عايز البراءه ديه.
(هنا يدخل أحد العساكر)
العسكري: لمؤاخذه يا افندم، اصل العمده واجف برا ومعاه الماءذون وعايز يدخل لحضرتك.
قاسم: وادي كمان حمايا جايب الماءذون عشان اطلج بته.
عصام: طيب يا عسكري أخرج ومتدخلش حد غير لما حمزه بيه ينده عليك.
العسكري: تمام يا افندم.
عصام: حمزه، انا هاخد دهب وقاسم علي مكتب النوبتشيه، وانته شوف العمده عايز ايه.
قاسم: عاوزني اطلج بته.
عصام: وانته رءيك ايه؟
قاسم: هطلجها طبعا، ديه ما صدجت اني اتحبست وعايزه تطلج.
عصام: طاب ما تصير لما تخرج.
قاسم: احنا كده كده مش متفجين مع بعض.
عصام: خلاص يا حمزه، لو العمده صمم علي الطلاق كاءنك هتبعت تجيب قاسم من الحجز.
---
حمزه: تمام، حاضر.
(وبالفعل يخرج اللواء عصام ومعه قاسم ودهب ليدخلو غرفه النوبتشيه)
حمزه: يا عسكري خلي العمده يدخل هو واللي معاه.
(هنا يدخل العمده ومعه الماءذون)
حمزه: اهلا يا عمده، خير في حاجه؟
العمده: ايوه يا باشا، انا عايز جاسم يطلج بتي.
حمزه: وليه بس كده؟
العمده: بعد اذنك يا باشا الكلام خلصان.
حمزه: خلاص، هبعت اجيبه واتفاهمو مع بعض.
(ليرسل شاويش)
حمزه: منصور.
منصور: نعم يا افندم.
حمزه: هاتلي قاسم من الحجز.
منصور: حاضر يا افندم.
(ثم يخرج حمزه خلف منصور)
حمزه: قاسم موجود مع سياده اللواء عصام ف مكتب النوبتشيه.
(ليفرح منصور)
منصور: يبجا حضرتك عرفت أن الكبير بريء.
حمزه: مش وقته، روح انته هاته وكاءنك جايبه من الحجز، اه وبلاش كبير ديه قدام اي حد، تعامل قاسم علي أنه متهم لغيت منشوف.
منصور: حاضر يا افندم.
(وبعد دقائق يدخل منصور ومعه قاسم)
العمده: انا جيبتلك الماءذون، طلج بتي، ياله مناجصش غير المجرمين كمان يبجو نسايبي.
قاسم: الله يحفظك، بس هيا مرتي عارفه انك جاي وعايزني اطلجها؟
العمده: امال ايه؟ ده هيا اصلا اللي جالتلي زي مجوزتني ليه، طلجني منيه.
قاسم: اسمع الكلام منها هيا.
العمده: ياسلام، بس كده من عيوني.
(ليتصل العمده بصابرين ويفتح الاسبيكر)
صابرين: خلاص يا أبا، خلصتني من المجرم جاسم.
العمده: سمعت بودانك، انا لسه حتي متكلمتش.
قاسم: وانا كمان معيزهاش، وهطلجها، واخواتي وامي هيجومولي محامي، ولما اطلع براءة اوعا تاجيني وتجوللي رجع بتي.
(ليضحك العمده ضحكه سخريه)
العمده: اه ف المشمش، اخوك راح للمحامي وجاله نص مليون، وامك كانت عايزاني انا اللي ادفعهم، بتجول احنا معناش فلوس؟ يعني انته هتجعد ف السجن لغيت متشيب وتعجز، محدش هيساءل فيك، خلص ياله طلج البت.
قاسم: عيالي فين؟
العمده: عيالك عند ناسك، معيزينش حاجه تفكرنا بيك.
قاسم: ابدء اجراءتك يا سيدنا الشيخ.
