رواية للعشق معانى اخرى الفصل العاشر 10 بقلم حنين هانى

بارت10

ليل. هتجي معانا بكره يافرح عند زينه عشان جوري واحمد

فرح. اي ده مالهم

غيث. ان شاءلله بكره هنروح نطلب احمد لجوري ونقرأ بكره فاتحه هنا نزلت الصدمه عليها

يارا سمعت الكلام وراحت لعالم تاني

طب وهي 

وكلام عمتها الي دايما احمد بيحبك 

احمد مش هيكون غير ليكي

حبيه واعرفي عنو كل حاجه عشان لما تتخطبو تبقو فاهمين بعض 

ازاي يعني جوري

ازاي دي النتجيه النهائيه 

طيب هو قلبي كان لعبه بنسبالهم

عمتي كانت شايفه قلبي ولا حاجه عشان ملت حبو في قلبي ومره واحده يطلع كل ده كلام فاضي 

عينها دمعت من الصدمه وسحبت بهدوء ودخلت البلكونه تشم هوا تحاول تصدق ان الي حصل ده مش حقيقه 

فرح. لا اكيد هنروح طبعا 

مراد. مشاءالله الله العيله بقا فيها عرايس كتيرر 

يوسف. عقبالي يارب امتا الواحد يلاقي فريسة احلامو 

ليالي. طول منتا زير نساء كده عمرك مهتلاقي 

يوسف. الله وانا مالي هما الي بيجرو وريا عشان مز 

ليل. اه يايوسف انتا ديما تفكرني بعز

ليث. اه والله كان ديما كده يقول انا مز ومش عارف اي واي 

يوسف. مش مشكله المهم اني مز

فرح. اهو خليك تفضل تعمل كده وتتنك علي بتات الناس لغايت ماربنا يرزقك باوحده تخليك وشك زي افقاك ضحكو كلهم واعدو مع بعض وقدو وقت لطيف لغايت ماروحو  

في بيت ليث

********

دخلت يارا علي طول اوضتها من غير ماتختلط مع حد ودخلت فرح

فرح. مالك ياحبيبتي فيكي اي من ساعة ماعرفتي موضوع جوري واحمد وانتي مش مظبوطه

يارا بتحاول تداري. لا ابدا مفيش حاجه ياماما انا كويسه 

فرح. مش عليا انا يايارا في اي مالك وبتعيطي ليه 

انهارت يارا من العياط 

يارا. اه يماما قلبي وجعني اوي قلبي حاسه حد مسكو وجاب طوبه كبيره واعد يرميه عليه لغايت ماتسكر مليون حته

فرح. ليه ياحبيبتي كل ده ليه 

يارا هي عمتك قالتك حاجه 

يارا ببعياط اكتر. ايوه ايوه يماما ديما تقولي احمد ده بيحبك احمد ليكي يارا احمد هتكوني مراتو وانتي مرات ابني هو بيحبك بس مش عايز يبين لغايت مايجمع فلوسو 

لغايت ماخلتي اركز معاه واحبو ياماما ده انا مش بس حبيتو ده انا عشقتو 

قالتلي انا كلمت فرح وخلاص هانت ونخطبك وتبقي اجمل عروسه 

خلتني ابني احلام 

خلتني ابني في خيالي حياتي المستقبليه 

انا مكنتش مركزه مع الموضوع 

هي السبب خلتني اركز 

خلتني احبو 

وفي الاخر اتكسرت 

قلبي اتكسر قلبي موجوع ياماما وفضلت تعيط كان واقف ليث وراه الباب وسامع كل حاجه قالتها يارا 

ازاي اختو عملت كده في بينتو 

ازاي تفضل تعشمها تعشمها وفي الاخر تطلع خسرانه اتعصب جامد اوي ودحل اوضتو

في الاوضه

فرح. ياحبيبتي انتي غلطانه وازاي متجيش تقوليلي حاجه زي كده هي فعلا كلمتني وكل فتره تكلمني بس بقولها ان شاءلله لو ليهم نصيب في بعض هيكونو لبعض

