رواية فى حضن جلادى الفصل الرابع عشر 14 بقلم نيرمين حمدى

#في_حضن_جلادي

الشخص: انا هتبرع

نور بصتله ونظراتها كلها شكر: انا بشكرك جدا بسرعه لو سمحت... صحبتي هتروح مني 

رحيم راح وراها لعند الدكتور وعمل شويه تحاليل عشان التبرع 

الدكتور: كويس جدا انت مناسب جدا للتبرع 

رحيم اتبرع لسجده وهو ميعرفش انها هي ولا كان مهتم يعرف مين دي الي اتبرعلها 

نور جات عشان تشكره علي مساعدته فلولاه كانت هتخسر سجده والجنين بس ملقتهوش كان مشي 

نور: يادكتور هو فين الراجل الي اتبرع

الدكتور: اصر انه يمشي دا حتي رفض يشرب حاجه يعوض بيها الدم الي فقده

نور: كنت عايزه اشكره بجد 

ثم ذهبت لسجده بعد مفاقت: حمدلله علي سلامتك ياسجده ياحبيبتي

سجده:انا فين واية الي حصل

نور: انا دخلت شقتك لقيتك مرميه وسايحه في د*مك جبتك علي هنا علطول 

سجده عيطت لما افتكرت الي حصلها علي ايد صاحب العماره: ابنننننننننني... انا خسرت ابني يانور صح؟!.... ردي عليا والنبي

نور: لا ياحبيبتي ابنك كويس في راجل الله يباركله اتبرعلك بالد*م لولاه كنتي هتخسري الجنين

سجده: بجد... يعني يعني ابني بخير... يعني انا لسه حامل

نور: اه لسه حامل 

سجده: هو مين الراجل ده اندهيه عايزه اشكره.... لو يطلب عمري اديهولو

نور: اختفي انا روحت اشوفه عشان اشكره بس قالولي انه مشي

سجده بأسف: يلا مش مشكله... بس هفضل ادعيله بسببه ابني عايش لدلوقتي

نور: قوليلي بقي اية الي حصل 

سجده: الند*ل صاحب العماره حاول يتهجم عليا 

نور بصدمه: يانهااااااار اسود احنا لازم نبلغ عنه ونوديه في داهيه

سجده: مش عايزه مشاكل انا قولت اني اسيب العماره واروح اي مكان تاني

نور: بقولك اية وانا كمان هسيبها وهدور علي شقه صغيره نعيش فيها انا وانت وتفضلي تحت عيني

سجده: بجد انا مش عارفه هردلك جمايلك دي ازاي

نور: جمايل اية ياعبيطه انتي اختي يابت

سجده ابتسمت

نور: بس برضو لازم نبلغ عن الز*فت دا عشان يحرم يعملها مع اي وحده تاني 

سجده: انتي شايفه كدا؟ 

نور: طبعا 

سجده: طيب 

نور: انا في ظابط اعرفه هيساعدنا هتصل عليه دلوقتي يجيلنا هنا

سجده هزت راسها بدون متتكلم

&&&&&&&&&&&&&&&&&&&

عاصي كان بيخبط علي باب اوضه زينه 

وزينه كانت سخنه جدا ومش قادره تتكلم

عاصي: زينه... افتحي مش كل يومين هتعملي كدا

زينه:..... 

عاصي حاول يفتح الباب وفتح معاه ليجد زينه علي السرير بتعيط اتجهه ناحيتها بسرعه وحط ايده علي شعرها ثم جبهتها: اية دا انتي درجه حرارتك عاليه جدا

زينه: تعبانه... تعبانه اوووي

عاصي: سلامك ياحبيبتي انا هجيب دكتور دلوقتي حالا

عاصي اخد تليفونه واتصل علي دكتور: الو يادكتور تعلالي علي العنوان الي هبعتهولك بسرعه مراتي تعبانه جدا

الدكتور: حاضر ابعتلي اللوكيشن

عاصي راح لزينه تاني وعمل ليها كمادات ومسبهاش: سلامتك الف سلامه 

عاصي كان خايف عليها جدا لدرجه انه بيعمل كمادات وايده بتترعش وزينه بصتله وهي مستغربه خوفه ولاول مره بتحس بأمان معاه... القلب دا مستحيل يعرف يأذيها