(وبعد نصف ساعه ينصرف العمده بعد أن طلق قاسم زوجته)
---
نواره (تجلس في قاعتها حزينة وتتحدث مع نفسها): ده اتاري جاسم كان عنديه حج، اخواتي وحريمهم لازملهم العين الحمرا، طاب اعمل ايه بس يا ربي؟ ايوه، انا اتصل بصابرين تاجي تاخد عيالها، العيال غلابه وصعبانين عليا.
(لتتصل نواره بصابرين)
صابرين: خير، عايزه ايه؟ مش خلاص خلصنا، انا اتطلجت من اخوكي يا بتوع المخدرات.
نواره: بتجوللي ايه انتي؟
صابرين: زي مسمعتي.
نواره: طاب وعيالك؟
صابرين: معيزاهمش، خليهم عنديكم، معيزاش حاجه تفكرني بيكم.
نواره: حرام عليكي، هما ذنبهم ايه؟
صابرين: بت انتي اجفلي ومتتصليش بيا تاني، سامعه ولا له؟
نواره: اعملي معروف، عيالك هنا جعانين وحريم عيالهم بيضربوهم.
صابرين: اجفلي يابت انتي، انا بعد العده هتجوز واحد محترم واخلف عيال غيرهم، جاتكم المرض كلكم.
نواره: اعمل ايه انا بجا دلوك؟ انا نفسي اشوف جاسم جوي، جطعت بيا يا اخوي، انا هروح أزوره واخدله زياره أو اديله فلوس، احسن، انا كده كده معايا فلوس من اللي ادهاني عبدالسميع، انا هلبس واروحله، بس هجولهم ايه؟ اه هجولهم انا رايحه الصابرين، حلو كده، هجوم البس وانزل واجولهم أنها جالتلي تعالي خدي حاجات للعيال عشان ابوها محرج عليها تاجي عندينا، وهما طماعين وهيغرحو.
(لترتدي نواره عباءتها وتنزل الي الأسفل لتجد إخوتها وزوجاتهم جالسين يتسامرون)
اشرف: راحه فين يا بت؟
نواره: اصل صابرين اتصلت علي وجالتلي تعالي خدي حاجات للعيال عشان ابوها محرج عليها تاجي عندينا.
اشرف: طاب غوري.
عفاف: اللي ياجي منيها احسن منيها، بس عارفه لو ادتك فلوس وخبتيها انتي حره.
نواره: له، أي حاجه هتدهالي هجيبها واديهالكم.
عفاف: ايوه كده، احبك لما تسمعي الكلام.
(لتخرج نواره وتقول)
نواره: ربنا ياخدكم.
---
(اما ف القسم يدخل الظابط حمزه غرفه النوبتشيه ومعه قاسم)
حمزه: لسه في عندك كلام تاني يا دهب؟
دهب: اه يابيه.
حمزه: طاب متتكلمي.
عصام: هاتلنا قهوه يا حمزه، وهات لدهب عصير ليمون.
حمزه: تمام.
(ليخرج حمزه لينده علي منصور)
حمزه: هاتلي تلاته قهوه وواحد عصير ليمون.
منصور: حاضر يا افندم.
(وأثناء وقوف حمزه مع منصور تدخل عليهم نواره، لينظر لها حمزه نظره غريبه)
منصور: الست نواره.
نواره: اخبارك ايه يا عم منصور؟
حمزه: انته تعرفها؟
منصور: ديه الست نواره اخت الكبير.
حمزه: انتي اخت قاسم؟
نواره: اه يا بيه، وبعد اذنك نفسي اشوفه.
حمزه: تعالي معايا، وانته يا منصور خليهم اتنين ليمون ومتدخلش حد علينا.
(ليتحدث حمزه الي نواره)
حمزه: الجمال الصعيدي كله.
نواره: بتجول حاجه؟
حمزه: لاء، ابدا.
---
تابع الفصل التالى من هنا (رواية صراع القاسم الفصل العشرون 20 بقلم سلوى عوض )
لقراءة جميع فصول الرواية من هنا (رواية صراع القاسم كاملة (جميع الفصول) بقلم سلوى عوض)
اهلا بك