ازاي ياحبيبتي مفكرتيش انو ممكن ميكونش بيحبك 

انتي غلطانه يا يارا 

يارا. غصبن عني ياماما من كلامها لقتني بتشدلو 

انا تعبانه ياماما تعبانه اوى وقلبي وجعني اوي 

فرح. بس ياحبيبتي وبطلي عياط خلاص يلا بطلي عياط ونامي دلوقتي 

يارا. حاضر ياماما وطلعت ودخلت اوضتها لقت ليث اعد شكلو متعصب

فرح. مالك ياحبيبي في اي

ليث. انتي ريم كلمتك قبل كده في الموضوع ده 

فرح. انتا عرفت منين

ليث. ردي يافرح

فرح. ايوه ياليث كلمتني وانا رديت قولتلها لو ليهم نصيب هيكونو لبعض ومردتيش اقولك عشان ميجيش في يوم يحصل اختلاف بينكو ويبقا في حساسية بس الموضوع ده 

بس المشكله دلوقتي ان هي كلت دماغ البت لغايت ماحبتو 

ليث الي حصل حصل وبلاش تعمل مشاكل بينك وبين اختك وسيب يارا انا هخرجها من الي هي فيه ده

ليث. ماشي يافرح 

************

صباح يوم جديد 

وصل رحيم الكافيه كانت ليالي اعده قبلها بساعتين بتعمل مقابلات عشان تظبط شغلها دخل رحيم 

رحيم. لو سمحت فين الطربيزه تبع مقابلات شركة LSR

النادل. حضرتك تبع المقابله طيب تعالي هوديكي للاستاذه ليالي ومشي وراه ورحيم مخدش بالي من الاسم اصلا كانت ليالي اعده حاطه عنيها في اللاب وشغاله

النادل. اهي الطربيزه الي هناك دي اتفضل 

رحيم. ماشي شكرا وراح علي الطربيزه كل ده وهو مش شايف وشها

صباح الخير انا رحيم حضرتك بعتلي رساله للمقابله

ليالي حست انها تعرف صاحب الصوت. ايوه اتفضل وبتشيل عينها من اللاب وترفعها

ليالي بصتلو فضلو متحنين لبعض شويه 

رحيم. هو انتي صدفه جديده 

ليالي بابتسامة. هي فعلا صدفه

تحب تشرب اي

رحيم. قهوه

ليالي. ماشي لو سمحت واحد قهوه والشاي بتاعي 

طيب اعرفك بقا بنفسي 

انا ليالي المسؤله عن الدعايا والاعلانات وانا الي هعملك الاعلان بتاعك

رحيم.بجد صدفه غريبه اوي

ليالي. هي. فعلا غربيه المره دي انتا الي هتطلب مني الشغل وانا هنفذو 

رحيم. حقيقي مبقاش فارق معايا اي حاجه قد مافارق معايا اني شوفتك تاني

ليالي ابسمت. شكرا بجد المهم بقا هكلمك عن الشغل

انتا اتفقت ومضيت العقود مع مستر عز انا ال HR هكون مسؤله عن اي حاجه تخص الشغل المفروض هاجي عشان اشوف المكان واصورو واصور الشغل واعمل اللوجو الي تحبو وعشان المصدقيه لازم هتعمل شغل قدام الكاميرا يعني بي. معني اصح هتكون عربيه بايظه هتبدي تشرح اي الي هي محتاجه وبعدين تصلحو وتشتغل والباقي عليا بقا 

رحيم. تمام مفيش مشكله 

ليالي. تمام حضرتك بقا ممكن تقولي تحب اللوجو بتاع الاعلان عامل ازاى 

رحيم. بصراحه معنديش اي فكره اعمليله علي ذوقك وانا واثق فىه

ليالي. تمام انا هعمل اللوجو وهتابع معاك علي الواتساب واقرب وقت هقولك امتا التصوير 

رحيم. تمام تبعتك معايا 

ليالي. تعبك راحه ده شغلي اتفضل القهوه شرب رحيم القهوه 

رحيم. اسف بقا لو عطلتك شويه 

ليالي. لا ابدا انا اصلا شغاله من الساعه 8 الموضوع عادي يعني وبصراحه بيني وبينك انتا كنت اخر مقابله والمفروض اروح الشركه بس انا مكسله اروح بصراحه فعشان كده اعده

رحيم. مع الي يشوفك يقول يعني بتحبي شغلك ومتلزمه

ليالي. بصراحه بحب الشغل بس مش بحب جو الشركه ديما لازم التزام في كل حاجه بص انا بعشق شغلي بس الفكره اني مبحبش جو الشركه والاجتماعات وكده عشان بصراحه ديما لازم اتهزق