زينه: عاصي

عاصي: ياقلب عاصي

زينه: انت خايف اوي كدا ليه دي مجرد سخونيه

عاصي: انا اخاف عليكي من الهوا الطاير... بس معذوره مهو الهانم متعرفش غلاوتها عندي

زينه: مش عارفه اصدقك ياعاصي خايفه تخليني اندم 

عاصي: سيبي نفسك للمواقف تثبتلك اني عايزك واني مش بفكر في اي حاجه تانيه غيرك ولا هاممني اي حاجه غيرك

زينه بدأت تصدقه ليقاطعهم مجئ الدكتور وبعد مرور دقائق

عاصي: هااا يادكتور طمني

الدكتور: متقلقش كدا هي بس بتدلع عليك... انا كتبتلها علي دوا تاخده يوميا وهي هتبقي كويسه بإذن الله

عاصي بصلها وابتسم: حقها تدلع 

الدكتور ضحك: طيب مع السلامه انا بقي

زينه بطفوله: بس انا مش بتدلع

عاصي بضحك: وفيها اية لما تدلعي... ماانتي واخده الدلع كله لحسابك

زينه بزعل طفولي: انا تعبانه بجد ومش بتدلع

عاصي بضحك: ياست خلاص انا الي بتدلع

زينه: طيب ممكن تخرج عايزه اغير هدومي

عاصي بخبث: مش هتعرفي لوحدك... انا ممكن اساعدك

زينه: لا والله

عاصي: وفيها اية انتي مراتي

زينه: علي ورق ياعاصي عليييي ورق

عاصي: طيب متعقلي ونخليها رسمي طيب

زينه: اياك تفكر اياااااااك

عاصي بضحك: خلاص شوفتك قدامي بالدنيا 

زينه: اااا طيب اخرج يلا

عاصي: حاضر... عايزه حاجه من تحت؟ 

زينه: لا، بس متتأخرش 

عاصي: بس كدا... حاضر

&&&&&&&&&&&&&&&

في المستشفي

سجده ونور كانوا قاعدين وشريف دخل عليهم هنا السكوت عم المكان... الصدمه ظهرت علي عيون شريف وسجده 

شريف بصدمه: سجده؟! 

سجده اتوترت جامد وابتلعت ريقها ببطئ هي مش عايزه تقابل اي شخص كانت تعرفه: اااا يلا يانور احنا لازم نمشي

نور: نمشي اية يابنتي دا شريف الظابط الي قولتلك عليه

شريف: استني ياسجده.... انا محتاج اتكلم معاكي

نور: اية دا انتو تعرفوا بعض؟ 

شريف وهو باصص لسجده: اه اعرفها كويس

سجده: لو سمحت ياشريف بيه سيبني امشي وياريت محدش يعرف انك شوفتني او قابلتني وهبقي شاكره جدا لحضرتك

شريف: سجده قولتلك عايز اتكلم معاكي

سجده: وتتكلم معايا في اية 

شريف: سيبتي بيتك ومشيتي ليه

سجده: حاجه شخصيه

شريف: طيب انا محتاجك الفتره دي وانتي لازم ترجعي

سجده: محتاجني في اية

شريف: سجده انتي اكتر وحده اتأذيتي من رحيم الجارحي... ولازم تساعديني اقبض عليه وساعتها هتقدري تعيشي وانتي متطمنه

سجده: لو سمحت حرام عليك بقي طلعني برا مشاكلكم دي انا هنا مبسوطه ومش عايزه ارجع للقر*ف دا تاني

شريف: انا مقدرك خوفك من التجربه... بس صدقيني اخلصي من رحيم قبل مهو يخلص منك، وعلفكره هو بيدور عليكي ليل نهار ورجالته مش بعيد تلاقيها في المستشفي هنا