رحيم بستغراب. ازاي مش فاهم 

ليالي. فاكر اول مره جيتلك الورشه والعربيه كانت عطلانه اليوم ده كان معايا مشروع فضلت اشتغل عليه اسبوع وجاهز وكل حاجه بس راحت عليا نوم ونزلت العربيه عطلت وتاخرت يجي ساعه ونص فاطبعا اتهزقت فهمت قصدي

رحيم. اه 

ليالي.صدعتك معلش انا صداع

رحيم. ولا صدعتني ولا حاجه انتي مشاءالله عليكي يعني خفيفه علي القلب

ليالي. شكرا ده من ذوقك احنا كده بقينا اصدقاء خلاص والقهوه دي بداية صداقه جديده 

رحيم. لا معلش اسمحيلي تبقا بداية مني ليكي معلش 

ليالي. مش هينفع انا من الصبح طالبه حاجات كتيره اوي 

رحيم. مفيش مشكله 

ليالي. لا ده هيكون كتيرر عليك بجد 

رحيم. مش احنا اصدقاء سبيني انا الي ادفع ودفع رحيم الحساب ونزلو 

ليالي. فرصه سعيده يامهندس رحيم

رحيم. انا اسعد يانسه ليالي

ليالي. اي الشغل الرسميات ده بقولك ايه انا ليالي وانتا رحيم اتفقنا

رحيم. اتفقنا

ليالي. طيب انتا رايح فين كده اوصلك في طريقي 

رحيم. لا مش عايز اتعبك

ليالي. لا انا كده هزعل بجد يبقا مش عاوزني اكون صديقتك

رحيم. لا مش كده علشان بس 

ليالي. مفيش بس يلا بينا وركبت العربيه وهو ركب معاها

ليالي.تحب اوصلك فين

رحيم. انا رايح الشغل

ليالي. اوكيه وبدات في السواقه وفونها رن

ليالي. اي ياحبيبي 

مراد. بقولك ايه دراين كلمتني وبتقولي عربيتها راحت تتصلح فاعدي خديها

ليالي. ماشي يامارو حاجه تاني ياحبيبي 

مراد. لا اصلا هاجي عشان عاوز اجيب حاجات ونروح سوا

ليالي. خلاص اوك باي وقفلت

حس انو اضايق لما سمعها بتقول ياحبيبي 

رحيم. انتي مخطوبه 

ليالي. لا وانتا خاطب

رحيم. لا بردو 

ليالي. احسن بردو 

رحيم. اي

ليالي. قصدي يعني السنجله حلوه يعني 

واعدو يتكلمو ويتعرفو علي بعض لغايت ماوصلتو وراحت علي المول كانت يارا عند دراين

ليالي. انا جيت ياولاد عاملين اي

دراين. كويس انك جيتي عشان الناس واخليكي مع يارا

ليالي. مالك ياقلبي 

يارا. مفيش حاجه 

ليالي. مش واضح في اي

يارا بدموع حكتلها كل حاجه 

ليالي. طيب بس خلاص اهدي

دراين. اول مره اضايق من عمتو بالطريقة دي بجد ازاي تعمل كده 

ليالي. ياجماعه هي اكيد مش قصدها

يارا. طيب وقلبي الي اتسكر مكنش قصدها بردو

دراين. بصي يا يارا انا شايفه انو الحمدلله ان الموضوع اتكشف بدري قبل منتكي تفضلي تتعقلي علي الفاضي

ليالي. صح دراين معاها حق لازم تفوقي لنفسك وتتعملي من الدرس ده واحمد اخونا اوي بعد الي حصل علاقتك بيه تتغير هو الموضوع خارج عن اردتو وجوري اوعي تفكري تغيري لازم تتقلبي الوضع

يارا. عندكو حق

دراين. يلا فكي كده وروقي ويلا هشربق عليكو وهغديكو علي حسابي

يارا. كتر خيرك يافنانه

******

في الشركه كان غيث شغال وخبط ليث ودخل

غيث. اي ده الدكتور ليث عندنا بدات نفسو مشرفنا

ليث. مش فايق ياغيث بجد 

غيث. مالك في اي

ليث. غيث انتا عرفت بالي ريم عملتو؟ 

يتبع

#بقلمي_حنين_هاني

#رواية_للعشق_معاني_اخري