سجده اتوترت وقلقت جامد: نور يلا بينا من هنا 

شريف: فكري كويس في الي بقولهولك واختاري تعيشي طول عمرك مهدده ولا ترتاحي

&&&&&&&&&

في قصر عائله الجارحي

عديله: ااااااه ياوجع قلبي عليكي يازينه.... ياتري انتي فين يابنتي عايشه ولا ميته

دلال: استهدي بالله ياعديله... مهم بيدورا عليها ليل نهار 

عديله: انا مش مطمنه يادلال بنتي جرالها حاجه 

دلال: متقوليش كدا ان شاء الله هتبقي كويسه

&&&&&&&&&&&&&&&&

في اوضه جاد 

جاد كان في البلكونه بيولع سجاير كتير جدا علي غير عادته ورهف جات خبطت علي الاوضه بس هو مردش وكان سرحان في الي بيحصل

رهف: جاد

جاد لفلها: اية مصحيكي لدلوقتي

رهف بصت علي السجاير: بتعمل في نفسك كدا ليه وهو كان في اية بإيدك وانت معملتوش

جاد: حاسس اني متكتف اختي ومش عارف الاقيها

رهف عيطت: هي وحشتني اوي ياجاد انا بجد خايفه اوي

جاد مدلها دراعه وخدها في حضنه: متخافيش مش هيغمضلي جفن إلا لما الاقيها 

رهف تشبست بملابسه ودموعها غرقت هدومه: يارب يارب ترجع

ليقاطعهم مجئ مكالمه لجاد: الو

صفيه: جاد الجارحي؟ 

جاد: ايوة مين

صفيه: انا الي هتقولك زينه مع مين

جاد: مع مين انطقيييييي

صفيه: مع عاصي النمر لا ومتجوزين كمان.... اختك يابيه مدوراها ومغفلاكم 

جاد ورهف اتصدموا من كلامها

جاد: انتي بتقولي اية انتي مجنونه 

صفيه: لا مش مجنونه لو مش مصدقني خليك في غفلتك لحد متجيلكم وهي حامل منه

جامد مسك اعصابه: مكااااااانهم فين

صفيه: معرفش

جاد: انتي هتستهبلي يار*وح امك

صفيه: قولتلك معرفش.... ياريتني كنت اعرف 

جاد مسك التليفون كسره علي الحيط ورهف اتخضت

رهف: اهدي ياجاد زينه متعملش كدا صدقني

جاد بغضب: انااااااا هتجنننننن الاقيهاااااا ازااااي وفين 

رهف: والنبي متصدقش كلام الست دي انا عارفه زينه مستحيل تعملها... هو اكيد خطفها واتجوزها غصب

جاد: لو دا الي حصل فعلا... ورحمه ابويا لاقتله 

&&&&&&&&&&&&&&&

نور وسجده وصلوا عند شقه صغيره علي قدهم وقدروا يأجروها 

وشريف قبض علي صاحب العماره

نور: انتي تقعدي وتحكيلي تعرفي شريف منين ورجوع اية الي بتتكلموا عنه دا انا مش فاهمه حاجه

سجده: انا تعبانه يانور انا حاسه اني شايله حمل فوق طاقتي

نور: احكيلي ياسجده يمكن اقدر اساعدك

سجده حكتلها علي كل حاجه 

نور: يالهوووووي انتي ازاي كنتي عايشه معاه ده.. دا مجرم ومن حق شريف يكون عايز يقبض عليه 

سجده: يعني هو انا هدافع عنه مثلا.. يقبض عليه بعيد عني يانوي انا مش هرجع للناس دي تاني انا اتأذيت بما فيه الكفايه... انا ابني مات بسبب الراجل الي عايزني اروح اعيش معاه تاني، محدش حاسس بيا ولا بوجعي انا بجد بكرهه.... الدنيا دي غريبه فعلا الاب بيقتل ابنه ويحرمه من الدنيا من قبل ميشوفها... وراجل تاني غريب ينقذ ابني بسبب تبرعه بالدم 

نور: سجده انتي اتأذيتي ولازم تنتقمي... الراجل دا خطر يعيش اكتر من كدا، متسبيهوش يأذي حد تاني، اسمعي كلام شريف ياسجده وارجعي لفتره مؤقته لحد ميلاقي مصيره وتخلصي منه وتعيش في امان بدل مانتي عايشه خايفه كدا

سجده بصتلها وبدأ عقلها يفكر في الموضوع بس ياتري هتوافق ولا لا قولولي